首爾航空 廉航
首爾航空 廉航

廉航首爾航空 $200單程飛首爾|記者實測 6大優點:靚時間、包行李、有飲品

旅遊

廣告

香港飛首爾自從去年加入生力軍、韓亞旗下的 首爾航空 ,以高CP值吸納不少新fans,廉航價錢但包行李、有飲品,而且出發回程時間靚仔,可以玩足咁多日。最近仲有緊優惠,$200單程直飛首爾,即睇優惠同埋編輯部韓國線記者的試搭報告!

文:Kassidy |圖:Fion

首爾航空突劈 $200單程飛首爾

記者於 首爾航空 臉書見到最近又做優惠,$200起就買到單程去,來回連稅只要$850起,出發日期由9月1日至9月20日,可以趁暑假後平飛首爾,非常抵玩,不過價錢未包寄艙行李,只包1件10KG手提行李。若想買埋行李,揀選優惠票價「Discount Fare」,平過另加行李,埋單大約$1,600就有交易,已包15kg寄艙行李。

首爾航空的promotion廣告都幾有創意,搶到睇球!
首爾航空的promotion廣告都幾有創意,搶到睇球!
記者試撳,真係搵到0連稅來回!
記者試撳,真係搵到$850連稅來回!

首爾航空優劣位01|凌晨機去 時間靚仔

首爾航空的航班時間非常靚仔,去程是凌晨機,朝早6點到埗,可以全日玩盡首爾;回程則是夜晚8點鐘,在機場食埋個晚飯先上機,返到香港11點鬆啲,攞埋行李唔使趕尾班車又唔使焗搭的士!

首爾航空時間表:

香港-仁川 00:50 – 05:30
仁川-香港 20:10 – 23:00
凌晨機出發,影唔到架機身水藍色Air Seoul標誌!
凌晨機出發,影唔到架機身水藍色Air Seoul標誌!
首爾航空
坐位椅背不太薄,乘客坐凌晨機都瞓到覺好。

記者試搭的去程是首航第2日,唔算多客,同機見到有香港旅行團搭。回程相對較full,也見到有不少韓國大媽上機,接近滿座但尚算寧靜。來回兩程都會在飛到高空燈光會調暗,可以在飛機上瞓餐飽,唔會勁sell你買免稅品或食物,瞓醒一落機就去玩(FF,其實我去做嘢-_-)!

去程是首航第2日,唔算爆,我仲可以打橫瞓!
去程是首航第2日,唔算爆,我仲可以打橫瞓!
記者11月7日晚上回程,該晚就幾乎滿座了。
記者11月7日晚上回程,該晚就幾乎滿座了。

02|機場加購行李抵啲

首爾航空的票價包1件15公斤寄艙行李,講真15kg一定唔夠,尤其是冬天!網頁上寫住如果要加買行李,一買就要買多件15公斤,每件₩60,000/HK$420,出發前仲以為一定要分開兩件寄,但實測發現係唔使嘅!

網上寫住加一件行李要₩60,000/HK0,無其他選擇。
網上寫住加一件行李要₩60,000/HK$420,無其他選擇。

記者回程時行李約22kg,諗住去到機場追加行李,去到機場先發現,凡是行李在15-23公斤範圍以內,只要額外付₩40,000/HK$280就可以!想一件過拎返香港,直接在機場畀錢仲抵過上網加購。

若總重量少過23kg,在仁川機場即場加行李比較抵!
若總重量少過23kg,在仁川機場即場加行李比較抵!

03|手提行李10公斤 行李架常滿

航班採用A321客機,3-3排陣,全部經濟艙位共34排,坐滿接近 200 名乘客!回程當日遇上旅行團,所以航班非常爆滿,而且手提行李限額有10kg咁多,所以飛機上的行李櫃超容易放滿,不想有一大箱放在腳底,請早早排隊上機吧。

首爾航空
去程為首航後第二天,明顯較少人,所以也有不少空位剩下來。
首爾航空
回程則非常多人,而且晚機時段大家都急著回家,所以 online check-in 可選較前位置。

04|飛機娛樂系統 有等如冇

雖然首爾航空座位有個電視熒幕,但其實丁點娛樂節目都無(除非睇飛機路線、高度都係娛樂),作用只有播放起飛機前安全動畫,還有飛行途中的路線,如果不想被光線打擾,建議在看完安全動畫後關掉。但飛機備有 USB 叉電位,可以自備 iPad 上機睇。

電視熒幕虛有其表,除了一上機有大半小時的笑笑小電影外,之後只有飛行資訊。
電視熒幕虛有其表,除了一上機有大半小時的笑笑小電影外,之後只有飛行資訊。
首爾航空
每座位都有USB插位,抵讚,叉足電落機即刻出去玩。

05|上落機有嘢飲 即點食物只有杯麵

起飛無耐空姐就會派飲品,雖然只有水和橙汁選擇,準備降落前亦會再派一輪水,廉航有嘢飲實在要讚!不過空姐遲遲唔收杯,成程機也要打開杯架放杯,Aisle seat乘客若要讓鄰居出入有點麻煩囉!飛行時肚餓,sorry,熱餐要早48小時上網落order,不然在飛機上即刻落單只有杯麵、零食選擇。

上機時空姐會給乘客一杯橙汁,但久久都唔收杯。
上機時空姐會給乘客一杯橙汁,但久久都唔收杯。
回程機容易肚餓,但無預訂餐飲,只好嗌杯麵。
回程機容易肚餓,但無預訂餐飲,只好嗌杯麵。
原來Pre-Order 餐牌有非常多選擇,強烈推介要 Pre-Order!
原來Pre-Order 餐牌有非常多選擇,強烈推介要 Pre-Order!

06|仁川機場可自助登機

香港機場的Check-in櫃台設在T1 E櫃台,而仁川機場就位於 G-H 櫃台,有自助 Check-in 的機器,回程時航班非常多人乘搭,即使記者一早 Online Check-in 也排了約半小時才可以寄行李,所以回程時記得早最少兩個鐘到機場預辦登機手續。

自助 Check-in 櫃台就在一般櫃台前面。
自助 Check-in 櫃台就在一般櫃台前面。

總結:性價比高 $1,600樓下值得買

首爾航空有靚時間,而且座位夠厚實,可以舒服地在飛機上瞓餐飽,飛行途中會調暗燈光令乘客較易入睡。唯一不足的是行李只有15公斤,買多少少都超重(雖然手提行李有10公斤)!經常會周末來回首爾的旅人們非常適合,星期五放工晚飛,玩兩日返香港,星期一朝早返工。

空姐服務態度非常好,用英文都夠流利溝通。
空姐服務態度非常好,用英文都夠流利溝通。

首爾航空
網址:flyairseoul.com

相關閱讀:韓國11月起Shopping膠袋要收費!

廉航首爾航空 0單程飛首爾|記者實測 6大優點:靚時間、包行李、有飲品