Netflix
Netflix

Netflix美劇神網登陸香港!免費任睇一個月懶人包

旅遊

廣告

出現了!香港人經常話自己無選擇,大台獨大又無心經營,但今日開始電視界又再變天,因為Netflix宣布香港區(澳門,台灣,馬來西亞都有)服務經已開通,大量美劇同電影都有得任點任睇,而官方推出1月免費試用,唔駛錢就可以任睇,所以記者都決定立即申請,唔合心水再delete退出。

知道大家有好多疑問,所以一次過解答10大問題:

1. 如何免費睇?
Netflix在今個月推出首月免費優惠,以現時為止申請Netflix帳戶就會有一個月免費任睇服務。但大家留意在一個月之後就會正式收費,各位睇完唔合心意可以收費前退出Netflix。

2. 三個月費計劃的最大分別是?
最大分別有兩點,第一是多裝置同時登入功能,$93的高級計劃可以同時有4個裝置,($78標準計劃可以有2個裝置,$63基本計劃只可單一裝置同時播放)。第二是畫面質素,只有高級計劃才可以看到超高畫質影片 (超高清 4K),標準計劃(高清 1080),基本計劃(標清)三個不同畫質;至於$78標準計劃,則可接收後兩者、即高清及標清質素;而最平的基本計劃,就當然只可接收最低的標清畫質。

3. 有4k超高清咁勁!
無錯,不過大家要留意你上網速度要有25 Mbps先支援到,慢過標準的話,Netflix將會相應調低畫面質素。當然!除了有高速上網,更加要有4k超高清電視機一部,其他裝置都不能完全顯示最高畫質。

4. 聽講有小朋友channel?
無錯,小朋友channel入面有唔少卡通睇,記者仲見到有海綿寶寶大電影添!

5. 有什麼平台可以使用Netflix?
包括Apple TV,PS3 / PS4,Xbox ONE,智能電視,iOS / Android 手機及平板APP,電腦網頁瀏覽器等等,而由Google推出的Chromecast迷你電影盒子都可以。

6. 澳門朋友可以使用Netflix嗎?
可以。

7.有冇繁體中文字幕?
有,仲有西班牙文同法文。

8. 有些劇集好像沒有最新集數,難度沒有跟上美國進度?
部份劇集暫時未跟上最新集數 (例如Dare Devil夜魔俠),更新情況有待官方交待

9. 有冇港產片睇?
暫時以美國劇集、電影、卡通為主。

10 有冇神劇紙牌屋 (House Of Cards)睇?
沒有,官方指在經過深入了解每個地區的會員喜好後,再會增加影片內容。

 

申請教學:

第一步. 到netflix 香港主頁(按我),按免費試用一個月

第二步. 選擇月費計劃,填上帳戶電郵和密碼

第三步.填上付款方法 (現時首月免費,在免費月完結後會收月費,但大家可以隨時退用Netflix)

第四步. 重新確認資料

第五步.選擇你會使用什麼裝置看Netflix

 

正式使用:

第一步. 登入帳戶

第二步. 選用使用者 (此時可以選擇兒童channel)

第三步. 選擇影片

第四步. 播放影片 (在右下方,可以選擇字幕)

 

電影電視劇集名單:

電視劇:包括大熱漫畫改篇超級英雄系列《GOTHAM葛咸城》、《DAREDEVIL夜魔俠》、《JESSICA JONES潔西卡瓊斯》、《ARROW綠箭俠》,和《Elementary福爾摩斯與華生》,《天幕圍城Under the Dome》及《IT狂人The IT Crowd》等等

電影:電影《戀上熱愛島Aloha》,《引力邊緣Gravity》,《潛行空間Inception》,《阿甘正傳Forest Gump》,《壯志凌雲Top Gun》,《忘了、忘不了The Notebook》,《月黑高飛The Shawshank Redemption》及《大亨小傳The Great Gatsby》等等