食家評語
小安安
餐廳名：馬華餐廳
鹹豬手都好好味 2009-03-29 21:55:01
又幫襯呢間舊式餐廳，皆因呢度價錢平，又坐得舒服，交通左好方便添！
我地三個人，分別食左唔同的食物，都幾滿意：
我揀左京都豬扒（中式套餐）（42蚊）：奉送例湯－－青紅蘿蔔，幾多料，好鮮甜。京都豬扒－－酸酸咪咪，碎上，幾腍又入味，送飯一流（不過ｄ飯就爛左ｄ）。凍檸茶：普普通通。
朋友A就揀左芙蓉蛋飯配例湯（32蚊），雖然係碟頭飯，但見塊蛋好大塊，我試食左一啖，味道唔錯，價錢亦都超值，32蚊，等於午飯的價錢，真係抵。
朋友B就試鐵板鹹豬手（70蚊），侍應奉上時，提點佢唔使將黑椒汁淋上面，反而慢慢點來食仲正，的確，我試食左幾啖，豬手入味又有少少脆口。
整體來講，咁便宜的價錢，又咁高食物水準，值得再去！
人均消費：60
評分：食物 
服務
環境
食評有否幫助？
點擊表情圖標為評家打分。
0人
0人
小安安
餐廳名：麻酸樂米線專門店
米線一般 2009-03-29 21:51:15
上星期行過奧海城，好想食米線，又唔相咁貴，最好就係下午茶啦～見呢間分店，又見有下午茶餐，就決定在此落腳。
我地叫左兩個下午茶餐，一個係豬軟骨酸辣湯底的米線配即磨咖啡，一個係皇牌雞翼配凍奶茶。先講飲品，朋友覺得熱咖啡好香，都幾濃；我的凍奶茶就唔掂，本身係仲係熱的奶茶好快令到Ｄ冰融晒，變左唔係幾凍，而且飲落好淡茶味，唔合格！
至於食物方面，豬軟骨只有細細的三舊仔，酸辣湯底唔夠熱辣辣，辣度適中（因為我地揀左小辣，我覺得剛剛好，朋友就話辣左Ｄ。），不過唔夠濃郁，雖則佢話有自製番茄醬、番茄肉、醃雪菜、腐竹且有機芽菜，但真係無乜影。皇牌雞翼有三隻，但唔係幾大隻，好在炸得熱辣辣，食落都入味。
呢餐合共都只係五十蚊，都可以收貨！
人均消費：25
評分：食物
服務
環境
食評有否幫助？
點擊表情圖標為評家打分。
0人
0人
小安安
餐廳名：花月庭(帝京酒店)
下午茶自助餐選擇好多,值得去! 2009-03-29 21:41:08
火車站的花月庭就腳，價錢又唔貴，所以耐唔耐都會去食下午茶。
食物方面，以下午茶來講，真係好多選擇：
＊冷盤：除左沙律外，有兩種魚生（立魚同三文魚）、壽司（不過得兩三款，食味麻麻地）。
＊熱盤：即製粉麵、即製腸粉、鴨胸、蝦多士、照燒雞肉、碗仔翅、避風塘炒龍蝦拑等，最多人搶住食的係龍蝦拑，每次一出，立時被人搶晒，好在尾聲時我都有機會食到兩隻，其實味道唔夠濃。
＊甜品：佢地的主題好似係咖啡「味」力，所以好多款甜品加入左咖啡味，不過通通味道都唔太濃，我就鍾意佢地細細杯，可以試左好多款，不過就無留下深刻印象。最正係即製pancake同格仔餅。另外，仲有綠豆沙、豆腐花同生果，真係算交足功課。
另外，值得一讚的係，自助檸茶／檸水／咖啡corner，由侍應代勞，你想飲幾多杯都得，唔怕被Ｄ客人搞到立立亂。
整體來講，我地都好滿意呢個自助餐，就連嘴刁的朋友都讚唔錯，真係高興。
人均消費：140
評分：食物 
服務
環境
食評有否幫助？
點擊表情圖標為評家打分。
1人
0人
小安安
餐廳名：板長壽司
合理 2009-03-29 21:37:10
好鍾意食壽司和魚生，早排朋友生日，齊齊決定試新野，幫襯了板長。我地叫左壽司、軍艦、刺身、炸物、壽司杯飯、甜品等，好快送上，值得讚賞。
味道方面，各樣都幾好味，最鍾意的有以下幾款食品：
．刺身：帆立貝（帶子）刺身（35元／6件），好鮮甜！
．壽司：磯煮鮑魚仔軍艦（13元／件），同樣好鮮甜，幾腍，唔韌！蟹棒壽司（6元／件）的蟹棒幾大條，甜甜地，唔似蟹柳！
．壽司飯：一般壽司飯或刺身飯都幾大碗，食完都已經好飽，好在呢度有的式的杯飯size，分量唔多，我叫的親子（杯飯）（25元），係三文魚加三文魚子，飯好煙韌入味，唔錯呀！
．甜品：最叫人驚喜，我朋友叫左南瓜雪糕（15元），送上時係用南瓜皮包著，賣相好吸引，食落讚不絕口；而我叫的芝士蛋糕（15元），最初以為好似伊ｘ家咁，芝士味好輕，點知食落都幾濃郁，不過就細件左dd。
埋單：四人合共唔使500元，每人百幾蚊，都算幾合理。
人均消費：130
評分：食物
服務
環境
食評有否幫助？
點擊表情圖標為評家打分。
0人
0人
