【試玩報告】全球在線掟 飛鏢 對戰!智能鏢靶三大必試原因

熱話

廣告

喺酒吧場上,將飛鏢一嘢掟中紅心,再換來幾下歡呼聲,係咪諗起都覺得沾沾呢?不過下下落酒吧先練到鏢好似有啲煩,而最近新出咗塊智能鏢靶﹣Guz Board,可以隨時隨地掟 飛鏢 之餘,最正係可以全球連線,組隊同步對戰!事不宜遲,即刻為大家送上試玩報告,話你知呢塊智能鏢靶三大必試原因。

撰文:Katie|攝影:Him

全球在線掟飛鏢對戰!智能鏢靶三大必試原因

原因一:鏢靶感應度強

試玩期間,令一眾掟開 飛鏢 的人士驚喜的就是這塊智能鏢靶的感應功能是非常快!真正做到同步連線在App上顯示分數功能,非常方便。鏢靶容易使用,只需要一部電話或者平板電腦,就可以掟 飛鏢 。先在手機或平板電腦上安裝了Guz Board App,開啟藍牙,再開啟靶上的開關,就會連結,而App會幫玩家即時計算分數,並顯示出來。

玩後感:

智能鏢靶的感應功能真的很快!可以即時睇到分數,又會知道中靶位置,對戰時就會更加刺激。

驚喜度:★★★★☆

原因二:同步在線對戰

呢個Guz Board App最多可以支援八個人全球同步對戰,只要身處各方人士同時連結此App就能組隊與熟悉的人對戰,甚至可以找任何一位在線人士挑機較量,不過要玩就要等到7月30日先有得玩呢個全球同步在線功能,大家要留意啦!

玩後感:

可以同步對戰喺幾有趣,仲可以在線同啲唔識嘅人對戰,喺幾過癮!不過,鏢靶既然可以同全球人對戰,如果可以見埋樣就仲正!

驚喜度:★★★★☆

原因三:鏢靶發光功能

呢塊鏢靶一接電就會全板發光,雖然好多酒吧鏢靶都會有夜光功能,但如果喺屋企或者公司玩都可以有個發光鏢靶,係會有置身酒吧嘅感覺。

玩後感:

發光的一瞬間的確幾好睇,若果在暗燈光情況下玩都幾有feel。

驚喜度:★★★☆☆

掟鏢要有姿勢,一套好武裝是不可缺少。掟開鏢的人大部分都會有一套私家 飛鏢 ,掟鏢時就可以大派用場。

JC Shop

觀塘分店

地址:觀塘道創紀之城第 5 期 aPM L1-23 號舖(顯示地圖
電話:3148 9455

銅鑼灣分店

地址:銅鑼灣wtc more 世貿中心 408 號舖(顯示地圖
電話:3102 2783

延伸閱讀:

【熱血成群】33人 香港飛鏢夢幻隊 為港出戰:「希望把飛鏢的正面形象帶給市民」