機票情報 (9月23日)@MeetHK

博客

廣告

睇番過去兩星期嘅機票走勢,當中以日本航線較為矚目,香草航空係九月初正式開賣香港飛成田新航線,不過暫時仲未有一些震撼既開航優惠推出,加上初期航班時間雖然一般,所以並未吸引到大家去搶飛,期待佢之後推出更多既優惠。

另外HK Express 亦都由11月16日起增加多一班往返羽田既航班,香草航空同HK Express 兩間廉航令到東京機位供應增加了不少,填補左因達美停飛東京航線所產生既空缺。

自從廉航相繼開辦更多日本航線,傳統航空公司好似ANA全日空同日航JAL所推出既優惠力度都加大左,好似ANA 近排所推出既日本二人同行優惠做緊$2500未連稅,回落返去2013年既水平,當然大家都希望可以去返2012年$1900未連稅呢個價錢就更好啦。另一邊箱,日航JAL上星期所推出既日本優惠價錢都比對上一次有所回落,平左百幾,另外內陸段每程由以往$500減至$300。日元下跌亦都可能係優惠力度加大既其中一個原因,對於日本航空公司來講,佢地收港幣兌換返日元既收入會多左。

另一個值得一提既係香港航空已經開賣札幌航線,不過價錢未有驚喜,希望之後可以回落到連稅三四千左右,鹿兒島香港航空價錢都企得咁硬,札幌相信好難去到二字頭!

下期再續!

MeetHK.com 旅遊情報網 – 每日更新各大航空公司及酒店的優惠,為你節省更多旅費!

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線