紋身
紋身

香港紋身展開鑼!|90後少女 紋身 師:紋身應來自故事

生活

廣告

2016香港國際紋身展終於開鑼喇!說起 紋身 ,十年前腦內或會泛起港產電影內古惑仔「左青龍、右白虎」的印象。但到了這個時代,紋身已經漸從禁忌中走出來,更從一種表皮上的裝飾演變過來。這位90後本土女紋身師,代表著刺青文化新的一章,撇開盲目追尋潮流,講究的,是圖畫背後意義與存在的故事。

撰文:bu|圖案:Woody、受訪者提供

[embedyt] http://www.youtube.com/watch?v=5FA8qLeaHnk

[/embedyt]

紋身 不只是潮流 更有它存在意義和背後故事

「經過痛楚,將一件事、一句說話刻喺身上,每一次照鏡,每一次望到,都係一次提醒,提醒自己跟住要Go For乜嘢。用呢個方式去感受,同畫畫、文字記錄截然不同。」馬珈珈,GaGa,現職廣告從業員,她亦是一位紋身師。其手下圖案細膩精緻,線條簡潔有力,設計偏愛配以Dot Work形式表達,吸引的客人多以女生為主。她認為紋身並非僅為一個圖案,也非只是一個潮流。「紋身應該係意義上嘅載體,每個人嘅紋身應該有屬於自己嘅故事,或者有佢嘅Concept喺入面。」

中國傳統中,紋身是犯人、古惑仔、奸角的標誌,予女生更有青樓意味。香港,不乏愛紋身的女孩,反比以往受盡白眼的年代,今天擁有紋身的女生,更顯出剛強獨立的個性。「我覺得有紋身嘅女仔,某程度上係比較Open-minded,敢於表達自己個性,呢件事好值得欣賞。」

未有紋身 先學幫人紋身 

Gaga自小就鍾愛繪畫,對紋身也別有情意結。數年前,她「膽粗粗」往碧咸也光顧的香港著名紋身店Freedom Tattoo拜師學藝。對她來說,紋身槍,宛如另一種畫筆,人皮則是她的一張畫紙。然而,Gaga執起紋身槍前,身上卻一個紋身也沒有。「師傅都覺好笑話『咦,好少可未紋過就走嚟學。』因為我好堅持紋身要有佢嘅意義,我想諗得清清楚楚,要搵到一個適合我、可以表達到我諗咩嘅圖案,同搵啱Artist先去紋。」

紋身師有一份使命感

「我會問清楚佢呢個紋身背後有咩故事、意義,從而同佢構思一個獨特、新嘅構圖,而唔係做一啲罐頭式出產嘅紋身,我覺得每個人身上嘅紋身,都應該要專屬於佢自己,先至有呢個紋身嘅存在意義。」GaGa對每一位找上她的客人,自覺抱著一份使命感。「曾經有一位熱衷參與社運嘅女仔嚟搵我紋一支手槍同Fearless呢組字,佢話要提醒自己,就算面對警察拎支槍指住佢個頭,都要無畏懼堅持信念。我覺得除咗幫佢記錄呢件事,仲好似有份參與同體驗呢份理念。」

小清新紋身 注意淺色會甩色!

早前興起星球系列紋身,身邊不乏朋友隨隨便便就紋到身上去,只因覺「好靚」。篤信紋身出自故事的GaGa坦言,最怕這樣的客人。「對於搵我紋一啲Trendy圖案嘅客人,我都會叫佢諗清楚啲先。」而近年大熱的韓式小清新紋身,線條及圖案簡單為主,運用的顏色柔和,她形容這款紋身較正面,對初接觸紋身的女生來說也較「易入口」。可是她卻認為圖案範圍太小,難以具體表達背後故事與含義。另她提點,由於小清新紋身採以較淡的顏色,如黃色、青綠色等,紋身後數星期內會出現脫色的情況,通常都要補色,要有週而復始進行後期保護的心理準備。

香港國際紋身展開鑼!

你可能想紋身不敢紋,或未有一個心水的圖案,更擔心會後悔。香港國際紋身展已於啟德郵輪碼頭開鑼,屆時有來自世界各地的著名紋身師駐場,為參加者即場紋身。這個周末一於去逛逛,大開一下眼界之餘,或許能找到理想紋身的靈感!

香港國際紋身展2016

地點:啟德郵輪碼頭

日期:14-16/10 (12nn-10pm)

票價:1日通行証 $180、 3日通行証 $350

網址:www.hktattoocon.com/2016/