1品便利｜熱搶日本人氣杯麵

Dec 22 2016

雖然香辣海鮮味合味道在日本插旗，為港爭光，但撞正元祖雞、一風堂都紛紛加入杯麵大軍，和ラー品牌最近亦推出期間限定的能登海蝦、味噌帆立貝及博多燒雞湯底，究竟香港代表撼唔撼得贏日本選手呢？即睇今期人氣杯麵的試食報告！

必食No.1 | 札幌一番和ラー杯麵 ¥184/ HK$12

好味指數：＊＊＊＊＊ /5
紅嫩蝦肉跟花形魚片顏色最吸引，米味噌與豆味噌混成的湯底香甜，幼麵非常掛汁煙韌。沖完水打開更驚喜，蝦肉、雞粒、帆立貝統統足料到淹沒麵線，味噌湯底香濃，忍唔住飲到一滴不漏。

圖片來源：such.hatenablog.jp

好味指數：＊＊＊＊/5
周打蜆湯加了少量黑椒，白湯比想像中薄身，海鮮味道清爽帶少辣，落埋松露油更提味。

圖片來源：えん食べ

好味指數：＊＊＊＊/5
日清元祖雞湯麵由即食麵晉身杯麵，湯底厚厚的蒜油、芝麻及豉油香，雞肉緊實不老，不過一定要趁熱趕快食完，否則蒜油容易凝結。

好味指數：＊＊＊/5
用豚骨與雞骨熬湯，惹味但偏鹹，食完好口渴，面頭只有一片乾爭爭豚肉和大量蔥花，唔夠滿足。