首爾美食
首爾美食

【首爾美食】韓國線記者&地膽真心推介|10間必食餐廳精選

旅遊

廣告

咁究竟去首爾食咩好?韓仔韓妹追求新鮮感,即使新派潮食古怪新奇呃 like 創意度滿分,可惜中伏指數高企,多數得個樣供拍攝用!今次由《新假期》韓國線記者同地膽 blogger 帶路去搵食,私心推介 10 大 首爾美食 ,保證全部好好味,食完一定唔會後悔!

(左起)
韓國線記者 Alex 《新假期》旅遊組韓國通,1年去幾次首爾,即使1個人都要食燒肉,唔怕孤獨最怕冇啖好食!
韓國線記者 Yuki 《新假期》旅遊組大胃王,去首爾唔買妝物但一定要狂食同去便利店掃貨,見到美食要即刻開動唔會影相自拍!
婚攝blogger Ti & Maple2人建立的婚攝網Ti-lifestyle.com,過去4年多次到韓國工作,工作之餘,會作半個導遊推介各種美食,跟佢哋搵食一定唔會出事!

01 | 牛魔王必食!HK$126 2小時任食高級韓牛

去首爾食燒肉多數都逐份肉散叫,想食高級牛肉都唔敢亂叫。位於江南瑞草區的「무쏘 강남역점」,餐單只得1款,就是一級靚韓牛,2小時放題任食每人只要₩18,900/HK$126,實在超抵食!店主仲話這裏的韓牛全部屬於「1++」最高等級,肉質脂肪比例剛好唔膩,推介燒到5成熟,入口即溶就不失嚼勁,各位牛魔王們食多幾件已回本!Alex、Ti同Maple都不約而同試過,真心抵食推介!

店家完全唔手軟,一次大概有10塊肉,食2盆已經好飽!
店家完全唔手軟,1次大概有10塊肉,食2盆已經好飽!
牛肉真係好新鮮,而且大塊過手掌!
牛肉真係好新鮮,而且大塊過手掌!
實地考察發現夜晚實在太多人,反而中午去或5點左右去則無人排隊,店員無咁忙招呼更好,而且個人覺得中午食,牛肉更新鮮!
實地發現夜晚太多人,中午或5點左右去則冇人排隊,店員冇咁忙招呼更好,而且個人覺得中午食,牛肉更新鮮!

무쏘 강남역점
地址:首爾瑞草區瑞草 4 洞 1308-10
(사울특별시 서초구 서초4동1308-10)
電話: +82-(0)2-3482-3695
營業時間:10:30am – 9:00pm
交通: 乘地鐵 2號線江南站 10號出口步行約10分鐘

02 | 人均 HK$84 落樓!超巨型海鮮鍋

唔似仁川、釜山等海邊城市,首爾想搵新鮮海產其實都幾難!好多香港人去首爾都會食 9層海鮮塔,不過Yuki採訪時發現,識食的韓國人一定去「숙이네 조개전골」挑戰 55cm 巨型海鮮鍋。5人分量最巨型的海鮮鍋只係 ₩63,000/HK$419,平均每人約 HK$84 已經可食齊生猛八爪魚、帶子、魷魚、花蟹、鮑魚、花扇貝及百合貝等超過 10 款海鮮!

一次過可以食超過 10 款當季海產,而且一星期兩次由釜山入貨,保證夠新鮮!
一次過可以食超過 10 款當季海產,全部1星期兩次由釜山入貨,保證夠新鮮!
大蜆肉質肥美,食落唔會有沙,大推!
大蜆肉質肥美,食落唔會有沙,大推!
逄星期五一定超多人,唔想排隊記得平日去!
逢星期五一定超多人,唔想排隊記得平日去!

숙이네 조개전골
地址:首爾市九老區九老洞30-32
(서울특별시 구로구 구로동 30-32)
電話:+82-(0)2-861-6522
營業時間:5:00pm – 2:00am
交通:乘地鐵1號線新道林站3號出口步行5分鐘

03 | 美肌牛骨湯 滿滿骨膠原!

女士去首爾又有咩進補美食?Maple推介大家一定要食牛骨湯,因為可以補充骨膠原,美肌亮膚回復 18 歲都係靠晒佢!呢間「 대왕 갈비찜」位於水原市,位置唔算方便,不過去到見到個牛骨真係嚇一嚇,因為真係好大塊!2人分量 ₩39,000/HK$259,牛骨煮前先以蜂蜜、水梨、蘋果、生薑、醬油及蒜末醃至入味,再慢煮幾小時,難怪入口腍滑多肉汁,啖啖肉好過癮!

牛骨超巨型,加埋配菜,細食人士一定食唔晒!
牛骨超巨型,加埋配菜,細食人士一定食唔晒!

 

店員服務好好,除了幫忙拆肉,更會不停補上配菜。
店員服務好好,除了幫忙拆肉,更會不停補上配菜。

대왕 갈비찜
地址:京畿道水原市八達區仁溪洞1024-5
(경기도 수원시 발달구 인계동 1024-5)
電話:+82-(0)31-8092-9200
營業時間:5:00pm – 5:00am
交通:乘首都圈電鐵1號線水原站,乘的士約15分鐘

04 | 主題海鮮餐 拜見軍服 Oppa!

韓仔出名高大威猛,如果有型男着住軍服招呼你,邊食邊幻想韓劇中的浪漫情節,係咪齋諗都覺得開心呢?江南區論峴洞的「갯벌의 진주」正正以軍服oppa作招徠,主打烤貝及蒸貝套餐,以 VVIP 烤貝餐最出名,2人分量 ₩53,000/HK$352,有齊北寄貝、金菇肥牛卷、芝士扇貝、蜆等十多樣,唔怕齋食海鮮咁悶!

10多款海鮮包括北寄貝、金菇肥牛卷等,推介一定要食芝士扇貝!
十多款海鮮包括北寄貝、金菇肥牛卷等,推介一定要食芝士扇貝!
個個Oppa都好好人,想合照完全唔會托手踭。
個個oppa都好好人,想合照完全唔會托手踭。

갯벌의 진주
地址:首爾市江南區論峴洞163-12
(서울특별시강남구논현동 163-12)
電話:+82-(0)2 -544-8892
營業時間:5:00pm – 5:00am
交通:乘地鐵1號線新論峴站3號出口步行5分鐘

【伸延閱讀】許留山殺入韓國樂天世界!! 網民:「好貴呀~」

【伸延閱讀】韓國熱傳香港旅遊影片!3點看韓國人對香港的想法

05 | 精緻法式甜品 相機要食先

如果你已經食夠紅豆雪花冰、麻糬刨冰等韓式甜品,不妨試試位於弘大的「Be Sweet On(비스위트온)」,此店主打法式甜點,人氣極高,因為甜品款式豐富多選擇,而且造型勁靚,相機食先絕對冇難度!最重要是店舖 11 點先關門,可以血拼掃完貨之後,再慢慢坐低歎甜品!

Mon-Blanc Au Chocolat朱古力蒙布朗 ₩8,500/HK$57 栗子泥勁香甜,配上濃濃朱古力,口感香滑入口即溶。
Mon-Blanc Au Chocolat朱古力蒙布朗 ₩8,500/HK$57 栗子泥勁香甜,配上濃濃朱古力,口感香滑入口即溶。
Tarte Tatin焦糖蘋果塔 ₩11,000/HK$73 酥皮餅底放耐咗都唔怕腍,所以相機食先都唔怕!
Tarte Tatin焦糖蘋果塔 ₩11,000/HK$73 酥皮餅底放耐咗都唔怕腍,所以相機食先都唔怕!
seoulbestfood_0905
店舖裝潢走文青風,最適合同朋友仔吹水食下午茶,輕鬆休息下!

Be Sweet On(비스위트온)
地址: 首爾市 麻浦區 西橋洞339-3新春大樓2層
(서울특별시 마포구 서교동339-3새봄빌딩2층)
電話: +82-(0)2-323-2370
營業時間:2:00pm – 11:00pm
交通:乘地鐵2號線弘大入口站9號出口步行10分鐘

06 | 熱石燒牛扒 自己塊扒自己燒

想1個人吃飯又不想頹吃,可以去弘大 Black Stone食熱石燒肉!黑石上枱時超級熱,放上牛扒立即發出「滋滋」聲,加上撲鼻肉香令人食指大動,Ti同Maple話工作完都必定要奬賞自己!牛扒價格按不同部位而定,最推介冇骨 rib eye steak(₩18,000/HK$120),脂肪跟肉質比例剛剛好,食落滿口肉汁勁鮮味!

厚身Rib Eye多脂肪,熱石燒烤時流出大量肉汁,食落更香更好味!
厚身rib eye多脂肪,熱石燒烤時流出大量肉汁,食落更香更好味!
店舖牆上有詳細燒烤教學,亦有燒肉熟度的血色比較,圖文並茂好貼心!
店舖牆上有詳細燒烤教學,亦有燒肉熟度的血色比較,圖文並茂好貼心!

Black Stone
地址:首爾市 麻浦區 卧牛山路17街19-11
(서울특별시 마포구 와우산로17 길19-11)
營業時間:11:30am – 10:00pm(3:00pm – 5:00pm落場休息)
交通:乘地鐵2號線弘大入口站9號出口步行15分鐘
網址:blackstone.or.kr

07 | 暖胃推介 超足料生滾蠔湯飯

冬天去首爾,一定要食湯飯!私心推介高速客運站旁的「굴마을 낙지촌」食蠔湯飯,Alex大讚用料超足,1碗湯飯至少有 10 隻蠔,蠔的大小跟湯匙差唔多,所以分量都幾大,湯底較清淡,不會搶去蠔的鮮味,熱辣辣食的確好暖胃!食完飯更可以直接去旁邊的地下街掃貨,勁方便!

蠔湯飯 ₩9,000/HK$60
蠔湯飯 ₩9,000/HK$60

굴마을 낙지촌
地址:首爾市瑞草區 卧盤浦洞19-4
(서울특별시 서초구 반포동 19-4)
電話:+82-(0)2-535-2213
營業時間:11:00am – 10:00pm
交通:乘地鐵3號線高速巴士站8號出口步行5分鐘
網址:www.gulgul.kr

08 | 烤貝食到飽 無限添食

可以無限添食的「교대활화산조개구이」,雖然建大都有分店,但網民一致認為教大總店的海鮮貝類更新鮮,所以每晚都要排成個鐘先有得食!扇貝、鮑魚、大蜆、超巨型帶子等 十 多款海鮮,全部 2 小時內任食,收費只係 ₩21,000/HK$140,Yuki教路鮑魚一定要加芝士慢慢烤,冬天去更有生蠔供應!

 

提供10多款合時令的海產,12、1月去時更有機會食到生蠔!
提供十多款合時令的海產,12、1月去時更有機會食到生蠔!
推介一定要狂食帶子,因為其他地方好少可以食到咁大隻!
推介一定要狂食帶子,因為其他地方好少可以食到咁大隻!

교대활화산조개구이
地址:首爾市瑞草區瑞草洞1577-6
(서울 서초구 서초동1577-6)
電話:+82-(0)2-581-8980
營業時間:12:00nn – 12:00mn
交通:乘地鐵2號線教大站14號出口步行5分鐘

09 | 抵食炸雞熱氣消夜必選!

為何深夜總是餓?Alex每次都會去ING CHICKEN買韓仔韓妹最愛的啤酒炸雞外賣回酒店「夜宵磨」!雖然是連鎖式炸雞店,無橋村炸雞咁出名,但韓國人好鍾意食,款式多又足料,雞件外皮酥脆肉質新鮮,炸完依然多汁,而且最平₩8,500/HK$56就有交易,1盒約有10件,2個人食剛剛好!

 

外賣炸雞 ₩8,500 / HK$56 肉質鮮嫩,即使拎回酒店加熱後都唔會嚡口。
外賣炸雞 ₩8,500 / HK$56 肉質鮮嫩,即使攞回酒店加熱後都唔會嚡口。
仲可以買埋著條,記得配埋啤酒先夠正宗啊。
仲可以買埋薯條,記得配埋啤酒先夠正宗啊。

ING CHICKEN
地址:首爾市西大門區新村路55
(서울 서대문구 신촌로55)
電話:+82-(0)2-581-8980
營業時間:2:00pm – 1:00am
交通:乘地鐵2號線新村站1號出口步行5分鐘

10 | 飯後甜品 特濃牛奶雪糕

比起買雪櫃內的包裝雪糕雪條,Yuki更鍾意幫襯雪糕店,因為款式多花臣,味道又更特別!Natuur Pop 的原味牛奶雪糕奶味濃郁但不會有奶膻味,比得上北海道 3.6 牛乳,入口幼滑又 creamy,最重要係食落唔會太滯,真係食飽飯再食都冇問題!最重要Natuur Pop係連鎖式經營,弘大、梨大、明洞都有分店,總有1間喺附近!

原味牛奶雪糕 ₩3,500 / HK$23 牛奶味好濃郁,口感幼滑微甜。
原味牛奶雪糕 ₩3,500 / HK$23 牛奶味好濃郁,口感幼滑微甜。

Natuur Pop
地址:首爾市麻浦區東橋洞163-10
(서울시 마포구동교동163-10)
電話:+82-(0)2 -322-0546
營業時間:9:00am – 11:00pm
交通:乘地鐵2號線弘大入口站9號出口步行5分鐘

延伸閱讀:【首爾行程】2018弘大周邊 文青小區 Café+韓屋+市集推介

【首爾美食】韓國線記者&地膽真心推介|10間必食餐廳精選