唔做送禮勤!實用聖誕禮物貼士! @Jetso文

生活

廣告

(presented by MTR malls)

據說fd子多嘅人一到聖誕就會患上「揀禮物症候群」,頭大又頭痕!其實想買啱人見人愛嘅禮物,最緊要係投其所好,以下呢張禮物清單就幫大家「對症下藥」,務求令送嘅人放心,收嘅人開心!

1. 呃Like神器!微笑公仔鬆餅機

相信大家身邊實有幾個鍾意影相呃Like嘅朋友,呢個咁得意嘅微笑公仔鬆餅機就啱晒佢哋!整出嚟嘅鬆餅粒粒唔同樣鬼咁得意,仲可以當小禮物請人食,擺上fb係人都Like!

2.Dry爆囡囡恩物!香水樽加濕器

長期呻Dry嘅女性fd子最需要嘅,一定係「滋潤」!呢款令囡囡們少女心爆發嘅香水樽加濕器絕對係冬天必備Item,適合擺喺床邊同辦公室枱頭,時刻keep住水潤冇難度!

3. 減肥好幫手!扭扭泡茶杯

聖誕少不了開P暴飲暴食,最好就送個泡茶杯俾長期暗啞底減肥嘅飯腳,泡返杯消脂茶去油膩,減輕下佢哋嘅「負擔」!

4. 吃貨之選!飲食現金券

想送嘢食又驚唔啱對方口味?不如試下送咖啡、零食或者餐廳現金券,想食乜任君選擇!

5. 大人細路都啱!保溫杯套裝

出席有老有嫩嘅家庭派對,當然要買返份同樣溫馨嘅禮物作交換,一Set兩款嘅保溫杯套裝夠晒貼心,一家大細都用得著!

以上禮物無論實用性定CP值都好高,係咪心思思想買多份自用?冇預budget俾自己唔緊要喎,事關呢啲禮物係可以用MTR Malls App儲分免費換㗎!想快啲儲夠分唔難,由即日起到12月31日期間,用電子貨幣喺德福廣場、青衣城、PopCorn、連理街指定商舖消費滿HK$100或以上,仲可以玩埋「聖誕即抽即中獎」遊戲,即時獲得3倍至100倍嘅積分獎賞!買聖誕禮物俾人仲有得賺分換禮物俾自己,真係好鬼正囉!拿拿聲去買嘢啦~~~