100円店家品
100円店家品

【100円店家品】慳錢家族必備 每年節省$700|100円店必買家品推介

旅遊

廣告

【100円店家品】早前編輯部曾經為大家介紹過不少100円店買到的生活小幫手,但原來這些產品除了方便之外,更可以幫我們慳錢!最近,日本MBS電視台的《所さんお届けモノです!》節目中,就介紹了4樣由慳錢達人大力推薦的100円店必買家品。主持人更進行大測試,發現每樣產品都有多種用途,只要發揮創意,物盡其用,真係可以慳好多!各位慳家朋友,睇完即刻去100円店掃貨!

Text:Hailey|Photo:電視截圖

#01|迷你熨衫板

在香港這個寸金尺土的地方,要在家中找個位置收藏一塊熨衫板,彷彿都是一件奢侈的事。而且熨衫板價錢動輒幾百元,又不是每天都用到,所以不少人都會掙扎購買與否。慳錢達人推薦的第1件必買家品,就是Daiso有售的一塊迷你熨衫板,放於桌子上,即可將桌子搖身一變變成熨衫板,用完後,亦可捲起收藏,超慳位!重點是,比起數百元的熨衫板,這塊迷你版只需108円,$8就可以解決熨衫煩惱,超抵!

100円店家品
在日本,一塊普通的熨衫板也要 ¥3,000,不算便宜。
100円店家品
以後就可以到Daiso買一塊迷你熨衫板。
放在枱上即可熨衫,好方便!
放在枱上即可熨衫,好方便!
用後可以捲起收藏,比整塊熨衫板慳位好多!
用後可以捲起收藏,比整塊熨衫板慳位好多!

#02|慳家膠圈

單看名稱可能你們也會疑惑,這到底是甚麼?原來這個膠圈是要來套在洗頭水、沐浴露的按壓器上,減少每次泵出來的劑量。雖然每次只可以減少約1ml,但不要看輕這小小的1ml,幾位家庭成員每天使用,長遠來說可以節省不少洗頭水和沐浴露,換句話說,每支都可以用耐啲!而且一套兩個的膠圈還有十分貼心的設計,一個光滑而另一個有坑紋,即使在洗頭時合著眼,單用手去摸都可分辨出哪一個才是洗頭水,不怕用錯!

一套兩個平平無奇的膠圈,竟然是慳錢神器!
一套兩個平平無奇的膠圈,竟然是慳錢神器!
慳錢達人更表示將膠圈套在洗頭水和沐浴露,每年可節省10,000円!
慳錢達人更表示將膠圈套在洗頭水和沐浴露,每年可節省10,000円!
套上膠圈後,每次減少約1ml劑量,積少成多,每年都慳唔少!
套上膠圈後,每次減少約1ml劑量,積少成多,每年都慳唔少!
貼心設計,用手摸就摸得出分別。
貼心設計,用手摸就摸得出分別。

#03|冇死角匙羹

匙羹,每個人家中都有,但無論是玻璃樽或是罐頭食品,總有些普通匙羹刮不走的殘留物,就這樣丟棄會造成浪費。這個冇死角匙羹,既有弧度亦有角位,可以完美地刮走黏在樽身的果醬、罐頭湯等,一滴不漏減少浪費。另外,它也有個貼心的設計,平時我們用刀塗果醬的時候,手指長時間按在上面用力,塗完之後往往都會發紅疼痛,這個匙羹貼心地為用家準備了一個放食指的凹位,主持人試過都話完全不一樣。

冇死角匙羹,單看外表可能感覺不到有多好用,希望日後會有讀者分享用後感!
冇死角匙羹,單看外表可能感覺不到有多好用,希望日後會有讀者分享用後感!
塗果醬時,手指有位置好放!
塗果醬時,手指有位置好放!
由罐邊開始刮起,將殘留的碎屑都刮走。
由罐邊開始刮起,將殘留的碎屑都刮走。
特別設計,放在枱上都唔怕整污糟。
特別設計,放在枱上都唔怕整污糟。

#04|多用途掛鈎

有時真的不得不佩服日本人的創意,他們將每家每戶都會買的普通掛鈎換一換擺位,竟然可以有7種用途!除了一般的掛毛巾、放鎖匙之外,轉一轉掛鈎的方向,則可成為絕佳的承托器。以後買幾個100円的掛鈎,就可以取代好多小家品,又慳到錢!

你屋企都可能有嘅小掛鈎,你又係咪真係識用?
你屋企都可能有嘅小掛鈎,你又係咪真係識用?
最普通的用法就是用來掛上小物件。
最普通的用法就是用來掛上小物件。
將兩個掛鈎橫放,套入錫紙,即成為一個holder,放在廚房好方便!
將兩個掛鈎橫放,套入錫紙,即成為一個holder,放在廚房好方便!
平時放膠袋入垃圾桶,一丟棄重物的話,膠袋就會跌入桶內,將掛鈎貼在桶內,即可lock實膠袋唔移位!
平時放膠袋入垃圾桶,一丟棄重物的話,膠袋就會跌入桶內,將掛鈎貼在桶內,即可lock實膠袋唔移位!
放兩個喺廁所,即變牙刷holder!
放兩個喺廁所,即變牙刷holder!
屋企有小朋友的話,貼兩個在廚櫃門再加條橡筋,變成簡易門鎖,唔怕小孩手多多。
屋企有小朋友的話,貼兩個在廚櫃門再加條橡筋,變成簡易門鎖,唔怕小孩手多多。
煲蓋、鑊蓋一樣可以承托到,以後唔使再買托架。
煲蓋、鑊蓋一樣可以承托到,以後唔使再買托架。
煮飯時想睇食譜,但iPad又唔知放邊好?用3個鈎仔就可以整到個iPad holder!
煮飯時想睇食譜,但iPad又唔知放邊好?用3個鈎仔就可以整到個iPad holder!