吉卜力大博覽會 ！大量精品與咖啡店美食立即看！

吉卜力大博覽會 ジブリの大博覽會

好快就行到左呢個入口，行上去到售票處，買完門票就可以上去52樓。

上到去會場就見到寫明入面不准影相，所以就收起相機專心睇展覽啦～

入口就有龍貓酒吧歡迎你！超～可～愛～所有粉絲忍唔住不停叫「かわいい〜〜〜」

第一部份就係吉卜力工作室就快上映的新作《レッドタートル　ある島の物語》（紅龜）的展覽，裡面有故事內容、分鏡圖稿，製作人訪問等等，雖然文字內容只有日文，但只是看圖稿也已經很足夠明白，呢個亦都係吉卜力工作室動畫的魅力之一。

第二部份就係核心的內容：吉卜力工作室。裡面分左唔同的房間，將吉卜力工作室由成立到而家的心路歷程，所有作品海報、製作過程、宣傳單張、企劃書、原案手稿等等珍貴的資料都一一公開，如果識日文的話真係可以詳細睇內容，會覺得好有趣。唔識日文都唔緊要，大量靚圖靚畫俾你慢慢睇。
另外有間房係將工作室的樣貌展示俾大家睇，睇到鈴木敏夫先生的工作枱，就會諗起網上有文章話張枱越亂代表創造力越高，果然係真的（笑）

之後間房係展示同吉卜力動畫有關的周邊商品，包括公仔，模型、雜誌，手錶，T-shirt，書本，電影海報等等，數量很多，需要花多時間欣賞～

第三部份係貓巴士呀！三鷹的吉卜力美術館只可以小朋友去坐貓巴士，但呢度係大人細佬都可以坐，所以我係超興奮！！！！因為今日好多人，所以要排隊分批入去，而且限時間，大部份人都影到唔捨得走～但其實可以無限排幾多次去影都得架～

第四部份就係「空とぶ機械達展」(飛行機械展)，主要講吉卜力飛行機械的設計，表達他們的天空的嚮往。

入口的風車齒輪係會轉動的‌，已經好吸引～

會場中間有一個會郁的機動巨大飛行船模型，隔一段時間會上升同下降，配合機械聲以及擺動的船漿，令人嘆為觀止～

來到呢度個展覽已經完結啦～可以出發去Cafe以及商店。(呢個字體好得意好鐘意呀）

六本木Hills有個收集印仔活動，係六本木Hills入面第2間餐廳/Cafe消費，儲夠3個印仔可以換File~ (注意不包括Cafe Area THE SUN)

睇完展覽就去隔離Cafe Area THE SUN食野啦，Cafe為左呢次展覽而推出的11種原創料理，係廚師們為左展示吉卜力的世界觀而設計的。當中的「まっくろバーガー」(煤炭屎漢堡)好得意，當然不少得甜品啦。

呢款係「大博覧会記念パフェ」(大博覽紀念芭菲)，以海陸空為主題，上面加了一塊白色朱古力象徵住飛機，下面是啡色的朱古力代表土地，藍色的唶喱代表海洋，不同的水果加在一起酸酸甜甜，可以一試～

呢個是「乘坐飛機的意粉」，配一杯沒有酒精的紅酒。至於味道…中規中矩…啦…

去完Cafe最後當然要去買紀念品啦！會場有限定商品，但一般商品係專門店「どんぐり共和国」都可以買到，就唔洗一定要係度同人逼住買野啦～（果日多人到…我影唔到好多商品相…)

吉卜力大博覽會 ジブリの大博覽會

地址：東京都港区六本木6-10-1　六本木ヒルズ森タワー52F (顯示地圖)
交通：東京Metro六本木駅徒歩3分
時間：10:00～22:00（截止入場21:30）
休館日：會期中無休
官網：http://www.roppongihills.com/tcv/jp/ghibli-expo/
票價：成人￥1,800 ，學生￥1,200 ，小童￥600， 老人￥1,500
購票方法：其實現場購買已經好方便，因為不論你是否買了預售劵，到了會場還是要一起排隊換／買門票，所以直接Walk-in也足夠

前往方法：Metro日比谷線「六本木」站的C出口一出，上電梯直行就會到達排隊買票入場的入口。