小店
小店

撐小店!有麝自然香 請你們先喝湯|黃大仙食乜好|

飲食

廣告

下午兩時半,黃大仙馬會斜對面,南味小調,一間新開不足半年的小菜館。經過中午,附近聖民德、聖母書院的學生哥一擁而至,佔領整間店子後,這裡又回復一片安 寧,零星幾個客人在吃碟頭飯。「 生意真係好難做,呢度係老區,街坊都不願試新嘢。」老闆阿Sam坐下來,就呻出了這樣一句。「每日最旺場就係學生Lunch hour!」樓面的阿雞走過來聊,二人樣貌有幾分相似,原來是兩兄弟,其實打理這店的,還有他們幾兄弟姊妹。

這班手足,自小感情就好,曾家住天台屋,又試過兩個飯盒幾人分,長大了大家分道揚鑣,這次聚在一起,原來是為了媽媽 :「等佢退咗休,有啲嘢做下。」老二阿Sam,在內地做生意,這次主力出錢開店;排第四的四哥,十五歲入行當廚,做過美心等大集團,主攻出品;大家姐及細佬阿雞,負責招呼客人。

一家人開店,原本是個最佳組合。阿 Sam 計仔多多,愛想新菜式,四哥則是實行兼把關,堅持用料優質。做菜更跟足大酒樓,全部用熬過夜的上湯來烹調,招牌米酒雞花膠鍋,以上湯來煮,澆上米酒,放在爐上滾幾滾,酒香與上湯的甘鮮就傳出來。「湯料吃不完不緊要,一定要飲晒啲湯。」阿雞指著牆上「請你們先喝湯 」的標語說:「 因為真材實料,無味精,你話有幾多間店夠膽咁樣寫出嚟?」$78一碗海皇花膠翅,以上湯來堆,有客人吃過後,第二次專程來買七碗帶走。「 嗰次我哋就打烊,佢專程嚟買,四哥咪做埋畀佢囉,自己人易話為,外邊師傅睬你都傻。」只是,知音人不如想像的多。開業多月,由於少宣傳,加上附近街坊消費力弱,這樣的精緻小菜,只靠小量的區外回頭客。尋出路,除賣小菜,亦開始主攻午巿麵飯,見附近的車仔麵生意好,遲下又會推出車仔麵火鍋,希望吸引多批客人。「雖然難做,不過見媽媽每朝跟我們返店,人多就幫下手,中午食埋飯就返屋企抖下,有咗寄託,少咗好多病痛呀!」大家姐說。萬事起頭難,不過看到媽媽開懷的笑容,手足同心,途中的荊棘又算是什麼?

南味小調原創風味篇

地址:黃大仙銀鳳街4號地下(顯示地圖
電話:2493 1188
營業時間:11am-2:30pm、6pm-11pm(逢星期一休息)

延伸閱讀:熱辣入味!無骨香蒜椒鹽雞翼包‬|西環食乜好
懷舊功夫菜翻生 生炒四季糯米飯 【九龍城食乜好】

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..