面部瑜珈 面部瑜伽
面部瑜珈 面部瑜伽

面部瑜珈 無難度! 簡易消除黑眼圈及眼袋 變靚神功?!?!

生活

廣告

大家都知道日本人對任何事情都有一種執著,無論係人哋眼中覺得幾無聊嘅事,佢哋都有辦法將佢變做一件十分認真,十分專業嘅事!就好似呢個節目咁,外人睇第一眼可能會以為係萬聖節嘅特備搞笑/嚇人節目,今次真係唔認真就輸了!

 

其寶佢哋係做緊 面部瑜珈 ,呢個簡單而隆重嘅瑜珈原來係可以幫人消除黑眼圈同眼袋嘅!我覺得教授面部瑜珈嘅大師簡直可以拎諾貝爾經濟學獎啊,因為只要女士們學咗呢個瑜珈神功,就可以買少啲化妝品啦!想學就睇埋落去啦!

神奇、頂級、超卓!面部瑜珈 神功!

1.將個嘴變做「O」形,令到臉部可以上下伸展。

2.眼睛向上望

(3) 瞇埋眼

重複步驟(2)及(3)4~5次

(4) 閉上眼睛休息放鬆

間間田佳子老師 – 咩來頭?

睇完咁多咁睜矃嘅樣…我諗大家都睇到O咗嘴。就等我哋睇下呢位「有可能提名~諾貝爾經濟學獎得主」-間間田佳子老師究竟係何方神聖。

間間田佳子老師係一位教授 面部瑜珈 同阿延探戈嘅老師,我嘅經驗話我知,當兩樣聽落大纜都扯唔埋嘅野溝埋一齊,就會變成瀨尿牛丸、又或宿紅豆軍艦一樣咁好犀利嘅野,所以間間田佳子老師喺日本有一定嘅知名度,接受過不同媒體嘅訪問,例如報知新聞(東京)、Fuji Sankei Business i.(東京)同オレンジページ 雜誌等。佢亦都出過好幾本書去教人點樣利用面部瑜珈去變靚啲。

上堂時間!黑眼圈及眼袋成因!

聽呢位專家講,睡眠不足同飲食唔定時都係黑眼圈形成嘅主因。佢就話,眼睛周圍嘅皮膚都係非常薄嘅,有幾薄?佢就話好似煮熟咗嘅雞蛋,表層果面薄皮咁薄!佢有冇誇張到我就唔清楚,但總知就係好薄啦!佢重話啊,眼睛周圍嘅都有同視力有關嘅微絲血管,當血液循環唔好嘅時候,就會形成又青又黑嘅眼袋㗎啦!

面部瑜珈點解work?!

老師就話,好似佢哋咁按摩,就可以利用自身嘅肌肉,去促進血液循環。完全唔需要靠其他外部勢力,咁就唔駛整傷自己嬌嫩嘅皮膚喇!
睇完咁多野…我相信大家都好想即刻做返一百次 面部瑜珈 。但記者喺度忠告大家,過度練功會令到人走火入魔,每日做4-5次好啦…如果唔係就會走火入魔,變到以下呢位人兄咁…

*間間田佳子老師「臉部瑜珈」消除黑眼圈及眼袋教學影片