食家評語
yan7210
餐廳名：糖朝
好貴 2009-03-30 21:22:19
今日出尖沙咀行街，行行下肚餓，搵餐廳醫肚，見到間糖朝，睇樣好似唔錯，其實原來係坤人嘅，入去唔使等位就有得食。呢度應該淨係甜品好食，D主菜都麻麻，先嗌一碗牛腩麵，廿幾蚊，超細碗，食完等於無食，牛腩都算唔錯，好霖，湯低好香。
因為唔飽，所以加個蝦球粥食，又咁又整多我廿幾蚊，今次仲要等好耐，成三個字先有得食，頭先食過嘅野已經消化哂，，離遠見到碗粥又係偏細碗，同碗麵嘅大小差唔多，蝦球就得三粒，食落個粥好重味精味，但係D蝦球幾好食，只是得三粒就嫌佢太小。
到食佢最出名的甜品，先黎一碗紅豆沙，甜品真係唔錯，紅豆沙超香，D豆都溶哂，比出面食嘅好好多。但係真係貴，要成廿蚊碗，又係貴
D侍應的服務態度都唔錯，餐廳幾乾淨
最後埋單都要成百幾蚊，真係唔抵
人均消費：50
評分：食物 
服務 
環境
食評有否幫助？
點擊表情圖標為評家打分。
1人
0人
yan7210
餐廳名：全記海鮮酒家
海鮮好食但貴 2009-03-30 20:40:53
上個禮拜六同屋企人去西貢行山，行到五點幾就諗住一場尼到，一定要食西貢最出名的海鮮。聽D人講西貢全記最好食，4個人就走過去食。
出到市中心6點幾，行到去牌坊前面已經見到超多人係度等位，我地4個人都等左大半個鐘先有位，上到去見到D位都幾逼下，不過一場呢到唔緊要。坐落都要背”隻貼背隻，唔係幾舒服。
到叫餸，首先梗係食隻之士焗龍蝦，伊麵底，椒鹽賴尿蝦，腐乳炒通菜，本來諗住食薑蔥焗蟹，但係佢竟然話無。下，海鮮店無蟹食？我地將呢樣餸轉做蒜蓉粉絲蒸扇貝。
D待應服務態度都唔錯，好有禮貌。但係D餸好遲先黎，可能因為太多人嘅關係，D餸要半個鐘先齊。
隻龍蝦係我覺得最好食嘅，龍蝦好香好滑，椒鹽賴尿蝦就鹹左D，腐乳通菜就普通，扇貝就第二好，蒜蓉好香，粉絲索哂D味，超好食。最後加埋紅豆沙糖水，四個人飽肚走人。
價錢方面真係幾貴，四個人食左成千蚊。
人均消費：200
評分：食物
服務
環境
食評有否幫助？
點擊表情圖標為評家打分。
1人
0人
yan7210
餐廳名：彩雲軒
酒席唔得 2009-03-30 20:28:28
早幾日有親戚擺大壽，就係呢間彩雲軒度擺。係食呢餐之前我已經係度飲過一次，哥次都唔錯，D野食唔錯，但係今次就差左D。
我問個親戚幾錢一圍，佢話三千幾，我覺得都正常。到開始食，開頭隻乳豬都唔錯，因為好難整到難食。西蘭花帶子就普通，食落仲涷涷地，不過算啦。
之後嗰幾味都OK（翅、蝦），但係令我最失望，隻雞好差，好明顯係冰鮮雞，仲要係雪到僵哂嘅，食落完全冇味，淨係食到一陣雪味，食完呢隻雞真係搞到我之後嘜都食唔落，無哂胃口。仲記得上次黎食隻雞都唔錯，真係唔明點解今次差到咁，一隻雞都搞成咁。
之後嘅甜品同果盤都只係普通，只係紅豆沙好食D。
係服務方面都係麻麻，一樣茶都未食完一舊就拿拿臨分哂佢。洗唔洗咁趕呀。D待應都冇咩禮貌。
經過今次後，我下次都唔食呢間野啦
人均消費：180
評分：食物
服務
環境
食評有否幫助？
點擊表情圖標為評家打分。
1人
0人
yan7210
餐廳名：火車頭越南餐室<img src="http://www.weekendhk.com/images/601.gif">
幾好的越南菜 2009-03-30 19:24:39
我鐘意食越南嘢，見呢間都幾多好評，就嚟試試。
馬拉炒通菜, 好大碟，好香咸魚味，不太咸也不太油。
菠蘿海鮮炒飯，賣相好靚，飯係一粒粒的，每粒都黃得均勻，酸酸甜甜，好開胃，都有唔少海鮮粒。
越式拼盤， 蝦餅的蝦新鮮、彈牙，如果少d油更佳 , 串燒牛柳多汁,唔韌,軟滑，醬都好正。
黑芝麻蝦春卷，無腥味的蝦膠，蝦很新鮮很彈牙, 包著黑芝麻夾著生菜吃, 爽口鬆脆，再配好香的魚露，好正。
越式粉卷，即蒸，超級熱，粉皮厚薄適中, 餡料令個粉卷脹卜卜, 有豬肉粒粒, 荀, 菇，配上酸甜魚露，好味。
招牌湯河，招牌菜，湯底惹味，個碗好大，裡面都好多料同河粉，有4件肥牛，2舊牛根及其他牛丸扎肉，都唔錯。
環境都幾靜，不過D枱幾細下，有D迫，同埋上菜有D慢，都唔算太貴，大概$100一個人，都ok。
人均消費：100
評分：食物
服務
環境
食評有否幫助？
點擊表情圖標為評家打分。
0人
1人
