等等，你食乜膠嘢？

塑膠垃圾氾濫，全球每年至少產生2.8億噸廢膠，下下送去堆填遲早冇位，最新解決方法係食咗佢！你冇聽錯，奧地利 Livin Studio 和荷蘭 Utrecht University 研究人員近日發表的另類「桌上農場」FungiMutarium，能將塑膠轉化成食物，食膠再也不是夢！當然，膠唔係直接食落肚，而係將它和平菇等可食用菇菌的菌絲體（mycelium）混合放進大菜膠容器，菌絲體會分解塑膠成無害物質，再吸收生長，成為食得落肚的「菇菌球」。聽落好複雜？睇圖解構啦！