史力加去澳門登台?!@Parent婷

博客

廣告

(Presented by The Venetian Macao Resort Hotel)

撰文:Parent婷 相片:Tristram Kenton

有小朋友就知,想放假離開香港唞下真係唔容易,坐飛機旅行分分鐘攰過以前返工,要24小時照顧2隻「塞豆窿」,真係諗起都滴汗。

仲有2個幾月就暑假喇,平時老公做嘢、小朋友讀書咁辛苦,我就決定plan個短途trip,去澳門輕鬆一下!一嚟來回時間短,唔使舟車勞頓;二嚟澳門美食多,仲有老公最鍾意食嘅豬扒包同葡撻,三嚟……登登登登,有我哋成家都咁鍾意嘅史力加(又叫史瑞克)!

大大話話我同仔仔女女睇咗成10次《史瑞克》有多,仲試過馬拉松式煲晒1-4集添,但依然唔覺厭同悶。今次去到澳門,當然唔係又睇一次咁普通,而係由電影改編嘅《史瑞克音樂劇》!

未睇過?

首先你要知道呢個唔係普通嘅童話故事,主角係一隻其貌不揚嘅怪物-史瑞克,拯救咗靚靚公主,之後故事發展出人意表,我就唔劇透喇,但除咗主角,其他角色性格都好鮮明同搞笑,好似薑餅人同驢友,寫包單一定好睇!

WA_20160420_TheVenetianMacauResortHotel_3

今次睇一個載歌載舞嘅版本,相信又會散發不一樣嘅魅力!故事唔單止娛樂性豐富,仲好有教育意義,提醒我哋做人唔可以以貌取人。無論大人細路,都會有好深嘅感受!

WA_20160420_TheVenetianMacauResortHotel_4

唔使飛十萬九千里,過個大海就睇到百老匯音樂劇,點可以錯過?《史瑞克音樂劇》將會喺2016年7月22日至8月7日,於澳門威尼斯人®的威尼斯人劇場舉行。上呢個網www.cotaiticketing.com

就買到飛,仲有船票套票優惠,有興趣就要行動喇!

最緊要係史瑞克教識小朋友唔好以貌取人嘅道理,絕對係非一般嘅動畫。