《在那遙遠的地方‧古巴》洪永城 3次最貼地的經歷

Apr 11 2016

洪永城（Tony）啱啱去完當地拍新一輯《在那遙遠的地方‧古巴》，趕上尾班車，在古巴變天前走返一日轉。雖然Tony升呢做男一，不過他的旅遊方式依然好貼地。今次Tony 繼續走進當地人生活，入住民宿之餘，仲搭埋泥鯭的，實行與當地人零距離溝通。話晒之前在北韓咩都唔講得，今次去到古巴，當然要捉住當地人傾返夠本。

洪永城發現美國已經不再是古巴的禁忌，不少年青人更愛。 — 洪永城發現美國已經不再是古巴的禁忌，不少年青人更表示喜愛美國。

古巴泥鯭的情越雙白線

夏灣拿街頭有不少古董老爺車，絕大部分都是的士，舉起相機隨手一拍就有一張靚相。Tony 說：「睇相好復古好浪漫，一到埗見到周街古董車都好興奮，但其實企得耐，就覺得引擎聲好嘈，廢氣又多。不過一場來到古巴，又點可以唔體驗坐吓。單程市區的士索價約港幣$90，見遊客更有機會獅子開大口，記得議價後先上車，當地唔興跳錶計。」但當地人平均收入不高，如果出入想坐的士代步，呢口價都幾肉赤！不過你有張良計，古巴人就有自己一套慳錢搭車法！「想坐泥鯭的（Máquina）要有熟人帶路，因為無特別標誌識別，泥鯭的似小巴有固定路線，沿路隨手截車就得。途中不斷有陌生人上車落車，當中訪問到位女乘客，佢話她正正係坐泥鯭的時認識自己老公。我聽到都好想即刻識個當地靚女，不過遇到的多數係阿叔和大媽！」

漏水安樂蝸

傳聞古巴水電供應不穩定，不過Tony 今次入住當地民宿卻沒有遇到呢個問題，「雖然試過沖沖吓涼無熱水，沖涼水仲會漏出廳。不過古巴當地資源唔多，都唔會預算有五星級設施啦！住民宿勝在可以跟屋主溝通，雖然他們唔識英文，但超好客熱情，每朝會煮埋早餐。黑豆飯、三文治、凍肉日日轉吓款，而且價錢不算貴，一個人一晚30元美金。」

古巴洪永城 16 — 古巴人平日要利用糧簿，每月領取限額食用品。如果想招呼客人加餐，都可以到肉店和雜物店購買。

古巴洪永城 17 — Airbnb去年加入古巴，現已有超過300間民宿，一晚價錢由20到400美金不等。

老翻愛作戰

別以為古巴好封閉，其實他們一樣會煲韓劇！Tony說：「古巴唔似北韓，禁止接觸外國文化。我去到一個專賣老翻的商場，好受當地人歡迎，好賣到個老闆由小販做到開舖。外國音樂好似Lady Gaga、Justin Bieber 都有，仲有美劇和韓劇！一套戲港幣2蚊，把檔案放入USB 帶走！不過香港電影選擇唔多，得成龍武打片，我都有推介佢睇《張保仔》！」