抵玩暑期親子套票@Travel佳
廣告
(Presented by 香港愉景灣酒店)
身邊好多同事朋友都已經成家立室，連仔都生埋，所以一到暑假就特別多人問我有咩family fun好去處。既然咁多人想知，索性喺度同大家分享今個暑假我最推介嘅其中一個 親子遊地點。
夏日本地遊推介
唔洗我多介紹，大家都知愉景灣環境有幾清幽寧靜，如果你地一家都鍾意去啲少人啲又好玩嘅地方放鬆，嚟緊要介紹嘅香港愉景灣酒店package就啱晒喇！佢哋推出咗夏日歷奇住宿優惠同埋童夢城住宿優惠2款package，兩者最大分別係前者$1,818起包Epicland門票，裡面有亞洲最大室內滑梯同各種刺激遊戲任玩；後者就$1,688起包機場童夢城通識學園門票，可以一邊體驗職業模擬遊戲一邊享受親子學習過程。
無限玩樂體驗
另外，今年酒店為住客安排咗一連串有趣益智嘅遊戲活動，當中包括各式各樣嘅DIY工作坊、親子烹飪班同埋鬥智鬥力嘅親子競技等，小朋友可以喺活動中盡情發揮無窮創意同想像力，家長又可以從中同仔女促進親子關係，一舉兩得。酒店2樓亦有個Kid’s Club，裡面有齊動態同靜態遊戲，就算留喺酒店一日都唔會悶。
視覺系Buffet
有得玩、有得住當然唔少得食，新登場嘅自助餐貫徹Summer主題，主打鮮艷奪目嘅海鮮同蔬果。賣相同配搭方面都落足心機夠晒驚喜，好似彩虹七色薄餅咁，餅面鋪咗7種蔬菜同水果，好有夏日充滿活力嘅感覺。消暑甜品都唔可以錯過，全部都用咗鮮果入饌，相信大家都想像到幾Colorful，而且味道仲好清新，仲有就係有得任食Häagen-Dazs雪糕，係咪聽見都流口水呢？
拼盤包括小龍蝦、鱈場蟹腳、藍青口同埋熟蝦，肥美肉厚，海鮮控一定食到忍唔到口。
盲鰽魚屬於淡味啲嘅魚，肉質比較結實，配合紫薯忌廉汁令到整體鮮味更加突出。
新推串燒系列以大廚特別調製嘅8款特色風味醬做主角，好似有蒜梨、松露黑醋、森巴醬等，非常惹味！
一睇就知係健康之選，食落去有水果嘅酸甜，又有蔬菜嘅清新，完全冇油膩感，反而愈食愈開胃。
7種甜品顏色分別嚟自士多啤梨、柑橘、檸檬、綠茶、蜜瓜、藍莓同紫薯，味道天然，而且賣相精緻，要試晒真係需要多一個胃。
呢款蛋糕絕對會成為小朋友嘅「人生的抉擇」，每一面都有咁多唔同款式味道嘅棉花糖，究竟應該揀邊面好呢？
香港愉景灣酒店
地址：大嶼山愉景灣海澄湖畔路88號
電話：2295 8288
住宿優惠期：即日至2016年8月31日
網址：www.aubergediscoverybay.com
