ALAND 新増韓牌護膚品! 銅鑼灣店新裝修率先睇

ALAND 新裝修空間感大增!

店舖裝修後仍然有男女裝同飾物部，但店舖的空間感更大。因為新店一改以往由天花到地下的貨架設計，改為貨架大多都係眼水平線下。這種設計令店舖感覺開揚之餘，客人行得舒服點又會增加消費意慾。

女裝部

女裝服飾依然係主打，所以空間都佔多d，鍾意韓風嘅女生可以慢慢行。

男裝部

男裝雖然佔的空間較少，但服飾種類比以前多，更會在這裡找到一些男士飾物，如領帶和煲呔等等。

女孩子至愛～飾物

同以往一樣，店舖都有飾物買，不過將佢哋放得更集中，令你睇到花多眼亂！

不過，今次裝修後最大驚喜就係增設幾款的護膚品牌，因為之前只有韓國店先有得賣。護膚品牌有Time to Blossom、Land Museum 等等，售價由$50至大約$400不等，但相比起韓國店，品牌數量就較少喇。彩妝就暫時未有，可能會有少少失望喇。

韓國護膚品－Land Museum

Land Museum 有不同系列護膚品，如：G.P. 松子頂級系列、山茶花愛情島系列、極致珍珠系列，更有男士系列，迎合不同人士的需要。

有機護膚品－Time to Blossom

Time to Blossom 係主打有機護膚品，加上可愛包裝，絕對可以吸引到女士荷包入面嘅錢！而且品牌除了有男女護膚品外，仲有嬰兒系列添！

家居擺設小蠟燭

除了護膚品，店內還有家居用的香薰蠟燭，可以令到屋企香噴噴～

Aland
地址：銅鑼灣利舞臺 1/F （顥示地圖）
營業時間：10am-10:30pm
電話：2873 6772

延伸閱讀：
太陽的後裔 「綁鞋帶」紙板登陸香港 粉絲們有福了!
必搶! 紅遍荷李活 Olympia Le-Tan X Uniqlo 潮出甜美時裝