博物館
博物館

全港免費睇展覽! 3個「唔睇就蝕」博物館

香港好去處

廣告

政府推出嘅大型公眾運動「欣賞香港」其中一個項目-「優遊博物館」,即係所有康文署轄下嘅博物館,都可以係2016年1月免費開放公眾入場,為期一個月!但記得要留意番開放時間呀!仲有香港藝術館現正進行為期三年的改善工程,而香港太空館則進行短期維修,預計2016年年底才能開放,所以呢兩個館就無得去啦!

1.香港文化博物館

沙田嘅香港文化博物館,唔知大家細細個有無去過呢?細個住沙田區嘅就一定去過啦!最好玩嘅一定係個兒童探知館,有得玩沙包同魚缸,入面仲有好多懷舊玩具展覽!

除咗兒童探知館,依家仲有李小龍展覽,仲有得睇《李小龍風采一生》紀錄片,座位先到先得,要去就要早啲啦!

開放時間:
星期一、三至五 : 上午 10 時至下午 6 時
星期六、日及公眾假期 : 上午 10 時至晚上 7 時
聖誕節前夕及農曆新年除夕 : 上午 10 時至下午 5 時
星期二(公眾假期除外)、農曆年初一及二休館(票務處將於閉館前30分鐘關閉)
地址 :香港新界沙田文林路一號(顯示地圖

2.香港科學館

科學館出名多嘢玩,不妨襯佢開放,唔駛錢,行入去玩下都好!

開放時間:
星期一至三、五:上午10時至晚上7時
星期六、日及公眾假期:上午10時至晚上9時
聖誕前夕及農曆新年除夕:上午10時至下午5時
星期四(公眾假期除外)、農曆年初一及二休館 (票務處於開館時同時開放,休館前一小時停止售票)
地址: 九龍尖沙咀東部科學館道二號(顯示地圖

3. 歷史博物館

歷史博物館可以令你一日內穿梭六千年,由最初自然生態環境,慢慢去到原始人生活,再經歷漢潮至清朝,之後仲去到鴉片戰爭、日佔時期,再講到香港回歸,所謂「讀萬卷書,不如行萬里路」,襯唔駛錢去學下嘢!

開放時間:
星期一、三至五 : 上午10時至下午6時
星期六、日及公眾假期 : 上午10時至晚上7時
聖誕前夕及農曆新年除夕 : 上午10時至下午5時 星期二(公眾假期除外)、農曆年初一及二休館
地址: 九龍尖沙咀漆咸道南100號(顯示地圖
延伸閱讀
慎入!《陀地驅魔人》8個驚嚇位!
姆明化身聖誕樹 免費玩全景selfie【旺角好去處】
秋季豐盛節 動靜皆宜【大埔好去處】