澳門2日1夜
澳門2日1夜

澳門2日1夜 親子遊行程推介@Travel佳

生活

廣告

暑假活動排住隊咁嚟,想畀小朋友warm up下投入放假心情,最好就係近近哋嚟個「澳門快閃親子遊」!今次阿佳就幫各位嗲哋媽咪plan咗個澳門2日1夜 合家歡行程,有得玩、有得食,仲住得歎,即睇行程推介!

【Day 1】第1站:仲夏刺激水世界

天氣咁熱,到埗後第一時間梗係去玩水,透心涼一下!澳門巴黎人最近開設咗全新巨型水上主題公園「水世界」,非酒店住客都可以畀錢入場㗎;戶外游泳池有3大水上娛樂區,設施包括兒童水滑梯、翻斗樂、刺激好玩嘅水上飛船、12米高嘅滑水道等,大人細路都有嘢啱玩!玩到攰,池邊仲有小食亭、咖啡室等休閒空間,真係要幾歎有幾歎。

第2站:澳門巴黎鐵塔的日與夜

玩完水,接近黃昏時間,就好起程過去澳門巴黎人酒店,一睹澳門巴黎鐵塔嘅真身,可以一次過睇晒日落同入夜後燈光閃閃嘅靚景!佢按法國巴黎鐵塔真身1:2比例興建,阿佳試過朝早由下面望上去,都咪話唔震撼,大家仲可以登上鐵塔7樓同37樓嘅觀景台,飽覽澳門開揚景致,用Mastercard購買入場門票仲可享8 折優惠,都真係幾心動㗎。

第3站:buffet擦番餐

美食天堂唔係得香港㗎,澳門一樣出名多好嘢食!特別係各大酒店嘅自助餐,價錢較香港相宜,但環境同食物種類、質素一樣好高水準。就好似金沙酒店嘅「888自助餐」同金沙城中心康萊德酒店嘅「奧旋」,除咗有回本嘅海上鮮、刺身外,仲有地道葡式食品、傳統中國菜、西式烤肉,東南亞菜同甜品等等,一個字,豐富!Mastercard持卡人喺以上兩間餐廳享用自助早餐、午餐及晚餐,第二位可享半價優惠,抵噃!

【住宿之選】

玩咗大半日又食飽飽,就係述時候返酒店休息下喇!阿佳誠意推介嘅呢幾間酒店,都係位於路氹金光大道嘅世界級酒店兼綜合娛樂度假勝地,各具特色,Mastercard持卡人入住仲可享住宿連早餐套票85折優惠!澳門威尼斯人酒店以意大利威尼斯水鄉風貌為建築藍本,充滿美學感覺,室內大運河、購物街同敞大舒適嘅酒店房間都係賣點;澳門巴黎人綜合度假村就擁有啱啱介紹過嘅澳門巴黎鐵塔,酒店大堂仲不時有街頭藝人進行表演,好似置身歐洲街頭咁好玩;澳門金沙城中心康萊德酒店就鄰近澳門國際機場同澳門世界遺產城區,出去觀光或者留喺酒店歎Spa、Shopping都咁方便;最後係外牆閃耀奪目嘅澳門金沙,令人印象最深刻係娛樂場內嘅精彩表演節目,仲有不同星級食府及快餐店選擇!

【Day2】第1站:同功夫熊貓食早餐

想小朋友一起身就充滿活力,一定要同佢哋去金沙城中心品嘗「功夫熊貓之舞林盛宴」,同《功夫熊貓》阿寶連同一眾夢工場動畫巨星一齊食主題自助早餐,兼欣賞佢哋精彩嘅舞台表演﹗仲要記得帶相機,同你鍾意嘅動畫明星瘋狂合照!憑Mastercard享用呢個自助早餐,第二位有半價優惠

第2站:Q立方 親子 玩樂世界

呢part相信係繼「水世界」之後,最受小朋友歡迎嘅玩樂環節-係適合唔同年齡小朋友嘅Q立方遊樂場!澳門巴黎人酒店嘅「Q立方王國」擁有佔地超過1,858平方米,分室內同室外遊樂區,有波波池、城堡主題攀爬架、具有挑戰性嘅攀登太空艙、滑梯、旋轉木馬等,唔少大人都玩埋一份;澳門威尼斯人嘅「歷險Q立方」,就有高達6米嘅複合攀爬設施,仲有大小型滑梯、V字形繩橋、跨越及攀爬繩網等,挑戰性較高;澳門金沙城中心嘅「歷險Q立方2」專為4-17歲小朋友及青年人而設,有充氣彈力城堡、多款新穎電子遊戲、仲有手足球枱、氣墊球枱等,好啱大人同小朋友一齊玩!Mastercard持卡人購買門票可享8 折優惠

第3站:休閒歎美食

一家大細唔想周圍走?可以留返喺酒店歎個豐富嘅自助晚餐,澳門巴黎人酒店嘅「巴黎人自助餐」,同澳門威尼斯人酒店嘅「渢竹」,除咗有環球美餚畀你任飲任食外,歐洲風格嘅雅致環境亦最啱一家人舒服自在咁享用晚餐,而家憑Mastercard喺巴黎人自助餐享用自助早餐、午餐及晚餐或喺渢竹享用自助午餐及晚餐,第二位尊享半價優惠

第4站:Michael Jackson致敬音樂劇

鍾意Michael Jackson嘅朋友,絕對唔可以錯過呢個至今已踏足全球30多個國家、演出近5,500場次嘅「THRILLER LIVE」,表演者會為大家送上Michael Jackson嘅經營歌曲同招牌moon walk舞蹈。佢亦係澳門巴黎人酒店開幕後,首齣公演嘅音樂劇,獲觀眾一致好評及喜愛!

【交通資訊】 澳門2日1夜 金光飛航頭等式享受

一家大細去澳門 親子 遊,來回都要坐得舒舒服服!金光飛航上層特設舒適嘅頭等艙,有對座式連桌座位,一家四口啱啱好,可以一邊享用免費小食同飲品,一邊睇風景或者小睡片刻,大概一個鐘就到喇!

優惠期: 由即日至2017年12月31日

即上www.mastercard.com.hk/bestofmacau了解更多詳情

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線