太搞笑了吧？！ 城寨英雄 三姨婆 原來係終極Boss ！
廣告
無綫話題劇《 城寨英雄》進入結局篇，觀眾由第一集問到依家、當年段通天被殺的真相終於揭曉，而且幕後黑手竟然係好好先生楊老闆，絕對係人不可貌相！於是觀眾開始猜想，會有更意想不到的終極Boss即時出現。由於再有新奸角登場的可能性較低，有劇迷提出理據，呢個終極Boss好可能係三姨婆(梁舜燕飾)，有無咁搞笑呀？！
文章及圖片來源：東方新地
城寨英雄 三姨婆 原來係終極Boss ？！
《城寨英雄》日前一集講到一直表面和善、全力支持福利會的砵仔糕廠老闆楊竹鑾(歐瑞偉飾)，原來係刁蘭(胡定欣飾)隸屬的殺手組織、六十甲子殺手組織其中一員，武功高超，當年佢受命協助三大惡人柯萬長、馮春美(吳家樂飾) 及福壽金(林偉飾)將兩位八極宗師迫入絕路。另外佢亦自爆，段通天當年就係被佢殺死！
雖然已知楊老闆就係當年段通天被殺、朝猛山被害的幕後黑手，不過唔少觀眾依然覺得佢仲未係終極Boss，因為佢曾經提及「會長」呢個人。日前就有劇迷猜測到邊個係終極大佬，而且有根有據，提出4大指控，佢就係… 三姨婆！
有劇迷非常有心地整咗一張三姨婆「成魔之路」圖！
指控一：三姨婆捉走年幼朝陽
首先佢當年其實唔係救走年幼的朝陽，而係將佢捉走！結果讓朝陽朝霞兄妹失散十多年。之後又指佢故意隱藏身份，因為佢當初重返城寨時，並冇透露自己係朝家的家人，反而搞笑地話自己係睇豔舞的客人，藉此坐順風車，仲唔係有陰謀？
指控二：重返城寨扮唔識
當初三姨婆重返城寨時，並冇透露自己係朝家的家人，反而搞笑地話自己係睇豔舞的客人，藉此坐順風車，仲唔係有陰謀？
指控三：挑撥刁蘭及花曼
第三張圖更搞笑，指控三姨婆挑撥刁蘭及花曼兩女爭仔，為爭得牙佬而鬥法！雖然劇中兩女在髮廊過招，最終累三姨婆對腳濕晒又成頭粉，不過如果從一開始三姨婆話要去洗頭，其實係借機挑撥兩女的話… 其實會唔會諗多咗。
指控四：煽動刁蘭除Bra
第四指控實在令人忍俊不禁，因為罪名係「煽動刁蘭除Bra」！其實該集講到三姨婆與爛賭發對賭，但被對方以紅底褲邪住，所以輸晒錢！於是刁蘭以牙還牙，邊咆哮邊露出紅色Bra帶，真係咩賭運都俾佢趕走晒！原來三姨婆係有心要對方除Bra相助！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
