康怡MCL
康怡MCL

太古 康怡MCL 重開!MX4D動感影院 睇《攻殻機動隊》張櫈怒搖狂震+噴面

生活

廣告

太古的 康怡MCL 經過半年裝修後重開,更引入MX4D動感影院,除了主打的怒搖震動椅子外,更會隨電影內容發放氣味、燈光及噴水,最適合睇動作科幻片。記者就率先試睇了《攻殻機動隊》MX4D版,真係震個不停呢,即睇「包膠」啦!

撰文:Keith | 拍攝:Woody

貴3D少少 MX4D狂震+噴煙+掃腳

太古的 康怡MCL 一直都是記者在港島區睇戲的選擇,皆因比銅鑼灣容易搵位買飛外,票價亦較平。戲院在裝修半年後終於在明天重開,今次更提升了戲院格調引入MX4D動感影院,明顯 target附近的中產戲迷,皆因MX4D都不算平,比3D電影貴約$50,要$125-$160 1張戲票。但勝在動感十足,元素豐富,影院的座位會搖、有香味、會閃光、噴水,更會戳背、掃腳、噴氣、吹風、掃頸及噴煙霧,猶如在現場一樣,看動作特技大片最合適,是個新的電影體驗。

七彩兒童影院 唔再怕黑

小朋友看電影時最怕全黑的戲院,很沒安全感吧。今次 康怡MCL 就新增了兒童影院kids cinema ,設計上顏色較鮮艷,更會將燈光調校得較為明亮,令怕黑的小朋友也不會被「黑蚊蚊」的環境嚇怕。而音響方面亦作調整,音量稍作調低,不怕電影聲量過大,影響耳朵發育未全的細路仔。

試睇《攻殻機動隊》「震」撼之餘 畫面質素大幅提升

今次院方亦安排了記者試睇新上映的《攻殻機動隊》體驗MX4D效果。眾所皆知,這套科幻經典中,槍戰動作場面不會少,除了在追逐場面時,椅子會震個不停外,記者最驚喜是在槍戰場口,椅背會不停震動「戳背」,模仿中槍感覺。有時來得突然,記者也被嚇倒,相當刺激。不過實話實說,新鮮感是有的,但久不久就有上述特效,有點令人不能集中電影劇情,若喜歡官能刺激者應會受落,但想專注看劇情的影迷就要留意了。總的來說,好玩新奇,是個不錯的體驗。

記者點評:
$160 1張飛,比平常3D貴少許,但作為1個新體驗是值回票價的,可以當新玩意一試。但要我次次都睇「震震震」的4D,則未必受得了,個人認為始終看電影要留心劇情,太多干擾未必是好事。

康怡MCL

地址:太古康怡廣場3樓
查詢:2513 8028
票價:2D:$50-$80
3D:$65-$95
MX4D:$125-$160

延伸閱讀:

Love Actually續集 劇照曝光!即睇演員前後變化