老麥擺酒～網民幫手！13道創意婚宴菜單！
廣告
麥當勞搞生日會可能好多人去過，但麥當勞最近搞埋Wedding party，你又有無興趣呢？最平$2999就可以擺酒，真係諗都無諗過！琴日就有網民就搞笑咁set咗個麥記擺酒菜單出嚟，等我地睇下有咩爆趣留言先！
咁多個Plan，真係幾多嘉賓嚟，中式定西式，任君選擇！香港人唔駛再驚擺唔到酒啦，因為梗有一間係左近！
網民爆笑回應
昨日一出完post，就引發咗大家嘅熱烈討論，當中有唔少爆笑留言，真係不得不佩服網民嘅創意！
1. 創意爆燈麥記擺酒菜單
活用麥記原有嘅菜單，加多幾個出面酒樓擺酒成日用嘅字，例如椒財進寶、永結同心同三年抱兩等等，簡直同出面酒樓嘅菜單一模一樣呀！
不過講到最吸引嘅菜色，我就覺得係「多子麥樂雞球」，因為佢令我諗起一年一度嘅麥樂雞節，大家一齊倒出嚟果下我諗震撼過砍乳豬！
2. 質疑麥記無酒牌
有網民質疑麥記無酒牌，咁點「擺酒」呀，應該叫「擺可樂」！真係不得不佩服網民嘅創意，不過，擺酒就唔一定要飲酒嘅～
3. 人情比幾多？
之前有人就為咗五百蚊人情，嘈到上Facebook，搞到滿城風雨，個個都問夠竟去飲要封幾多人情。依家麥記擺酒又應該俾幾多人情呢？麥記20個嘉賓先$2999，除開每人$150都唔駛，人情如果封五百，又真係一門生意嚟噃！
4. 尋找一個麥記擺酒嘅女朋友
之前有段全城熱爆短片 -《男人一生，只為尋覓一個肯同自己挨麥記嘅女人》，令到每一個男人都要立志搵個願意食麥記嘅女人，但我諗依家會係「男人一生，只為尋覓一個肯同自己係麥記結婚嘅女人」….
