聖誕打卡靚景逐個捉!六大呃Like之最@Travel佳

生活

廣告

每年嘅聖誕重點活動,就係要周圍影聖誕裝飾!除咗街邊嘅燈飾,商場入面都有好多特色裝飾俾你呃Like!一齊嚟睇下六大呃Like之最啦~

1.【最多影法】:螢光魔法屋!

唔好睇呢間屋仔細細,入面有好多唔同嘅裝飾,開燈同熄燈各有各玩法,好似以下呢幅相,係咪好似困咗喺雪球咁呢?

呃Like度:✭✭✭✭
影相位:✭✭✭
影相Tips:地上有最佳拍攝點嘅貼紙,企喺嗰度就影得最靚啦
評語:聖誕魔法屋光暗有唔同效果,影勻晒手都軟~

打卡詳情
日期:即日至2017年1月2日
時間:中午12點至晚上10點
地址:青衣城1樓夢幻島大堂

 

2.【最好玩】:瞓住玩幻視藝術之旅!

嘩!好玩唔玩,玩半天吊咁激?其實呢個係用傾斜巨鏡反射嘅效果,只要你瞓喺地下個佈景上擺pose,就可以做D能人所不能嘅動作,「吊」喺屋上面任你自由發揮,亦可以同情人Sweet Sweet 咁訓喺度影一張只係屬於你哋嘅相!不過最近個景仲轉埋做木屋景,喺12月15日又會再轉夜空景,想影齊晒好快啲去喇~

 

呃Like度:✭✭✭✭✭
影相位:✭✭✭✭
影相Tips:女仔記得將頭髮撥返去前面,咁先唔會似瞓喺度~
評語:喺外國hit爆嘅3D鏡屋,估唔到香港都有得玩。為咗令大家可以影到唔同嘅靚相,商場會定期換景Keep住新鮮感!加分加分!

打卡詳情
日期:即日至2017年1月2日
時間:中午12點至晚上10點
地址:青衣城1樓夢幻島大堂

 

3.【最迷幻】:令人肉GPS都失靈嘅魔幻迷宮!

如真~如假~如可分身飾演自己~現實當然唔可以分身啦,但入到去PopCorn呢個「炫目鏡迷宮」,真係有種難分真與假嘅感覺!入到去好易俾一大堆鏡搞到唔知自己喺邊,不過都唔駛怕走唔返出嚟,其實望住個地下行就無咁眼花,但當然無咁好玩啦~

其實鏡迷宮個外形成個禮物盒咁,都幾「影able」㗎!外圍仲有互動裝置同哈哈鏡玩,一次過滿足晒3個願望。

呃Like度:✭✭✭
影相位:✭✭✭
影相Tips:唔好開閃光燈,否則鏡會反射出嚟!
評語:迷宮夠晒迷幻,而且外圍都有好多唔同裝置俾你玩,例如互動裝置同哈哈鏡~

打卡詳情
日期:即日至2017年1月2日
時間:中午12點至晚上10點
地址:PopCorn 1期地下顧客服務中心旁及1樓大舞台

 

4.【最浪漫】:情侶必睇夢幻星海!

講到必影位,就一定要去呢個超超超超超夢幻嘅浪漫星海喇!駛唔駛咁多個「超」咁誇張?去圖你就知!

呃Like度:✭✭✭✭✭
影相位:✭✭✭✭✭
影相Tips:星海會不斷變色,每隻色都影下,張張唔同feel!
評語:成個浪漫星海直程夢幻到好似韓劇咁,少女心嘅你一定要同Oppa去喇!

打卡詳情
日期:即日至2017年1月2日
時間:中午12點至晚上10點
地址:PopCorn 1期地下顧客服務中心旁及1樓大舞台

 

5.【最藝術】:七彩歐陸風情!

相信好多人細個嘅時候都好鍾意玩萬花筒,見住佢不停轉出唔同圖案,感覺好不可思議。想唔想親身走入萬花筒嘅世界?唔係要將你縮細,而係將個萬花筒放大!

呃Like度:✭✭✭✭✭
影相位:✭✭✭✭✭
影相Tips:圖案不停轉,影相未必影到個效果,拍片就可以一次過影齊晒!
評語:萬花筒嘅圖案千變萬化,每按一下快門都有唔同景象!

打卡詳情
日期:即日至2017年1月2日
時間:中午12點至晚上9點
地址:德福廣場1期地下中央展場

 

6.【最空靈】:變幻莫測北極光!

一生人一定要睇一次北極光!同最愛嘅人睇北極光係唔少人嘅心願,依家香港都有個「浪漫星‧光‧館」俾你頂頂癮,入到館內會有個三角形嘅屏幕不斷閃出北極光同流星雨,再用兩旁嘅鏡反射出嚟,令你好似親歷其境咁!

呃Like度:✭✭✭✭
影相位:✭✭✭
影相Tips:避免著灰灰藍藍嘅服裝,如果唔係就會成個人食晒入背景!
評語:「浪漫星‧光‧館」雖然空間有限,但識就角度一樣可以影到特別嘅相。

打卡詳情
日期:即日至2017年1月2日
時間:中午12點至晚上9點
地址:德福廣場1期地下中央展場

想去上面呢6個呃like之最打卡,就要留意入場方法喇﹕https://goo.gl/72H9c3