去得多會長命啲！3大 Blue Zone 旅遊 搵食攻略

從旅遊角度睇，撤丁尼亞島的人氣遠不及西西里島或者托斯卡尼，不過名氣細唔代表無特色，撤丁尼亞係整個地中海區的第二大島嶼，有相當豐富的天然資源和自然景觀。除此之外，呢度人均壽命位列全球之冠，好多島民都可以活到100歲以上，連國家地理雜誌都封佢為 Blue Zone 長壽區，唔少皇室政要同明星更視之為度假天堂！

活到100歲全賴「黃金液體」

要配得上 Blue Zone 之名，撤丁尼亞島居民何止長壽，仲好健康，相信除咗跟無污染環境和生活習慣有關，亦要歸功於飲食，橄欖油就係當地其中一樣最不可或缺嘅食材。唔好以為橄欖油好普通，佢有個稱號叫「Liquid Gold」，係地中海最珍貴產物之一，古代人甚至會將橄欖油用於宗教儀式，可見佢嘅地位有幾神聖。

意大利Blue Zone最Top橄欖產地

整個撤丁尼亞島，以中部地區Sarcidano種植的橄欖最優質，無論係氣候、土壤抑或地勢上，Sarcidano都為橄欖樹提供到成長所需的最佳條件，所以種出來的橄欖特別油脂豐富同飽滿，帶有濃濃果香，加上水份充足，營養價值亦會特別高，最適合用來製作無添加的初榨橄欖油。如果只可以推薦一款最代表到 Blue Zone 撤丁尼亞島嘅手信，咁一定會係橄欖油。

另類天然橄欖手信

除咗不飽和脂肪酸，據講橄欖油仲含有維他命E同多酚呢2種抗氧化物質，一直以來，意大利人都會將橄欖油加入潤膚膏、洗頭水、番梘來清潔和滋潤皮膚，時至今日，橄欖油product更加係愈出愈多。如果唔想帶成支橄欖油番香港，其實都可以考慮買hand cream、skincare或者番梘之類做手信。

作為手信，天然手工梘都係唔算選擇。

同場加映：希臘、哥斯達黎加名物

百歲老人聚居地又點會只有撤丁尼亞島，希臘伊卡里亞島（Ikaría）及哥斯達黎加尼科亞半島（Nicoya Peninsula）同樣已被列為 Blue Zone ，不過佢哋保持長青嘅秘密並唔係橄欖，而係乳香同綠咖啡。

乳香其實係黃連木樹脂，幾千年來，希臘人都會用以入藥，醫治胃腸病。乳香仲有抗菌作用，所以亦被廣泛用喺藥膏當中，好多科學實驗經已證實呢啲古方嘅功效。除咗藥品，糖果、朱古力、餅乾、果醬、個人護理物品……，樣樣都加入乳香，可見希臘人真係完全將乳香融入晒生活。

哥斯達黎加擁有肥沃火山土質、溫和氣候同穩定雨量，一向盛產咖啡，質量絕對受到認可。未經烘焙嘅綠咖啡含大量綠原酸及茶兒素，可以改善身體和皮膚新陳代謝，燃燒多餘脂肪，仲可以有效抗氧化，睇嚟呢樣就係當地人的青春常駐法寶。