碗碟
碗碟

$3有交易!潮人必買日系靚碗碟 |尖沙咀好去處|

熱話

廣告

購物係女人嘅天性,特別係遇到靚靚廚房用品,相信好多女士們都忍唔到手,今次記者就發現到呢d極抵買嘅碗碟,最平約$3就有交易!又平、又靚、款式又多、仲要叮得焗得,仲等咩呀?記者都已經忍唔住手掃咗幾百蚊貨喇~

超抵買和風碟

一入門口就見到呢d超抵買嘅豉油碟,$10/3隻真係諗唔到理由唔入貨,而且仲要咁多選擇,隻隻嘅顏色都好靚,夠晒日系!

正常size嘅碟都只係$10隻,平時要買隻入得微波爐嘅碟,起碼都3、40蚊,款式仲唔一定靚添,可見呢度有幾抵。

呢度連長碟都有得賣,用嚟放壽司就一流喇,成件事即刻日本晒!

潮人必備 買碗都一樣又平又靚

呢d咁靚嘅碗都只係$7/隻,屋企用咗佢哋即刻都潮d型d,除咗自用之外,朋友新居入伙新禮都絕不失禮呀!

除咗飯碗之外,大size嘅拉麵碗都一樣有!平時出去買隻咁闊口嘅碗閒閒哋都要$60以上,呢度$28就有交易!

想買返d傳統款式一樣得,記者嘅媽媽就已經order咗10隻呢款飯碗喇。

店員話而家係以短期租約形式開舖,只會開到3月尾,所以想買就要快手d喇~

地址:尖沙咀北京道bossini對面(顯示地圖
營業時間:10am-11pm

支持旺角小店 婆婆都有賣平價碗碟

除咗尖沙咀嘅臨時舖,其實唔少夜冷店都有賣平價碗碟,旺角嘅譚才記就係其中一個例子喇。婆婆已經賣咗夜冷貨好多年,唔少街坊都會定期嚟呢度踫吓運氣,睇吓會唔會遇到好嘢。

雖然唔係咩特別款,但係$5/隻水杯,其實已經平過淘寶。

記者有唔少朋友都鍾意閒時飲返杯,所以都特登買咗呢款啤酒杯畀佢哋呀。

平時要買隻焗盤形嘅碟,冇返一、兩百蚊都唔得,但係婆婆只係賣$60,用嚟焗意粉就啱晒喇~

譚才記

地址:太子道西177號地下(顯示地圖
電話:2381 1567

延伸閱讀

魚蛋之亂@陳嘉惠

遊中上環印刷寶地! 歎60年代茶記 |周末遊懶人包