森美旅行團
森美旅行團

【森美旅行團】獨遊、節慶遊、豪食遊|東京食買玩全攻略(一)

日本

廣告

平時睇森美做DJ同做主持就睇得多,做「森」導遊帶隊去旅行又會唔會難倒佢呢?TVB新旅遊節目《森美旅行團》打正旗號,由森美帶同麥美恩、黃心穎和高海寧,一連十集玩盡東京、仙台、栃木縣等地。節目主持陣容有新鮮感,更又有齊美人、美食、美景,一次過滿足觀眾三個願望。編輯部率先為大家披露節目頭三集行程,睇完節目想跟住玩都冇問題!

Text:Hailey|Photo:TVB、相關機構

#01|膠囊旅館歎Spa

節目首集以「一人前」為概念,帶大家窮遊東京,搵盡最平嘅住宿同美食。一個人去日本,入住膠囊旅館就最方便,不過節目中介紹的磊の温泉 六本木 VIVI並非普通的膠囊旅館,而是可以浸溫泉、做Spa的超值之選。平時入住膠囊旅館只想平平哋買個床位瞓覺,對於澡堂都冇乜要求,但如果用膠囊旅館嘅價錢仲可以浸溫泉,絕對係Bonus!

膠囊旅館都有得做Spa!
膠囊旅館都有得做Spa!
有冷熱浴池,超寬敞!
有冷熱浴池,超寬敞!

磊の温泉 六本木 VIVI
www.roppongi-vivi.com/facility/#f4

#02|《森美旅行團》帶你去¥100燒肉店

一個人想在東京吃一頓日式燒肉似乎有點困難,一個人食量不大,獨自進餐又不太划算。 而節目介紹的「炭火焼肉ピカソ本店」,每碟燒肉為¥100-400,¥100價位的選擇亦不少,足足有13款!一個人去點幾款燒肉,埋單都可以平過$100,超抵!

東京的橫街窄巷中有不少如「炭火焼肉ピカソ本店」性價比高的餐廳。
東京的橫街窄巷中有不少如「炭火焼肉ピカソ本店」性價比高的餐廳。
獨遊都可以食燒肉!
獨遊都可以食燒肉!

炭火焼肉ピカソ本店
地址:東京都足立區韆住中居町 19-10
https://tabelog.com/tw/tokyo/A1324/A132402/13091389/dtlrvwlst/

#03|平食魚生碟頭飯

在日本吃刺身丼價錢比香港平很多,來到東京當然不能錯過!在地下鐵入谷駅附近的「齋藤鮮魚」,供應平價高質刺身飯,套餐用上超過10款新鮮刺身,都只售$72!難怪除遊客外,亦吸引很多日本人慕名而來。不過餐廳只會在午餐時段供應平價套餐,想食的話要留意時間啦!

店內最有名的海鮮丼也只是,超抵!
店內最有名的海鮮丼也只是$72,超抵!

齋藤鮮魚
地址:東京都台東區下谷 2-9-7
https://tabelog.com/tokyo/A1311/A131104/13022559/

#04|二手市集

要窮遊又想購物?東京除咗百貨公司同Outlet可以Shopping之外,仲有不少跳蚤市場可以買平貨!每逢星期六、日,大井競馬場都會舉辦二手市集,全場有近600個攤檔,大多發售二手服飾、家品等,森美更以¥100買到二手真皮皮褸送畀拍檔!

3位女主持手上的禮物都是森美在二手市場的戰利品,皮褸¥100有交易!連復古牛仔褲,甚至8米厘攝影機都只係¥500!
3位女主持手上的禮物都是森美在二手市場的戰利品,皮褸¥100有交易!連復古牛仔褲,甚至8米厘攝影機都只係¥500!

Tokyo Recycle
https://trx.jp/

#05|和牛奧運會

第2集以日本祭典為主題,以奧運會打頭陣!不過大家都知道東京奧運要等到2020年才展開,因此,今趟森美一行幾人到仙台參加的是另類奧運盛事 —「和牛奧運會」。這個活動全名為「第11回全國和牛能力共進會」,每隔五年才會在仙台舉辦一次,全日本的和牛產地都會派出和牛參賽,爭奪大獎,森美都話機會難逢。

日本各縣市都會派出和牛出賽,爭做「日本一」。
日本各縣市都會派出和牛出賽,爭做「日本一」。

全國和牛能力共進會
http://cgi3.zwtk.or.jp/zenkyo/

#06|和牛料理

觀賞完和牛奧運,就可以知道本年度哪一種和牛質素最高,來到仙台當然要把握機會飽餐一頓!酒店餐廳內都有和牛盛宴!

仙台和牛咁出名,點都要食番餐!
仙台和牛咁出名,點都要食番餐!

Hotel Monterey Sendai
www.hotelmonterey.co.jp/tw/sendai/

#07|武士祭

不少旅客都喜歡參與日本的祭典,既能體驗日本文化,又能感受熾熱的節慶氣氛!今次日本之旅,他們參加了宮城縣的武士祭,這個祭典已經有近四百年歷史,是日本重要的傳統活動。森美、黃心穎和高海寧都入鄉隨俗,打扮成日本武士的模樣參加活動!

《森美旅行團》3位主持穿起武士服參加祭典。
《森美旅行團》3位主持穿起武士服參加祭典。

政宗公まつり
www.masamunekou-maturi.com/index.html

#08|神社夜祭

每年9月,荒雄川神社都會有夜祭活動,祈求家宅平安、生意興隆、五穀豐收。祭祀儀式持續到夜晚,更會有各個表演團體表演歌舞,參加的民眾都可以加入,氣氛非常熱鬧!

#catchingfeelings 📸: @sammy903

A post shared by Ko Ling 高海寧 (@sammkoling) on


荒雄川神社
www.miyagi-jinjacho.or.jp/jinja-search/detail.php?code=310020467

#09|同女神去求姻緣

第3集主題是同女神的浪漫約會,當然要求下姻緣!東京的今戶神社是招財貓的發源地,神社內有超多不同造型的招財貓,吸引不少民眾來祈福求緣。除了招財貓外,神社內更供奉了一對夫婦之神,傳說會幫參拜神社的人求得好姻緣,因此不論是旅客還是日本人都會前來神社祈福。同女神一齊嚟祈福,可能會成就一段美好姻緣。

今戶神社
www.gotokyo.org/tc/kanko/taito/spot/40680.html

#10|新派型格和服

去日本幫女神影和服相同打卡是常識吧?但和服通常都只有花花款式,普通和服體驗店又甚少男裝選擇,而JOTARO SAITO GINZA SIX就引入了不少型格和服,款式特別之餘,亦唔會同人撞款!

揀套靚和服同女神漫步東京大街小巷。
揀套靚和服同女神漫步東京大街小巷。


JOTARO SAITO GINZA SIX
www.jotaro.net/ginza/

#11|米芝蓮星級甜品店

女生總有一個甜品胃,要打動女神,當然要帶她去吃美味的甜品。東京就有一間著名的米芝蓮星級意大利甜品店—Toshi Yoroizuka,店內提供各種冷熱甜點,總有一款啱女神口味!話明米芝蓮星級甜品店,嚟之前記得要先訂位,如果唔係有排等又激親女神!

店內有各款蛋糕甜點,唔知女神會叫邊款呢?
店內有各款蛋糕甜點,唔知女神會叫邊款呢?
當然有大師即製嘅甜品!
當然有大師即製嘅甜品!

Toshi Yoroizuka
www.grand-patissier.info/ToshiYoroizuka/

#12|直立板體驗

很多地方近年都興起玩Stand Up Paddle的熱潮,貪其動靜皆宜,既可以充當滑浪板,又可以當獨木舟靜靜地划槳遊覽。想不到來到東京市區一樣可以玩到,更可以暢遊Sky Tree下的運河,由黃昏玩到夜晚,欣賞夕陽美景同城市夜景,情侶一齊玩感覺一定好浪漫。

森美同黃心穎表示連一齊去嘅教練都話做咗3年也未見過咁靚嘅夕陽!
森美同黃心穎表示連一齊去嘅教練都話做咗3年也未見過咁靚嘅夕陽!

Bochi Bochi Adventure Susono
www.susonookutama.com/

#13|約會男公關

去日本旅遊時經過歌舞伎町常常會見到一些美男招攬客人,但女生們心思思想見識下又怕醜唔敢去。今次旅程中,3位女主持一於撇甩森美,去到Club Romeo同一眾男公關狂歡!黃心穎和高海寧仲話啲男公關靚仔到似崔始源,唔知觀眾睇完節目又有冇興趣去玩下呢?

想要邊位男公關陪你玩?
想要邊位男公關陪你玩?