食家評語
珍尼b
餐廳名：Bang Bang Pan Pan
玩味十足 2009-11-10 23:50:46
今日同朋友去銅鑼灣新開既BangPanPan鐵板燒.八點幾去到,估唔到要排隊,等左大約半個鐘先入座.呢度既環境一般,四面牆都係白色.感覺欠缺一份親切感.
是日一行三人,叫左兩個鐵板燒,(原味+煙肉+魷魚+义燒+熟洋蔥),另一款係(咖哩+肥牛+蝦+洋蔥).
呢度既賣點係自製鐵板燒.首先侍應會比一碗粉+製作法比你,攪好粉,侍應再望一望稀杰程度..之後每一程序,侍應都會過黎幫一幫手..不過因為咖哩味果邊加左洋蔥,好厚..最後面燶燶地,入面先岩岩熟..總算合格..
鐵板燒味道一般,咖哩味較原味香口,勝在可以玩下煮飯仔.而且侍應全程笑容面臉,服務一百分!!
除左鐵板燒,我地仲叫左雞肉芝士軟骨球,什箘褔袋,巨蜂提梳打,哈密瓜梳打.
雞肉芝士軟骨球($38),軟骨較大件,而且比較硬,芝士味好香,上碟時熱辣辣,半溶狀態,好味!
什菌褔袋($25),呢個絶對係比人呃錢..只係用鍚紙包住什菌,再用鐵板燒熟.燒完只係得少少可以食到.
加埋一人一啖都無.味道麻麻,只係豉油汁加什菌...
巨蜂提梳打,哈密瓜梳打.飲品味道偏淡.而且無咩野氣.味道唔多得,又中招..
整體環境食物一般.服務細心有禮.想自煮一翻可以去玩下~
人均消費：100
評分：食物 
服務 
環境
食評有否幫助？
點擊表情圖標為評家打分。
1人
0人
珍尼b
餐廳名：澳洲牛奶公司
乾淨企理 2009-11-09 00:51:10
好耐無去過澳洲牛奶公司啦.好鐘意食佢既茶餐.$28唔算平,不過每款食品都有質素保證,起碼唔會一次好,一次唔好啦.
义燒意粉.义燒約六片,係薄薄既瘦肉,味道淡淡的,感覺都幾健康.意粉較平日食既粗身,不過好滑,好易入口.
牛油厚多士,外脆內軟,好好食~
火腿炒蛋,火腿無咩特別.炒蛋好厚身,有淡淡既牛油香味.好正~:)
奶茶.跟餐既奶茶好香茶味.不過就"鞋"左少少.用厚身杯,好有茶餐廳風味.
另要讚下佢快捷既服務同清潔乾淨既環境.一般茶餐廳好難做到咁"企理".:)
人均消費：28
評分：食物
服務
環境
食評有否幫助？
點擊表情圖標為評家打分。
2人
0人
珍尼b
餐廳名：唯一雲貴川風味
大碗抵食 2009-11-08 23:24:30
以前放學成日幫襯雲貴川,貪佢大碗價錢平,一碗兩個人食都夠飽.以前朋友鐘意食辣,所以每次去都會叫辣,辣味充足令我飲晒一支涷豆漿,再用兩三張紙巾..
已經年幾無光顧,今日叫左最鐘意食既腐竹腩肉,腐竹軟滑份量足.腩肉薄薄的,辣得黎甜甜地.GOOD~再加埋可以解辣既肉醬,岩晒~
唔知係咪口味唔同左,覺得佢既辣無以前咁香辣椒味,而且湯底仲比以前油..不過都算唔錯.起碼有一定水準,而且比起譚仔果類連鎖店有特色~
人均消費：30
評分：食物
服務
環境
食評有否幫助？
點擊表情圖標為評家打分。
0人
0人
珍尼b
餐廳名：A-1 BAKERY & Cafe
回唔到本既自助晚餐 2009-10-12 00:29:10
今日陪朋友買衫.行到九點幾,見A1既自助宵夜岩岩開始,價錢又幾合理,咪過去試下囉.點知失望而回.
之前午餐既自助沙津好新鮮抵食..於是一入到去先試沙津..沙津既款式都幾多.不過唔夠下晝果D新鮮,仲暖暖地,好似就變咁唔知係咪晚餐用淨果D直接放係度做宵夜,試左幾隻款.最好味都係煙三文魚沙津.
刺身只得三文魚一款選擇,仲限時供應.9:15-10:00..過左就無..涷海鮮就有超細隻既蝦同青口..見到D雪溶溶地,真係驚佢有菌,結果都無試食..
試左紅白湯各一碗.兩款都煲都過晒火,杰到好似白汁咁..個湯仲要唔熱..激氣..
之後試熟食,又係超唔掂..又二十款左右,又唔好食.又涷,牛肉竟然係糖加豉油做汁,仲要超UN..
甜品全部都係D好平既MOUSSES類,得五款左右唔多好食既CAKE...仲諗住A1咁多面包店,D CAKE一定好好食.. 點知又係失望..
全晚唯一好食既,只有自制既雪糕.. 朱古力,綠茶,RUM酒提子,三隻都好好味AR,又唔太甜,又重奶香..
食飽飽見到職員將食淨既野一盤盤包好執返入厨房..到底係留比員工,定留返聽日用呢!!!真係食過一次都怕怕...
人均消費：150
評分：食物
服務
環境
食評有否幫助？
點擊表情圖標為評家打分。
1人
0人
