運動
運動

全民 運動 日 免費玩18區康體活動及康樂設施 @ MISS SUNNY

生活

廣告

運動 風氣近年愈來愈盛行,Miss Sunny成日周圍食好東西,要keep fit 當然要做 運動 。其中一個Miss Sunny 好鍾意做嘅就係跳舞,適逢今年「全民運動日2017」就以跳舞為主,2月至7月期間仲喺社區舉辦「與鄰共舞」活動,Miss Sunny 就參觀過其中一間參與計劃嘅學校,仲同小朋友與老師傾過偈 ,一齊分享下跳舞嘅樂趣!

(presented by 康樂及文化事務署)

「與鄰共舞」活動計劃

「全民運動日2017」雖然要等到8月6日,但名為「與鄰共舞」嘅活動計劃早喺2月已經展開,旨在喺社區推動多元化同樂活動和鼓勵大家一齊做運動。參與嘅社區團體包括學校、物業管理公司、非政府機構及住客會所等。成個活動以協作形式推行,社區團體負責安排合適場地同音響設備,並組織參加者;而康文署則免費提供舞蹈導師,以外展舞蹈工作坊形式免費提供舞蹈示範及延展課堂,學員上完工作坊後,仲可以參加延展課程,一定學識一招半式!
康文署特別邀請香港舞蹈總會設計了一套由五組簡單舞步組成嘅「全民簡易舞」,作為活動主題舞蹈。為鼓勵參加者完成工作坊後繼續練習,康文署更將「全民簡易舞」及其他多套舞蹈示範短片上載喺「與鄰共舞」嘅網頁,市民可以隨時去網址 http://www.lcsd.gov.hk/tc/letsdance/demostration.html 跟住示範片段練習!

[embedyt] http://www.youtube.com/watch?v=v0s24tn6wOU

[/embedyt]

今次「與鄰共舞」活動嘅舞蹈導師都來自香港舞蹈總會,而提供嘅舞蹈種類更非常多元化,包括中國舞、社交舞、土風舞、兒童舞、團體舞、親子社交舞等,總有一款啱你心水!

在「與鄰共舞」活動中表現優異嘅團體就有機會出席8月6日嘅「全民運動日2017」活動作示範表演,據知目前已有超逾180個團體或單位參與。

Miss Sunny 上星期就跟跳舞老師參觀黃大仙天主教小學其中一堂舞蹈課,一眾學員年齡由6至9歲不等,穿上整齊運動服,可愛又醒目!見到佢哋跳得咁投入,真係令Miss Sunny都好想跳埋一份!

黃大仙天主教小學就選擇以土風舞作延展課堂,不但簡單易學,節奏明快,著重群體合作及身體協調,又可以展現文化特色。

擁有10年教授跳舞經驗嘅謝老師講解生動有趣,連Miss Sunny我聽到都忍唔住笑,難怪小朋友上堂上得特別開心,而且短短兩小時已經掌握到整套舞步,「教小朋友跟大人略有不同,教導佢哋時你需要用小朋友嘅語言,例如簡單嘅旋轉動作,你要講成『好似捲壽司咁捲埋』,用類似呢種比較形象化或故事式嘅語言去吸引小朋友,再複雜嘅舞蹈,佢哋都會記得。」

全民 運動 日2017

今年嘅「全民運動日2017」將會喺8月6日舉行,以跳舞為主題,又以「日日運動半個鐘 舞躍全城樂其中」做口號,活動當日康文署轄下十八區指定場地舉辦多項免費康體活動,包括講座、運動示範等等,又會開放大部分康樂設施供巿民免費使用! 免費康體活動及免費使用康樂設施分別喺7月17日(星期一)及7月30日(星期日)公開接受報名。 大家記住當日去康文署報名喇~

「全民運動日2017」

電話:2414 5555
網頁:http://www.lcsd.gov.hk/tc/sfad