大阪站 手信
大阪站 手信

【大阪手信熱點】大阪車站|必買伴手禮10選 一落車就買到

日本

廣告

去大阪旅行,最後一日臨急臨忙要買手信,唔想四圍搵的話,大阪站的手信選擇其實也很多!當中7-eleven與Entrée Marché、Heart-in 等商舖聯乘,不只是一般的便利店,大量手信慢慢揀,而價錢亦不算貴,唔夠時間的話可以一定掃個夠!

Text:Cynthia|Photo:Fion、相關機構

【手信熱點1】Entrée Marché X 7-11

喺大阪車站內見到7-11千萬唔好直行直過,好多7-11都與其他品牌聯乘,售賣大阪、關西等的當地特產,路過記得行入去睇睇啦!

必買01. 仿蠟筆威化餅

Sakura Coupy Pencil是日本出名的蠟筆品牌,近年撈過界推出不少餅乾小食。

最近新出的Choco Sand Cookies外表看來就像是蠟筆,打開一條條包裝上更寫有色號印有顏色,幾可亂真。拆開發現原來是威化餅,口感較硬似餅乾,淡淡忌廉味不算太甜!

必買02. 超多選擇!章魚燒小食

作為章魚燒帝國,大阪有非常多章魚燒的產品,薯條、餅乾、薯片等,一推出章魚燒味,就是日本最有代表性的味道!

除了章魚燒味的各種食物外,大阪還可以買到一顆顆像真度超高的章魚球,盒內還有章魚燒專屬的醬料可以倒入去。

 

必買03. GRAM班㦸名店夾餅

喜歡食甜品的話,去大阪一定會排每日限定60份的GRAM鬆餅,超鬆軟的空氣感絕對係必食!而GRAM近年亦推出了不少手信系列,包括夾心餅乾及奶油酒香葡萄夾餅,從包裝到食物本身都充滿質感。

必買04. 得獎神戶雞蛋布甸

日本連便利店的布甸都特別好食,手信 舖最常見的都一定有布甸,而且口味選擇更多!

 

必買05. 趣致米餅

章魚燒味米餅「マヨおかき」同樣是一粒粒的獨立包裝,以日本的可愛角色Mayo friends為主角;另外還有「食倒太郎」等角色!

 

【手信熱點2】Heart-in X 7-Eleven

另一間聯乘店舖是Heart in 與7-Eleven合作,裡面可以買到不少專門店才能夠找到的手信,包括Minions 餅乾,想搵特色手信唔使四圍行!

必買06. 一口小蝦餅

日本的零食當中,很多都是主打小巧細細份,「まよころ」盒內的獨立包裝只有一小片蝦餅,不用擔心開咗一大袋食唔完會變腍!

必買07.罐裝章魚丸

章魚丸口味的薯片、百力滋食得多,罐頭裝的章魚丸又食過未?密封的罐頭一拉開,就會聞到非常重的墨魚燒香氣,食的時候粉漿感比較重,沒有加入其他配料,以致口感比較單薄,不過頂頂癮都已經好滿足!

必買08. 萌爆 Minion 餅

除了硬糖之外,Minion 餅乾的鐵罐包裝同樣超可愛,兩塊薄薄的窩夫餅乾一共夾了三種口味的餡料,忌廉、朱古力及士多啤梨,甜而不膩,食完之後,可愛的鐵罐就可以用來放小飾物了!

【手信熱點3】Eki Marché

如果嫌7-Eleven聯乘店舖太細間,可以去站內的Eki Marché 慢慢掃個夠!裡面有不少出名的特產店,可以一口氣買齊所有朋友的份量!

必買09. 必試栗子蛋糕、千層酥

作為出名芝士蛋糕好食的Frais Frais Bon,原個芝士蛋糕咁麻煩無法帶上機,不妨考慮一下各款精美的禮盒裝,栗子小蛋糕口感鬆軟,裡面還有成粒栗子,紙杯芝士蛋糕味道濃郁,送禮一啲都唔失禮!

 

必買10. 彩虹年輪蛋糕

另一款大阪限定的年輪蛋糕,7 種顏色7種口味:原味、咖啡、楓葉、香蕉、抹茶、覆盆子及芒果,由Patit tai推出,一打開就好像彩虹般繽紛,年輪般的紋理食落感覺柔軟,最適合朋友聚會拎一盒出來分享。

Patit tai 最出名的其實是鯛魚燒,一走入Eki Marché就可以聞到超香的味道,可惜只能夠即食,唔可以帶返去!