滑梯
滑梯

|童年回憶|全港懷舊辣PatPat瀡滑梯「大尋寶」!! @大仁生活

博客

廣告

網上發現香港有舊屋邨, 依然有三十年前我玩過的瀡滑梯.真真正正鐵造的高高的瀡滑梯!!

其實, 我怕辣PatPat「滑梯」已經不在, 所以我們坐言起行, 立刻乘地鐵去大圍, 再轉小巴往美林邨, 童年回憶「瀡滑梯」還安全健嗎???!!

其實, 我也很井底蛙, 因為美林邨我亦是從未接觸過的…

我們找了一回, 普通短矮膠製侏儒梯就出現眼前,吓??!! 情緒即時似進入成田機場禁區,要坐飛機返香港一樣, 非常失落…

但原來柳暗花明又一村, 可愛的主角迄立不倒, 就在美姚樓前, 與我們相遇. 我忽然有種久別重逢的感動(雖然我從未到過美林邨)

阿囝非常興奮, 一支箭的跑上樓梯, 一步一步一步…之後就慢下來, 愈來愈慢的, 我叫他揮揮手, 他聲震震答:「好高呀!! 爸爸…我唔敢望, 好驚呀」

老實說, 從前玩瀡滑梯就是愛它的速度,愛它的刺激, 當SY瀡了第一次之後, 雖然他依然有少少驚, 但這位小朋友又極速再步上樓梯再玩過.

「好好玩呀!爸爸..你都上嚟玩吖」我不知渴望再玩瀡滑梯多少年, 現在的侏儒梯, 大仁未瀡又已經雙腳著地了.

「爸爸..你睇…點解咁多字嘅」我登時大驚, 究竟會不會有不能出街的中文字??

我有點怕SY問我一些粗口怎讀…於是我即時轉移視線答:「瀡囉..好唔好?」 一, 二, 三, 我們又再次享受歷史帶給我們的刺激. Yeah!!

今日一家三口不停瀡, 嘻嘻哈哈, 我興奮得不停跟在場的家長說:「我特登搵返E啲舊梯架, 真係好開心呀! 你知唔知邊度仲有未拆嘅舊瀡滑梯?」或者家長們也覺得我傻,
所以也答我不清楚.

為何金屬滑梯會變成侏羅紀公園的恐龍, 絕跡人間呢?

我知道2010年8月16, 方向日報有一篇「高溫遊樂場易灼傷小孩」的報導, 當中指, 暑假期間膠滑梯溫度約64.8度, 而金屬滑梯, 則高達91.5度. 究竟是否這個原因, 而令我們的美好回憶從此消失呢?

SY:「原來瀡滑梯咁好玩, 點解我之前係玩嗰啲咁矮嘅?」………「舊朋友, 心緊扣, 願你好好去保留…」(拍照及暢玩美林邨舊朋友日期: 2015年1月18日)

美林邨尋寶後, 有網友推介,沙田市中心的好運中心平台有一個約5呎半鐵造瀡滑梯,於沙田街市的小斜路走過去就見到…

這款瀡滑梯應該是「轉轉轉」瀡滑梯的後一代型號, 估計就是膠梯的前身.

7級樓梯, 高度剛剛到我的下巴, 雖然刺激度不及「轉轉轉」,但一定好瀡過膠梯.

情況似當年吳國敬,杜德偉不太受落,現在「我說過要你快樂」,「影子舞」不是吸引你去紅館,齊齊嗌嗎!

不過, 原來好運平台是屬於私人地方,(我真係唔知遊樂設施也有份私人及公眾), 當我們玩了約20分鐘, 一名護衛走來問:「你哋係唔係喺度住架?」

我份人很老實, 當然否認, 於是就即時被勸喻離去. (拍照及暢玩好運中心平台「舊朋友」日期 : 2015年1月31日)

另外, 年三十晚, 我們又跟隨另一網友推介, 走到屯門兆麟苑找瀡滑梯.

我們在兆麟輕鐵站落車, 剛巧踫正一家人逛完花市回家,「我哋都係返兆麟苑, 不過, 我哋住咗十幾年, 印象無你想搵嗰隻滑梯喎」(吓!!愈行愈失望…唔想接受殘酷現實)

不過這家人很好客, 帶我們到商場的公園, 並表示「我哋E邊只有這個膠梯…應該對面安定邨舊啲, 可能仲有」

雖然兆麟苑找不到「舊朋友」, 但我很感激這熱情的一家親切的幫助. 多謝您!!

於是, 道謝過後, 我們又走去安定邨看看. SY看來很愛這種尋寶感覺.

因為, 明明大家有也沒有來過安定,小朋友竟然說:「等我睇吓左邊先…應該無, 前面可能有, 我哋再行前面試下先…」小領隊帶路找瀡滑梯.

哈!!沿途, 竟然給我們發現與沙田好運一樣的7級梯.(都好過無啦!!)

SY第一時間走去瀡並大叫:「爸爸!! 快啲嚟…」(嚇死我!! 係米有老鼠呀??叫得咁大聲)

原來SY好興奮指著樓梯底:「有字!! 搵到字啦, 你最鍾意啲字」(哎呀! 我上次林美邨影樓梯底的塗改液大字, SY不會以為他的爸爸有戀字狂吧??)

屯門的街坊, 非常友善, 有姨姨一邊清潔, 一邊說:「對面友愛邨愛德樓好似係有一條好高嘅瀡滑梯…不過唔知拆咗未喎…」又發現新大陸,登時又再次興奮…

第一時間走過對面, 有位叔叔笑笑口:「係呀! 之前愛德樓真係有條4層樓高嘅梯, 不過幾年前拆咗啦喎…啲人話危險麻, 不過當時瀡又真係驚驚地, E家咪又變成膠嗰D矮矮嘅滑梯」

唉! 如果可以早幾年發現就好, 很難想像, 這個連哈比人也覺得矮的滑梯, 當年同一位置是如何容納一條4層樓的「舊朋友」呢?? (唉! 真係錯失太易, 愛得太遲)
(拍照及暢玩屯門「舊朋友」日期 : 2015年2月18日)

朋友悅悅一家是大埔的地膽, 網友說廣福邨一樣有辣屁股瀡滑梯, 當然要相約兩家人齊齊玩…

今次真的「皇天不負有心人」, 我終於找到啦!! Yeah!!正呀

現場還有15級「轉轉轉」瀡滑梯, 及7級梯兩款任玩…

不過, SY及悅悅一馬當先衝上滑梯,但竟然兩人同聲大叫:「瀡唔到嘅??」 (吓?點解呢? 莫非瀡滑梯也有橋妙??)

原來, 當日天公不造美, 大半天下著毛毛細雨, 鐵制滑梯遇到雨粉竟然會大大減少順滑程度. (根本直情可以講「啜」住屁股)

大家還以為可以如當日美林邨的暢玩瀡瀡瀡, 原來一切竟然事與願違.我也有玩, 玩到整條褲顯透也真的瀡不到…

小朋友大朋友就轉戰旁邊的「蝸牛架」, 因為這個不受毛毛雨影響呀!!

後來, 去勢愈來愈大, 我們玩了15分鐘後也被迫離去, 沿途, 我竟然發現另一個殘酷現實…

廣福邨原來有兩條「舊朋友」,不過另一條11級細版本被圍封住, 本來完整無缺的滑梯, 亦被告示2015年3月將會被移除…(吓!!我好唔捨得你被拆走呀!!)

廣福邨「碩果僅存」15級「轉轉轉」瀡滑梯希望你可以堅強屹立, 不要被衰人拆走, 下次好天氣時, 我們再來找你玩.