IKEA 「 無線充電器 」空降香港 ！全家電話一齊充電

呢款 無線充電器 有6個唔同型號，部分有木紋或白色款式可選擇，每個充電器會再有一個USB槽，可以同時為2至4個電子裝置充電。第一款無線充電器有兩個充電位， 可以內嵌於傢具中，融為一體，但由於充電器不可濕水，所以使用時要小心！另一款可以四處移動，可隨時放置於不同地方，價錢為＄249.9－＄649。

只要電話係合乎QI認證，可以作無線充電就可以放喺充電器嘅「+」字位；若果唔係都唔怕，因為 IKEA 提供埋專用嘅無線充電保護殻！但暫時只有Samsung S3、S4，S5以及iPhone4/4S、5/5S，6型號嘅保護殻，價錢介乎＄99.9至＄199.9。外形與普通電話保護款沒有分別！

結合座檯燈、座地燈成家居多功能傢具

另外更可以發現， IKEA 了解到大家需要，所以推出咗3款座檯燈和座地燈座連 無線充電器 ，方便工作同休息時都可鬆易為電子產品充電。

呢款單插座連USB埠可以固家係書台或其他傢具上，除咗可以可連接咖啡機或其他烹調電子用具外，都可以為電話充電。

IKEA 無線充電器 有好有壞？

其實呢款 無線充電器 上年已經開始喺台灣有得賣，有用家覺得有時唔小心移到電話就充唔到電，好唔方便！

有網友覺得因為無線充電，所以冇得再邊充邊玩電話好唔方便；但都有人覺得每次充電啲線成張枱都係好亂，而且充電線好易斷，所以無線充電幫佢慳返好多買線嘅錢！

IKEA
網站：IKEA官方網站