免費報紙
免費報紙

Permanenze 隨筆@permanenze

博客

廣告

生活喺資料發達既年代,每一年都係一個新時代,以往好多日常生活既習慣都因應數碼資訊發展得更發達而轉變,令到取得資訊既途徑更多、更快同更易。

好多資訊由以往要用戶主動去探索,到而家由資訊主動去搵用戶,加上即時更新,只要用戶打開程式,最新資料立即送到眼前。整個資訊世界流動得快,得到最快最新既消息已經變得輕而易舉。

好似而家聽音樂,智能電話上既音樂程式已可以推介最新最 hit 既音樂比用戶,唔洗用戶花費心神時間去搵。
朋友間資訊可透過社交平台等既地方實時知道,一有消息就會通知你,你可以唔洗粗心。
最重要就係新聞,每逢發生大事,都會即時知道。上至國家大事,下至公路交通,都可即時得知,一目了然。

今時今日既資訊發展之快,令好多野都順住發展方向流動,但當然仍然有奇怪現象,就係報紙。

想講既係 免費報紙 。

喺而家呢個社會,每日仲係有好多人好人去拎 免費報紙 ,你可能會諗,仲有好多叔叔嬸嬸唔識科技野,唔識用 smartphone 上網睇新聞,我係明白,但我想講既係,有好多OL 白領都會拎。
問題係,佢地係咪可以唔拎呢?

佢地同叔叔嬸嬸佢地唔同,對科技有相當既認知,至少手中一部 smartphone 就可知天下事,仲未計 office 部 desktop、見客用既 tablet 同 present 用既 notebook 等,呢類科技產品都可以幫我地去取代免費報紙,而 免費報紙 內容對比收費報紙少得多,與新聞網上的相約,咁點解唔上網睇新聞,仲要去拎一疊睇一陣就掉既紙呢?

轉一轉心態,可能成個人唔同晒,同自己講每次行過報紙派發點,都唔好拎,用電話電腦睇。做得到,你話幾好呢,成件事幾合理呢?要知道呢個世界係無免費午餐, 免費報紙 都係要附出,佢既虛耗之大令人難以想象,最終為 免費報紙 附出既係我地既環境。

呢個問題值得思考……

延伸閱讀: 小孩子的顏色世界@ Permanenze
自製自動澆水裝置@ Permanenze