想同失眠講byebye ? 好彩有 天然 香薰治療 @ Miss Sunny
廣告
最近放假約朋友食飯，見佢哋個個勁大眼袋，嚇親我！一問之下，原來係工作太忙無覺好瞓喎。香港人日忙夜忙，但都唔可以唔錫住自己㗎嘛。所以早前Miss Sunny就參加咗蓆夢思®嘅天然香薰治療工作坊，學吓點用香氛治療紓緩身心，晚晚安睡！講好咗，下次一定要介紹班姐妹參加，而家就睇睇上次工作坊花絮先啦：
（Presented by蓆夢思®）
呢個天然香薰治療工作坊早前喺18/12舉行，報名勁踴躍，坐無虛席。大家都知道長期失眠會令人難以集中精神，記憶力下降，影響生活之餘，壓力愈大，脾氣就愈暴躁。所以今次工作坊嘅導師、註冊香薰治療師Elaine就即場教各位參加者運用 香薰治療 、利用天然花草改善身體問題，唔用藥物都可以改善皮膚同身體機能，紓緩同解決失眠困擾！
齋聽又點會學識呢？參加者除咗聽導師Elaine講解之外，當日仲用甜杏仁植物底油，親自製作天然安眠減壓按摩香薰棒。透過配合呼吸、了解身體穴位，用植物香薰精油學習手部按摩舒緩法，除咗可以鎮靜同減壓，長久按摩仲可以治療失眠㗎。
有嘢學又有嘢玩，Miss Sunny個日真係好滿足。除咗攞住可愛道具同同學仔一齊影相，當日仲有一個驚喜大抽獎，抽到蓆夢思®枕頭及蓆夢思®熊仔嘅同學仔真係幸福，啱啱學完 香薰治療 法，返到屋企即刻用蓆夢思®枕頭入睡，晚晚一覺瞓天光！
錯過咗？唔緊要！嚟梗2017年1月15日仲有一個天然肥皂工作坊，可以親自製作之外亦有機會得到蓆夢思®枕頭及蓆夢思®熊仔，
想擊退失眠問題、改善精神緊張？記住報名喇！
詳情： https://goo.gl/forms/hM1aQKSDUnJMCp042
