一票難求！ 麥當娜 亞洲開騷 教你港台日識買全攻略

來喇來喇，天后 麥當娜 駕臨香港、台灣、曼谷、 東京、 澳門 及 馬尼拉開個唱， 全城瘋狂撲飛!今次 「 Madonna Rebel Heart Tour 」世界巡迴演唱會唱足64 場，已率先於9月9日加拿大揭開序幕，下年先會來到亞洲演出。娜姐除了獻唱新歌《 Bitch I’m Madonna 》及首本名 曲《 Like A Virgin 》之外，亦迎合亞洲歌迷口味加入東方元素，好似有武士 dancers、又著上和風服飾，件件戰衣都係重量級名牌Prada、Alexander Wang及Miu Miu出品,極致華麗，粉絲們已經急不及待準備撳爆 F5搶飛！首次踏足香港，肯定難撲飛，況且門票天價破晒紀錄，分分鐘衝出香港，加多張機票仲抵！單睇牌面，似乎東京站最大機會撲到，我哋搵有多次出國睇騷經驗的編輯Fancare為大家分析一吓。