2016美食之最大賞｜4款至高榮譽金獎菜式 登陸Wine & Dine Festival@DINING娜

今年萬聖節前夕，除咗到餐廳食應節嘩鬼造型菜外，仲要記得來到「建行(亞洲)香港美酒佳餚巡禮」！今年活動喺中環海濱活動空間舉行，由10月27日至30日，到時大家可以盡情遊走由超過410攤位築成的「美酒佳餚天堂」，品味各式靚酒同環球精彩美食。

4大得獎創意港菜

試飲靚酒之餘，尋覓美食先係最啱一家大細重點出擊嘅活動！今年大會設有超過130個美食攤位，分佈於場內尊尚區星級美食、酒店美饌、名氣美食坊及街頭小食等多個區域，而早前同於「2016美食之最大賞」榮獲「至高榮譽金獎」嘅4間食府，更為得獎菜式推出Wine and Dine現場限定版，到時大家就可以去到場內「名氣美食坊」率先品嘗。

價錢：HK$50/ 份

攤位號碼：D004(御苑皇宴)

「蟹道」參賽時係以原隻肉蟹登場，但考慮到今次會喺露天攤位品嘗，為方便起見，決定只保留最精華味美的一蟹三食的炒飯部分。炒飯以蟹肉混入薑米及蔥花炒至黃金香身，每顆飯粒乾身分明且滲滿蟹肉的鮮甜鮮香，加上以簡便容器盛載，省卻平日堂食要動手拆蟹弄污雙手的不便。

價錢：HK$98/ 半隻

攤位號碼：D005(香港黃金海岸酒店──粵)

今次決定原汁原味保留「鴛鴦銀絲回味蟹」比賽時的味道與賣相，但為遷就遊客能即場品嚐，特意將全隻份量改成較易拆食的半隻。菜式靈感來自傳統蟹粉煲，以大隻又有蟹味的斯里蘭卡蟹，再加入日本粉絲、上海年糕、蝦籽、蟹籽等新元素食材，炮製出令人回味無窮的嫩滑鮮味蟹煲。

價錢： 左) HK$40/ 兩件
右) HK$40/ 個

攤位號碼：D006（悅來酒店）

「『蟹』逅」亦把菜式一分為二，變出兩道迷你一口小食：芝士蟹肉三文魚撻及龍蝦包菜式。由味道到顏色均著重濃淡層次，但考慮到原來的炒鮮奶不能存放太久，故改以惹味芝士蟹肉三文魚來代替，兼借牛油撻作盛器，環保美觀又好味。迷你龍蝦包以厚肉水煮龍蝦配上自製麵飽和鮮蔬，一濃一淡令味蕾產生多重享受。

Wine and Dine現場限定版：濃香藕肉卷（變奏版）

價錢：$30/ 份，每份兩粒

攤位號碼：D007（譽宴）

今次唯一亮相的豬肉組得獎菜式。菜式靈感源自比賽的時間限制，為使五花腩於短時間內煮至入味，廚師巧妙地把原來肥厚的五花腩切成薄片，再包裹著當造蓮藕同煲，利用味淡清香的藕條中和腩肉的油膩感，再配以爽口有嚼頭的茶樹菇，營造出三種不同的味道與咬勁，熱辣辣、香噴噴絕對係佐酒之選。

「香港盛宴11月」八折賞你食盡得獎菜式

「建行（亞洲）香港美酒佳餚巡禮」過後仍想品嚐多款「美食之最大賞」得獎菜式？由11月1日至30日，只要嚟到以下得獎餐廳（見下表列），不單可以點食該餐館的獲獎菜式，仲可以尊享八折優惠！今年「美食之最大賞」比賽共分為「蛋」、「豬肉」、「點心︰腸粉」及「蟹」四組，由知名美食家及餐飲界人士組成評審團，經過初賽及決賽，嚴選出40道得獎菜式，詳情可瀏覽網址 : www.discoverhongkong.com/bob。

蟹組得獎菜式及餐廳

至高榮譽金獎：鴛鴦銀絲回味蟹＠ 香港黃金海岸酒店粵

至高榮譽金獎：「蟹」逅＠ 悅來酒店殷悅中菜廳

至高榮譽金獎：蟹道＠ 御苑皇宴（九龍灣店）

金獎：稻穀‧望潮 (新著)＠ 國金軒The Mira(尖沙咀店)

金獎：如意春花蟹＠ 海景嘉福酒店海景軒

金獎：阿公炒辣蟹＠ 天虹海鮮酒家

金獎：繡球藏白玉＠ 德記潮州菜館

金獎：紫米花蟳＠ 譽宴 (銅鑼灣利舞臺廣場店)

金獎：金影竹蟳＠ 彩晶軒 (荃灣店)

銀獎：漁港風味蟹＠ 正冬魚塘公

豬肉組得獎菜式及餐廳

至高榮譽金獎：梨釀鰒鱆烤肉＠ 香港怡東酒店怡東軒

至高榮譽金獎：濃香藕肉卷＠ 譽宴（尖沙咀莊士倫敦廣場店）

金獎：蘋果醋香黑豚肉＠ 香港康得思酒店明閣

金獎：桂花脆香翡翠豬卷＠ 8度海逸酒店8度餐廳

金獎：紅梅子脆黑豚肉＠香港JW萬豪酒店萬豪中菜廳

金獎：魚目混「豬」＠帝京酒店帝京軒

金獎：黑醋子薑排骨＠ 上海佬‧蟹莊

銀獎：棉襖皇冠白玉＠ 御苑

銀獎：酒香沙梨豚肋骨＠ 太興 (北角和富店*)

銀獎：天蓬元帥＠譽宴 (銅鑼灣利舞臺廣場店)

*註：太興(北角和富店)已經結束營業，市民可前往太興(九龍灣企業廣場店)品嚐得獎菜式。

蛋組得獎菜式及餐廳

至高榮譽金獎：踏雪尋梅＠ 譽宴（銅鑼灣利舞臺廣場店）

至高榮譽金獎：酒香腰蝦蒸蛋＠ 彩福皇宴（佐敦店）

至高榮譽金獎：玉鱗魚躍逐金波＠ 香港怡東酒店怡東軒

金獎：芝心雙色蛋＠ 香港天際萬豪酒店萬豪中菜廳

金獎：醉影＠ 悅來酒店歐陸餐廳

金獎：月映芙蓉＠ 皇家太平洋酒店柏景餐廳

金獎：瓊姿玉露迎合莆＠ 波士廳•101

銀獎：出奇蛋＠ 御苑

銀獎：蛋抱蟶子＠ 莆田 (銅鑼灣店)

銀獎：西施名門玉帶＠ 富豪東方酒店富豪坊

點心: 腸粉組得獎菜式及餐廳

至高榮譽金獎：富貴蝦菌皇功夫腸＠ 彩福皇宴 (尖東店)

至高榮譽金獎：別有洞天鴛鴦脆皮腸＠ 陶源酒家 (荃灣店)

金獎：龍宮鮮味脆脆腸＠ 彩福皇宴 (銅鑼灣店)

金獎：港式街頭蝦米豬腸粉＠ 彩福皇宴 (佐敦店)

金獎：珍珠腸粉＠城市花園酒店粵

金獎：青竹羅漢上素腸粉＠ 富豪機場酒店紅軒

銀獎：鮑魚雞絲腸＠ 豪隍點心

銀獎：黑松露龍蝦脆蘿蔔絲腸粉＠ 香港喜來登酒店天寶閣

銀獎：「迷惘」斑馬蝦腸粉＠御苑皇宴 (尖東店)

銀獎：紫氣東來龍皇腸＠ 香港怡東酒店怡東軒

建行（亞洲）香港美酒佳餚巡禮 CCB (Asia) Hong Kong Wine＆ Dine Festival

日期︰2016年10月27日，晚上7:30-11:30

2016年10月28至29日，中午12:00至晚上11:30

2016年10月30日，中午12:00至晚上10:00

(註：最後入場及售票時間：10月27至29日為晚上11:00，10月30日為晚上9:30)

地點︰中環海濱活動空間 (設金鐘及中環入口)

網址：www.DiscoverHongKong.com/WineDine/tc

入場費：成人$30/ 位；65歲或以上長者、3至12歲兒童、全日制學生及殘疾人士港幣$15，
3歲以下兒童免費。

門票：
入門品酒證$100（5張標準品酒券＋塑膠杯一隻）

標準品酒證$200（8張標準品酒券＋Stölzle酒杯一隻）
尊尚品酒證 $600（8張尊尚品酒券＋Riedel酒杯一隻）