香港的亞熱帶歷奇@PARENT婷

Jul 27 2015

廣告

(Presented by 香港愉景灣)

成日話讀萬卷書不如行萬里路，我就好buy小朋友要去睇多啲，先可以增廣見聞，早排同兩個「豆釘」去咗香港愉景灣酒店參加3日2夜嘅暑期繽紛夏令營，見識下真正嘅馬王，參加下課外活動，順便同老公一齊放下假，嘻嘻。

平時喺電視先見到馬，啲畫面快到睇都睇唔到，睇圖書又嫌悶咗少少，今次反而俾佢哋落手落腳去照顧馬王，小朋友又開心，仲有訓練員哥哥陪住佢哋，有咩唔明都有專人解答下嘛～

香港的亞熱帶歷奇@PARENT婷 — 照顧馬匹都好有技巧，原來馬都識得呷醋，要餵一隻馬食紅蘿蔔係唔可以俾其他馬見到㗎，如果唔係，其他馬就會嬲豬㗎喇。

香港的亞熱帶歷奇@PARENT婷 — 小朋友仲可以學下點同馬王接觸，增加馬王嘅安全感，然後再幫馬王梳洗，其實我都學到嘢~

香港的亞熱帶歷奇@PARENT婷 — 馬房入面仲有其他馬，呢隻叫Gracie。Gracie: nice to meet you~

泡泡足球喺外國紅到嚟香港，可以同小朋友分成2隊互相攻門，我哋每人都笠住個好似“太空波”咁嘅透明膠球，撞嚟撞去周圍碌又起番身，除咗考驗小朋友嘅平衡力之餘，動作又搞笑，大家都笑到肚痛。

香港的亞熱帶歷奇@PARENT婷 — 兩隻衰豬仲玩到唔捨得走，我都有份落場大顯身手，但最尾都6：1輸咗～

快樂不知時日過～玩完一輪大家都肚仔餓，決定留喺酒店歎埋個buffet，食物選擇都算多，入面原來仲有個Kid’s corner，俾小朋友自己DIY，阿囝仲話自己係廚神，整咗杯甜品我食，食到我心都甜埋～嘻嘻。

香港的亞熱帶歷奇@PARENT婷 — Kid’s corner材料齊全，特別整嘅花、貝殼、沙…全部都食得㗎！

香港的亞熱帶歷奇@PARENT婷 — 到最後仲俾兩個「大廚」帶咗我一齊去玩「沙」，其實係一齊整甜品，又幾有心思~

除咗自己落手落腳整，仲有蛋糕同啫喱食，我仲笑阿囝喺豬仔~ — 除咗自己落手落腳整，仲有蛋糕同啫喱食，兩個「豆釘」未食都開心到震。

香港的亞熱帶歷奇@PARENT婷 — 我：「點解隻豬仔咁似你嘅bb？」阿囝：「因為我係隻bb豬嘛~」

玩咗成日，終於可以返房休息下，點知原來老公偷偷地upgrade咗間山景房去海景房，見到個sea view嗰下我不知幾滾動～

香港的亞熱帶歷奇@PARENT婷 — 抱住兩個「豆釘」，望住個無敵大海景，乜嘢倦意都冇晒！

除咗暑期繽紛夏令營，其實愉景灣酒店仲有其他靜態課外活動，好似通識學園嘅職業模擬遊戲、Art is a Verb畫廊嘅小畫家工作坊咁，其實小朋友學習都唔一定要喺班房嘅，最開心都係可以邊玩邊學！

香港愉景灣酒店

日期：即日起至8月18日（暑期繽紛夏令營）；

即日起至8月31日（Paint Jam 色彩假期）（童夢城住宿優惠）

地點：大嶼山愉景灣海澄湖畔路88號 (顯示地圖)

關鍵詞

夏令營愉景灣暑期自助餐