花海
花海

富士山下賞芝櫻! 捕捉花海7大好去處 (日本篇)

旅遊

廣告

上周日本櫻花初綻,呢幾日假期好多人post櫻花、 花海 靚相,記者望到好葡萄,但復活節遊日超貴,惟有睇咗當去咗……但我始終唔甘心,再上網研究各地花季,發現除了櫻花還有好多品種即將盛開,日本有芝櫻、紫藤和粉蝶藍花,韓國亦會開櫻花,錯過日櫻必到!台灣更驚喜,初春陽明山和宜蘭竟有紅葉可賞,唔使苦等秋楓!趁4月淡季拎兩日假,孖住周末來個小旅行,一年之計在於春嘛!由於時間關係,記者已搜羅各地賞花套票或一天團,方便大家睇啱即飛!

花海 :觸得到的地上芝櫻

花期:4月中-6月中
4月日本櫻花已近尾聲,想賞櫻只能去較遍遠的東北地區或北海道。不過呢,恨去東京濕平又想順道賞花,其實亦唔係無可能,事關今個月是芝櫻花季,貌似櫻花但長於地上的粉紅芝櫻將開遍日本,站在大片花海中影相,呃like 程度不輸櫻花!各地更有大型花祭,賞完櫻還可大啖櫻花美食。
p68(1)

由南開到北!
芝櫻其實不是櫻花品種,只於地上生長,「芝」的日文是指「蔓生的野草」,更分為紫、白、桃紅、粉紅等色,花期約在4至6月,九州最先開花,之後關西、關東、北海道等地亦會陸續開花。
map

 
富士祭是東京最大的賞櫻活動,2.4公頃的園區內有80萬株芝櫻,分白、粉紅、桃紅等深淺不一的顏色,環繞富士山下的本栖湖盛放, 畫面超靚!花祭期間,園內亦會舉行美食嘉年華,供應約80款富士名物,如吉田烏冬、櫻花味馬卡龍等,讓你眼球肚皮同樣大滿足!想去富士賞櫻,最方便是報當地一日團,有專人接送至會場,唔使自己book 車咁煩。行程可一併睇埋富士山五合目的雲海絶景,又包30分鐘士多啤梨任摘任食,午餐更安排海鮮火鍋與天婦羅,抵玩!

j7
富士本栖湖和琦玉縣秩父羊山公園都是東京近郊的芝櫻名所,但前者可影到富士山下的花海,因此較受歡迎。

百花齊放

富士會場內集齊粉紅、桃紅、米白等多種花色,遠近都咁靚。 g1

場內美食嘉年華

花祭期間有美食嘉年華,影完花就來搵食啦!
2

吉田烏冬是富士必食名物,本以為是牛肉面,但原來是馬肉配醬油味噌湯!
3

場內亦有售櫻花味蛋糕,啱晒少女口味。 3088

$683富士芝櫻祭一日遊(05526)
日期:4月28日至5月29日
集合地點:新宿華盛頓酒店
費用包括:來回交通、勝沼摘採草莓30分鐘、富士山五合目散步及午餐海鮮火鍋、本栖湖富士芝櫻祭60分鐘
查詢: http://goo.gl/M0szL8
備註:星期六日出發價格$752,以中、英語導覽,全程約11小時。

3大芝櫻名所

話明芝櫻開遍全日本,賞花名所又點止富士山?再介紹埋九州和北海道的芝櫻秘境畀大家,雖然位置較偏遠,但賞到靚花又可避開恐怖遊客人潮,都諗得過!

長崎島原芝櫻扮鯉魚

長崎縣島原市每年4月中都會舉辦芝櫻祭,園內有約25萬棵芝櫻,園方更特別將花田種成2條巨型鯉魚的模樣,又幾有心思喎!

島原芝櫻公園
賞花日期:4月16日至4月底
地址:長崎島原市上折橋町1465-2
入場費:每位¥300/HK$20
交通: 於JR諫早站乘1小時車至島原鐵道島原站,再轉乘10分鐘巴士至芝櫻公園前站
網站:www.nagasaki-tabinet.com/event/60681

鹿兒島霧島高原最南芝櫻

霧島高原位於鹿兒島縣,由多個火山組成,以未經開發的靚景聞名,位於南邊,是全日本最早開花的芝櫻地區。如到位於JR霧島溫泉站的Mahoroba之鄉賞芝櫻,園內有25萬株芝櫻,賞完花更可到附近浸溫泉,勁歎!計劃行程前記得去園區FB睇實花況,暫時唔太理想,希望能回勇啦!

霧島Mahoroba之鄉
賞花日期:3月尾至4月底
地址:鹿兒島霧島市牧園町高千穗
交通: 乘JR肥薩線到霧島溫泉站,轉乘巴士至柳平下Yanagidaira站下車,車程約1.5小時,再走5分鐘直達
網站:mahorobanosato.com

北海道120萬朵芝櫻牧場

北海道東藻琴盛產牛奶,連東藻琴公園的芝櫻都種成乳牛樣,好打耳!園內有超過120萬朵芝櫻,面積達10公頃,等於10個足球場咁大!怕行到腳斷,可付¥300/HK$20乘坐遊園車賞花。
C2

東藻琴芝櫻公園
賞花日期:5月底至6月中
地址:北海道網走郡大空町東藻琴末広393
入場費:每位¥500/HK$34
交通: 於JR網走站轉乘巴士至大空町東藻琴村約45分鐘,再轉乘的士約5分鐘
網站:www.shibazakura.net

東京近郊 百年紫藤樹

花期:4月中-5 月中
除了芝櫻, 紫藤亦是日本另一靚花代表,作為賞藤勝地的足利花卉公園,就曾被CNN 選為世上最夢幻景點之一!足利公園位於栃木縣,園內有350多棵藤樹,其中紫藤樹齡達150年,每年4月中起便會開出大串紫藤花,數量多到覆蓋整個花棚,超壯觀。園內亦有80米長的白藤和黃藤花隧道,記得逐隻色留影!公園距離東京市區近2小時車程,所以推介大家報1日團較方便。此團可睇埋羊山公園芝櫻與在歐式大宅內任食甜點40分鐘,抵玩!

p8_A_LR
除了紫藤花,足利公園亦有個鬱金香花園,可順手影埋。

$ 683 春季賞花1日遊
日期:22/4、25-28/4、2/5、6/5
集合地點:新宿京王廣場大酒店
費用包括:來回交通、足利花卉公園賞紫藤花80分鐘、羊山公園賞芝櫻60分鐘、甜品放題40分鐘
查詢:http://goo.gl/iSSZfY
備註:以英語導覽,全程約10小時。

福岡彩色藤花隧道

除了東京,九州的河內藤園亦是另一紫藤名所,雖然其藤樹數量不及足利公園,但園內有條彩色藤花隧道,一次過集齊粉紅、紫、白和桃紅4種藤花,是不可錯過的夢幻打卡位。河內藤園位於福岡近郊,大家可考慮報當地一日團前往,團位搶手,只剩4月尾一團咋!

t1
河內藤園早於1977年開業,這藤花隧道曾被CNN列為全日最靚景之一。

$566 河內藤園 紫藤花之旅
日期:27/4•集合地點:福岡日航酒店或福岡大倉酒店
費用包括:來回交通、河內藤園賞紫藤花60分鐘、北九州市皇冠宮殿酒店自助午餐60分鐘、吉祥寺賞紫藤花60分鐘
查詢:http://goo.gl/O6XYxl
備註:以中文導覽,全程約8小時。

東京近郊超夢幻藍色粉蝶花海花期

花期:4 月中- 5月中
4月東京好熱鬧,除了有之前講過的芝櫻和紫藤,還有粉蝶花的藍色海浪!花海由450萬朵粉蝶花組成,視覺效果超震撼,每年4月中至5月中開花,有唔少人會專程去當地影結婚相。粉蝶花海位於茨城縣的日立海濱公園,離東京市區約2小時車程,大家可考慮以下這個一日團,既可睇藍色花海,又會去足利公園賞紫藤花,午餐有烤肉放題,尾站去佐野名牌Outlet,一次過滿足N 個願望!

D34
這兩個月可看見450萬株粉蝶花海,到入秋就有波斯菊、掃帚草等品種。

$550「粉蝶花之丘」一日遊(05542)
日期:20/4、21/4、23-28/4、2/5、7-20/5
集合地點:新宿華盛頓酒店
費用包括: 來回交通、日立海濱公園賞花90分鐘、午餐烤肉放題60分鐘(Stamina太郎餐廳)、足利花園賞花60分鐘、佐野名牌購物中心90分鐘
查詢:http://goo.gl/7HCsKz
備註:以中、英語導覽,全程約11小時。
延伸閱讀:
石垣、高松、鹿兒島! 日本廉航行程推介
打造浴缸裡的櫻花季!日本泡澡用品推薦@matcha