時裝受害者 @陳細

旅遊

廣告

雖然話巴黎係時裝之都, 但其實除左 fashion week 之外, 巴黎大部分時間只有 “正常人”,拿唔係話時裝人或打扮特別就唔正常呀下 (戴頭盔先) 根據我家內子解釋, 法國人其實好怕 edgy 野,反而香港見得仲多大膽著衫既人, 佢地不理世俗眼光,勇字係心口奮不顧身將所有最潮最新既野一次過pet上身 (宜家係咪韓風緊?),又唔會諗自己咁搞法會唔會嚇親人 (都話佢地不理世俗咯)令第一次去亞洲既內子大開眼界仲自行定義 asian fashion姐係 hardcore內子聲稱, 法國人傾向 classic 統一, 唔太好邊緣風格一件手工上好既褸仔就係永恆潮流,雖然近年 fast fashion 大行奇道, 兩個星期換一批新 design但巴黎 indie 小店仍有不少法國人支持, 仲愈賣愈貴..其實大部人法國人真係著來著去都係果幾味,trench, ballerina, loafer, one piece 完全 french cliché可以話係毫無新意仲有少少悶添, 佢地既classic可能就係咁黎(都係果句啦, 人地求其卡其斜布褲都充滿氣質呢D真係天生)呢個亦係我同幾個同學對巴黎既迷思:” 下, 仲以為巴黎好潮添… ”

的確, fashion week 既時候你會見到大量 models 同時裝人,不過佢地都唔係法國人有些 models 瘦到你直頭覺得佢地唔係人又反而工作上遇見既英國遊客就大膽得多,可以一家大細去旅行而果個應該岩岩小學雞畢業既女已經阿 gem 頭 + 坦蕩蕩將個 bra 露出來當襯衫,呢份勇氣可嘉不得不令人佩服。

之但係有時 “時裝人” 都幾令人摸不著頭腦,(代表有我永遠都不可能明白的某部分日本人)你係完全望唔透點解佢地會咁著 (其實係咪我唔夠潮呀)以前讀書果陣學系入面總有幾件, 我地稱佢為 fashion victim唔理好醜(及真假!!) 總知將最新最第一手或者最騎呢既野….係自己身上表現出來,(拜 fast fashion 同淘寶所賜, 受害者數目顯著上升) 當然時裝口味係好個人既, 有人崇尚無菌簡約,有人喜歡森林復古 (兩者已泛濫變種並完全擴散至強國),有人一睇就知係裝苑style (衰鬼又真係襯得好好睇)亦有人奉行more is more,但各位, 曾經修讀時裝設計的小小筆者奉勸大家靚衫靚手工的確好值得收藏 (邊個話衫唔可以買來擺架!),但唔岩自己就無謂獻世啦! 亦唔好被一刻既霎眼嬌所迷!更大忌盲目跟隨潮流 (信我, 你回頭望一眼一定瀨硬野)雖然…搵岩合適風格係需要廔敗廔戰既 (有邊個未7過呢哈哈)

總知, 祝大家好運啦~打扮經常都係一件賞心樂事黎既。雖然自己已經由一個會好用心諗下著咩衫出街變成好煩呀算啦不如日日hea 皮既人…

 

關鍵詞
巴黎歐洲