Taste of Hong Kong
Taste of Hong Kong

全球最大型美食節 Taste of Hong Kong $50食名店菜式!|中環有咩好食|

飲食

廣告

首次登陸香港的大型飲食節目「Taste of Hong Kong」,將於明天(3月10日)一連四日在中環新海濱舉行。此美食節早在12年前於倫敦開始舉行,足跡遍佈全球22個城市,賣點是匯聚城中頂尖餐廳,讓參加者可以在場內一次過試到多款名菜,今年名單上有13間名店,包括米芝蓮二星法國菜Amber及同星級的粵菜都爹利會館。另一亮點是倫敦著名高級餐廳Duck & Waffle都遠道而來參與,重點是最平$50可以試到,吸引嘛,即睇介紹啦!

Taste of Hong Kong餐廳名單

  1. Duck & Waffle-Duck & Waffle (來自英國倫敦)
  2. ABERDEEN STREET SOCIAL-北海道帶子刺身配鏗魚啫喱,蘋果,紫蘇,牛油果及日本芥末、紅莓Mascarpone忌廉芝士配薏米布甸及燕麥、黑松露63度溫泉蛋配碎黑菌及牛油馬鈴薯、龍蝦包配波士頓龍蝦肉及羅馬生菜
  3. AMBER-日本生蠔配海藻,馬鈴薯,生紅蔥,蕃茄及豬肉小香腸脆片、64%巧克力球配鹽味及焦糖夏威夷果仁配可可雪葩、法國特色野鴨肉卷、北海道海膽,龍蝦果凍配椰菜花蓉,魚子醬及海藻薄脆
  4. ARCANE-薄切油甘魚配沙葛,芬奴,醬油薑汁、香煎和牛肋骨配青豆角,炸蒜粒,洋蔥汁、水煮太陽蛋配冬菇,西蘭花醬,牛油麫包粒、意大利馬鈴薯麵配大蒜,蘑菇汁,黑松露
  5. BIBO-溏心温泉蛋、香煎北海道扇貝、法式小圓餅 (柚子, 玫瑰,朱古力味)、法式傳統生牛肉他他配魚子醬
  6. CHINO-烤菠蘿豬頸肉夾餅、鱸魚天婦羅夾餅、北海道帶子海膽脆夾餅、墨西哥紅椒蕃茄醃海鮮配粟米脆片
  7. CAFÉ GRAY DELUXE-甜酒燴牛仔面頰, 紅花意大利飯, 香濃芝士, 巴瑪火腿、酒香香濃朱古力慕絲, 紅桑子及忌廉汁、香辣檸檬醃三文魚, 牛油果青瓜醬、鵝肝醬, 香梨, 紅加崙子汁
  8. DUDDELL’S (都爹利會館)-原隻鮑魚雞粒酥、芥末醬爆澳洲M9和牛粒、麽利菌鮮粉果、薑米蛋白蒸龍蝦
  9. SERGE ET LE PHOQUE-帶子配紅菜頭、柚子胡椒、酸豆與鳀魚、雲呢拿杏仁蛋白餅、蘆筍菠菜湯配烤蘆筍與金橘、香煎乳鴿配海蓬子與日本蟶
  10. THE OCEAN-煙熏紅鯛魚、法式燉野梨、長鰭吞拿魚他他、A級海膽,墨汁脆片,大蝦,酢漿草,紫菜
  11. TIN LUNG HEEN (天龍軒)-蜜燒西班牙黑豚肉叉燒、窩貼大蝦多士、香茜帶子燒賣皇、三文魚子松露煎帶子
  12. TOSCA-意大利芝士蛋糕、橄欖油浸煮吞拿魚‧水瓜柳‧吞拿魚腩汁、生牛肉片、羅勒意大利粉‧小墨魚‧劍魚卷‧黑橄欖油
  13. YARDBIRD-玉米天婦羅、日式吉列三文治、韓式炸椰菜花、花蟹海膽

 

Duck & Waffle

Duck & Waffle係倫敦一間24小時營業嘅著名餐廳,於2014年獲英國士報泰晤士報評為The 25 best places for brunch(25個最佳食Brunch的地方),在當地很有名氣。餐廳名菜是香煎油封鴨腿配煎鴨蛋及楓糖漿,今次大廚會將其帶來香港,雖然鴨是鹹、窩夫是甜,但上網睇,食過的朋友對此菜式有讚無彈。於倫敦本店食此道菜,盛惠£17.00(約港元$190),而在Taste of Hong Kong只需$120 (份量會細少少),價錢未必平好多,但唔駛搭飛機都食到此名菜,值得試啦!不過留意呀,只限3月12日供應1日,有心試就睇住時間喇!

Tosca

Tosca為本港高級餐廳,主打意大利南部特色美食,是Fine Dining的好地方。名廚Pino Lavarra自2013年掌舵Tosca後,即刻帶領餐廳摘下米芝蓮一星殊榮,並連續三年維持此榮譽。屆時Pino 將會為客人呈獻一系列以經典食材配以現代及創新煮法的菜式,包括意大利芝士蛋糕、橄欖油浸煮吞拿魚、生牛肉片及羅勒意大利粉,而只需$50就可以試到米芝蓮甜品意大利芝士蛋糕。

Aberdeen Street Social

Aberdeen Street Social 以英式新派料理為主打,充滿玩味和創意,深受歡迎。店名前半部分為“Aberdeen Street” ,為餐廳所在位置,而“Social”則取自「餐廳亦是喝酒談天的社交場所」之概念,行政總廚Chris Whitmore話:「我們採用來自世界各地的優質食材,以現代手法把英國傳統味道帶到香港,營造獨特的英倫體驗。」而餐廳名菜將低至半價予大家品嚐,例如「北海道帶子刺身配鏗魚啫喱、蘋果、紫蘇、牛油果及日本芥末」一菜,本店原價為$228,美食節中只是$100。

都爹利會館

餐廳連續2年取得米芝蓮二星美譽,由土生土長的大廚蕭顯志主理,菜式保留粵菜正宗口感和味道,再以現代手法表達。會場中將有機會試到原隻鮑魚雞粒酥、芥末醬爆澳洲M9和牛粒、麽利菌鮮粉果,以及薑米蛋白蒸龍蝦。當中的芥末醬爆澳洲M9和牛粒原價$480,但在美食節$120就可試到。

天龍軒

天龍軒是聞名於別緻粵菜,連續3年被評為米芝蓮二星,主廚劉秉雷更自2001年屢次榮獲由香港旅遊發展局頒發的「美食之最」大賞。他擅長結合傳統和新派技巧以創造出別具獨特風格菜式,Taste of Hong Kong將有4道名菜,包括蜜燒西班牙黑豚肉叉燒、窩貼大蝦多士、香茜帶子燒賣皇、子松露煎帶子。價錢將平得多,平日$308的蜜燒西班牙黑豚肉叉燒,場內只要$70咋!

不過提提大家,因為大部分招牌菜式都係小碟奉上,未必同平時餐廳的份量一樣。

除咗食,一連四天嘅Taste of Hong Kong亦會有一連串的活動及體驗,包括優質美酒、廚藝大師班、品酒班、貴賓室、音樂享受,仲有欣賞頂尖廚師即場獻技,教大家煮嘢食。

CHEF’S TABLE

Chef’s Table 讓參加者有機會與本地及國際頂尖大廚會面,親身交流和分享飲食經驗。多位星級大廚將會分享其廚藝之路,傳授如何在家炮製美食心得,仲會解答關於烹飪的難題。

BOSCH美食舞台

Bosch美食舞台將會邀請多位本港頂尖廚師,即席展示大師級的廚藝,上一頁提及過的名廚都會一展身手,將平凡的食材變為非凡美味的菜餚。而Taste of Hong Kong更邀請到Food Network的 Debbie Wong主持此活動。大家記得密切留意你最喜愛廚師的精彩演出,從中偷師!

Laurent Perrier 香檳吧

Laurent Perrier香檳吧檯供應多款香檳,而澳洲名酒莊Wynns Coonawarra Estate的紅酒、以及來自日本6家著名酒造的純米酒及濁米酒亦會於不同大師班中登場,愛酒的朋友不妨參加,在春日的好天氣之下飲飽食醉。

 

位置圖

場內一切都以CROWNS皇冠代幣消費,CROWNS代幣是Taste of Hong Kong的指定貨幣,港幣10元 = 1 CROWN值。代幣不夠用的話,可隨時到售賣點購買。而入場門票有普通門票及貴賓門票,普通門票不包括場中任何消費,貴賓門票則包括供場內使用價值$300的CROWN皇冠代幣及3杯免費飲品。另外,星期五、六晚上的貴賓門票已經售罄,都係早啲喺網上買飛比較穩陣!

 

Taste of Hong Kong
開放時間:3月10日 6pm – 10pm
3月11 – 12日 12:30pm – 4:30pm / 6pm – 10pm

3月13日 12:30pm – 5:30pm
地點:中環新海濱
預售票價:普通門票 $138/位(平日)、$168/位(周末)
即場票價:普通門票 $168/位(平日)、$198/位(周末)
網上購票:http://www.ticketflap.com/tasteofhongkong
網址:http://www.tasteofhongkong.com/

 

延伸閱讀:

2016初春花海!! 7大全港賞花好去處
白色情人節必送!! 9款日本sweet爆美食
新假期周刊 電子書:
ios:https://itunes.apple.com/hk/app/xin-jia-qi-zhou-kan/id722179449?mt=8

Android:https://play.google.com/store/apps/details?id=com.weekendhk.newsstand2&hl=zh_HK
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
 
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..