Google Translate
Google Translate

Google Translate 更新三大功能! 即時鏡頭翻譯你試過未?

生活

廣告

正所謂出門靠朋友,出去旅行人生路不熟當然想個朋友喺旁邊做翻譯,但如果無朋友點算好呢?有無試過出去旅行唔識睇路牌、餐牌,但問人又怕俾人笑呢?不過唔緊要,救星到啦!Google Translate 更新功能有得 即時鏡頭翻譯 ,唔駛打出嚟都可以翻譯到!

Google Translate 鏡頭幫你直接翻
Google 今日公佈 Google Translate 有三個功能更新,分別是Android系統支援第三方App內直接翻譯(Tap to translate)、iOS系統有支援離線翻譯功能 (Offline Translate),仲有最重要嘅 即時鏡頭翻譯 (Word Lens)新加入中、英文語言選擇,以後去旅行唔駛再怕遇到外星文啦!

有幾神奇?依家就試俾你睇!

記者就試過用網上圖片,試下翻譯路牌、餐牌睇下成唔成功。路牌就十分成功啦,可以清楚翻譯成中文。但係餐牌就有啲混亂,翻譯果陣會出現誤譯,同埋如果你手唔夠定,字會不停咁轉,睇到你眼花!

其實Google都有拍條片示範一下點用新功能!


唔係個個語言都可以翻譯,而官網顯示支援嘅即時翻譯的語言只有29種,除咗中文、英文,其他仲有:

  • 英文 <->保加利亞文
  • 英文<->加泰隆尼亞文
  • 英文<->中文
  • 英文<->克羅埃西亞文
  • 英文<->捷克文
  • 英文<->丹麥文
  • 英文<->荷蘭文
  • 英文<->菲律賓文
  • 英文<->芬蘭文
  • 英文<->德文
  • 英文<->匈牙利文
  • 英文<->印尼文
  • 英文<->日文
  • 英文<->韓文
  • 英文<->立陶宛文
  • 英文<->挪威文
  • 英文<->波蘭文
  • 英文<->羅馬尼亞文
  • 英文<->斯洛伐克文
  • 英文<->瑞典文
  • 英文<->土耳其文
  • 英文<->烏克蘭文

Word Lens即時鏡頭翻譯 又快又方便!

Word Lens 功能其實一早就有,但是之前就無包括中文,但今次就加埋中文,成為第29種支援語言。但如果要用相機 即時翻譯功能 ,你要先下載語言檔案,然後只要將鏡頭對準要翻譯嘅文字,就可以將文字翻譯成已下載嘅語言。Android同iOS系統都用得啦,啱曬懶人用!

要先下載語言檔案先可以使用相機即時翻譯功能!

按一下左面的相機圖示。

記得要按一下眼睛圖示開啟相機即時翻譯功能,然後將鏡頭對準要翻譯的文字,翻譯結果就會自動顯示係畫面上。

其他2種新功能 Tap to Translate同Offline Translate

第一種Tap to translate,如果有外國朋友就會明白,成日都要用Google translate copy and paste 做翻譯!但有呢個功能唔駛copy and paste,只要一下copy Google translate就會彈出嚟,唔駛再彈出彈入,但暫時只支援Android系統!第2種Offline Translate,本身得Android系統有,但依家iOS系統都有得用離線翻譯功能啦!

Tap to translate示範:

睇到最後,自認「科技精」的你可能會話,「車!使鬼你介紹咩!呢個技術出現咗好多年啦」,係!無錯,坊間如CamDictionary Free等,幾年前己經有呢項服務。不過論普及程度及語言的覆蓋度,Google的確有佢優勝地方,而且最最最最…重要,佢係免費下載!免費有咁多功能,唔係唔Like呀!
Google Translate
IOS: https://itunes.apple.com/hk/app/google-translate/id414706506?mt=8