煲仔飯中式漢堡!大角咀5大地膽美食 |掃街王|

飲食

廣告

天氣凍令人每分秒都想食熱嘢暖身。今次為大家推介一款煲仔飯堡,以煎香了的飯夾住煲仔飯材料做成的漢堡包,本身這項嘗試已經有創意,而味道出奇地好味,真心推介!而掃街王是不會吝嗇飲食情報,再帶大家試埋大角咀另外四款美食,有平民價食富貴鮑魚、$108午市甜品放題、暖笠笠米芝蓮養生靚湯,仲有老字號油渣麵,每間食店都有不少街坊幫襯,連記者一位住大角咀的朋友都有推介。事不宜遲,掃街王即刻帶大家到大角咀掃5大地膽美食!

1. 煲仔飯變身做飯堡!創意漢堡包店

天氣咁凍,食煲仔飯就最好不過。記者一位朋友就介紹我去大角咀埃華街食煲仔飯。到了才發現,原來小店內所賣的是一份以煲仔飯材料製作的飯堡,而非傳統煲仔飯。韓式飯堡我就食過,中式真的是第一次。這間小店開業接近九個月,起初賣的都是傳統漢堡,近這兩星期才推出中式飯堡,有窩蛋牛肉飯堡、北菇雞飯堡、海南雞飯堡,還有新年後即將推出芝士焗豬扒飯堡。各位食漢堡包食到悶的朋友,不妨試試他們的中式飯堡。

掃街王_大角咀_窩蛋牛肉飯堡
窩蛋牛肉飯堡 $60。
牛肉來自巴西,由大廚每日手打和醃製,煎香時已經聞到陣陣肉香,好吸引!牛肉質感軟硬適中,煎得非常香,又能鎖住肉汁,配埋醬汁和蛋漿,好味!
掃街王_大角咀_飯
飯堡最出色的一點是,用來夾住餡料的飯煎得好香,飯焦食落脆口,配埋黑芝麻和紫菜,味道和口感有所昇華!
掃街王_大角咀_蛋
蛋黃配上芝士,望見已經垂涎!
掃街王_大角咀_海南雞飯堡
海南雞飯堡 $65。
海南雞以慢煮方式製作3小時,肉質軟硬適中而且入味。
掃街王_大角咀_芝士焗豬扒飯堡
芝士焗豬扒飯堡 $65。
香茅豬扒味道香濃,配上芝士、菠蘿和番茄粒,酸甜惹味。此飯堡農曆新年後就會推出,鍾意食焗飯的朋友要留意了!
掃街王_大角咀_北菇雞飯堡
北菇雞飯堡 $60。
另一款煲仔飯堡,雞扒來自巴西,肉質軟腍,配上鮮冬菇和蠔油汁,好惹味!

提提你:農曆新年初一至四休息,初五啟市。

味帝漢堡
地址:大角咀埃華街117號地下B舖(顯示地圖
營業時間:星期一至日:12:00-22:00,星期三休息
電話:5437 1969

2.$42吉品鮑!平民價歎富貴美食

同樣位於埃華街的車仔麵店,有不少人都會慕名到訪,不過,開門時間卻難以預計,記者當日下午兩點前往都摸門釘,等到三時多終於開門!一進店內,會見到開放式廚房,老闆娘正在為客人煮車仔麵,感覺蠻親切的。不過,今次我到訪是要試試吉品鮑,夠厚身,肉質彈牙,重點是只售$42一隻,抵食!另外車仔麵、魚肚翅、魯肉餃、溏心皮蛋都好出名,而且價錢唔貴,絕對是平民價歎富貴美食!

掃街王_大角咀_吉品鮑
干邑紅燒吉品鮑 $42/1隻(大);$78/2隻(中);$113/3隻(小)。
鮑魚大小方面,店員話大和中的其實相差不大,記者當中就選了中,大約手掌般大,質感彈牙,鮑汁濃郁!
掃街王_大角咀_魚肚翅
魚肚翅 $34。
魚肚夠爽滑,而且好足料,多到滿瀉!
掃街王_大角咀_皮蛋
糖醋溏心皮蛋 $14。
溏心餡湧出來,賣相好睇!溏心餡再點埋糖醋一齊食,甜蜜蜜之選!

提提你:農曆新年初一至十四休息,十五啟市。

車品品小食
地址:大角咀埃華街92號(顯示地圖
營業時間:星期二至五:14:00-16:00;18:30-23:30;星期六、日:14:00-17:00;19:00-23:30 ;星期一及勞工假期休息
電話:2180 9655

3. $108午市甜品放題!近百款甜品任你揀

食完飽飽正餐,就心思思想去食甜品。同樣位於埃華街的甜品店就推出了$108午市甜品放題,款款甜品都幾有份量,只要是在Menu上的甜品款式,食放題的朋友都可以揀選。店員話見過最瘋狂的客人點了10個雪糕,當中亦有刨冰,而點這些甜品的是一位瘦瘦的女生喔(真不公平)可想而知,女孩於甜品面前是難以控制的。自問有個甜品胃的朋友,甜品放題絕對適合你!

掃街王_大角咀_椰皇燉蛋白雙丸
椰皇燉蛋白雙丸 $45(單點價)。
加了鮮奶再燉的椰皇蛋白好香滑,入面有粒粒西米、芝麻湯圓和煙韌芋丸,微甜而且暖笠笠,最適合冬天品嚐。
掃街王_大角咀_芒果拿破崙
天使之戀(芒果拿破崙)$38(單點價)。
與坊間拿破崙有少少分別,酥皮麵團發得很大,酥皮都算鬆軟,入面會有芒果肉,配埋煉奶,夠晒甜絲絲!不過食的時候酥皮易散,食相帶點狼狽。
掃街王_大角咀_即撞豆腐花
即撞木桶豆腐花 $30(單點價)。
豆腐花份量夠多,有豆腐香,質感較為挺身。

90分鐘甜品放題詳情:
星期一至四:13:00-19:00入座:$108;19:00-23:00入座:$128;23:00後入座:$108
星期五至日、假期和假期前夕:13:00-19:00入座:$128;19:00-23:00入座:$158;23:00後入座:$128
折扣優惠:持有學生證:9折;惠顧5位:95折;10位以上:9折
長者和4-10小童:全日$68;3歲以下免費

提提你:全年無休。

貴族甜品
地址:大角咀埃華街98號地下(顯示地圖
營業時間:星期一至日:13:00-01:00
電話:2787 1638

4. 暖笠笠牛肝菌燉湯!米芝蓮養生靚湯

都市人生活忙,想返屋企飲啖湯都難。這家湯品店所推出的湯水,養生又滋補,開業接近兩年,就吸引到一眾街坊和做Office的朋友們來品嚐靚湯。湯底由大廚每朝煲3小時,再燉1小時製成,再配上不同食材,發揮不同藥用功效。其中,牛肝菌燉湯有舒筋和血功效,味道好清甜,完全無味精味道,牛肝菌配埋紅蘿蔔絲和木耳,夠爽口!另一款菌類湯品,黑虎掌就比較濃郁,愛濃湯人士可品嚐,連肥媽都有介紹以黑虎掌製作的湯水呢。

牛肝菌小知識:
功效:清熱解煩、養血和中、追風散寒、舒筋和血、補虛提神等。

掃街王_大角咀_牛肝菌燉湯
牛肝菌燉湯 $33。
牛肝菌燉湯有舒筋和血功效,味道好清甜,完全無味精味道,牛肝菌配埋紅蘿蔔絲和木耳,夠爽口!

黑虎掌小知識:
功效:追風散寒、降低膽固醇、舒筋活血、益氣補氣、胃通便、降血壓、治頭痛等。

掃街王_大角咀_黑虎掌燉湯
黑虎掌燉湯 $45。
黑虎掌菌肉較為肥厚,香味濃郁,愛濃湯人士可品嚐。
掃街王_大角咀_湯
肥媽都有介紹以黑虎掌製作的湯水。以黑虎掌配上黑豆所煲的湯。

肥媽食譜:黑虎掌黑豆素湯
材料:黑豆2湯匙、黑棗4粒、黑虎掌2隻、百合2湯匙、蓮子2湯匙、果皮1瓣、薑片2片
調味:鹽適量
做法:
1.黑虎掌沖洗幾次後浸軟,備用。
2.黑豆洗淨及浸泡3小時左右,備用。
3.蓮子洗淨略浸,備用。
4.果皮浸軟刮瓤,備用。
5.所有材料放入燉盅內,再加入浸黑虎掌水及沸水,隔水燉約1至1小時半,最後加適量鹽調味即成。

掃街王_大角咀_山渣水
蘋果山楂蜜棗茶 $8(套餐價)。
酸甜開胃,而且消滯,新年食滯了飲這杯飲品最適合不過。

提提你:年廿八至初三休息,初四啟市。

湯品小棧
地址:大角咀櫸樹街20號(顯示地圖
營業時間:星期一至六:12:00-21:00;星期日休息
電話:3565 0115

5.麵質彈牙!老字號油渣麵專門店

又是一間要排下隊先食到的食店。這家油渣麵專門店,叫得專門店,入面可以選擇的麵就只有大碗油渣麵和細配油渣麵。記者比較少食油渣麵,起初以為會比較油膩,但這家麵店的麵是比較粗身而彈牙,至於湯底,味道清甜,配埋冬菜,湯底濃郁得來又不油膩。另外,這裡很出色的是辣椒油,麻辣得來非常香,只需要加兩小滴就已經好出味,如果食唔到好辣的朋友,落一兩滴就好了。

掃街王_大角咀_油渣麵
油渣麵 $24(小);$22(小-堂食價);$28(大)。
麵質彈牙,湯底清甜而不膩。
掃街王_大角咀_辣油
辣椒油以自家配方調配,味道好香,一兩滴都已經好辣。記者本身唔算好食得辣就落了一兩滴就收手了,而與記者同行的攝影師很愛吃辣,更形容辣椒油就咁用來點燒賣都好好味,而最後更買了一樽($40)回家呢。

提提你:街坊店的開門時間都比較隨興,需要寫晚上七點開門,不過大家都要留意返比多少少時間等開門。新年期間,年廿九至初四休息,初五啟市。

英記油渣麵
地址:大角咀大角咀菩提街4號(顯示地圖
營業時間:星期日至五:19:00-03:00;星期六:19:00-07:00
電話:2390 7397

延伸閱讀:

【掃街王】牛下牛雜檔重生!九龍灣5大港日韓美食

掃街王 | 屯門老街坊5大推介!懷舊冰室戰斧Size雞髀
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8

Android:https://play.google.com/store/apps/details?id=com.weekendhk.newsstand2&hl=zh_HK
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy!
1. 先分別讚好「新假期周刊」及「新假期Jetso 」兩個Facebook專頁
2. 在「讚好」按鈕下揀選「搶先看」,搞掂!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..