google 搜尋排行榜 2017 食譜
google 搜尋排行榜 2017 食譜

Google搜尋排行榜2017!港人最想學做的10大食譜 最愛圍爐整甜品 秋葵都上榜!?

飲食

廣告

Google 於今天(12月13 日)公布 2017 年一系列香港搜尋排行榜(Year in Search),排出在2017年搜尋量增長最快,香港人最常搜尋的關鍵字!好多香港人都有向Google 大神求救的習慣,而為食的港人今年就最常搜尋以下10個食譜,一齊來睇吓!

Google 香港 熱爆食譜搜尋排行榜2017

第10位. 雞煲

香港人四季都要圍爐食食食,估唔到在家裡都要食!第10位是來自重慶的雞煲,椒麻刺激,麻辣香口,不少港人都想在家裡重現滋味!

第9位. 秋葵

學整完油膩的雞煲,想不到香港人都愛食吓菜!想不到口感有點像鼻涕般黏黏的秋葵也有上榜。秋葵素來有Superfood之稱 ,有降血糖血脂功效,熱量低,而不少人都不太喜歡秋葵的黏液都富有可溶性膳食纖維,促進腸胃蠕動,通便排毒,想信大家都想學學怎樣煮,那些黏液才比較易接受吧!

第8位.芋圓

來自台灣的甜品芋圓,登上第8位!芋圓甜品店開到成行成市,有些店子更大排長龍。想要做煙煙韌韌的芋圓,材料簡單,其實唔難,難怪不少人都想學學自家製!

第7位.蛋糕

來到第7位,可算沒有驚喜!因為相信許多朋友每逢身邊至愛生日,或情人節,或聖誕節都要一SEARCH!你沒有估錯!蛋糕是也!

第6位. 冬瓜

清熱解暑的盛夏食材冬瓜 ,相信好多主婦到了夏天,不想只是煲湯那麼沉悶,都要拜拜GOOGLE 大神,搵吓新煮意才行!

第5位. 蘿蔔糕 簡易

過年必吃,人見人愛的蘿蔔糕,好多人都想學來襯拜年時,在親朋好友面前表演一番!有趣是,大家都「捨難取易」,要戴頭盔,搜尋時加上「簡易」二字!

超簡易美味蘿蔔糕食譜@JACKY YU

第4位. 海參

又是年菜的好朋友,營養豐富的海參登上第4位!相信好多朋友都要由我易學難精的發海參學起,還有幾個月過農曆新年,有興趣的朋友,不妨學定先!

第3位.牛油果

牛油果是近年大熱的Super Food,含有豐富的維他命E 與不飽和脂肪酸,對皮膚和心臟都有益!除了淨食之外,大家都想找找新意,做沙律,夾果醬,我們之前也教過大家做雪糕,大家也可一試!

三種材料!自家製 牛油果雪糕 !|懶人廚房|

第2位.茄子

第2位,不是什麼新食材,是尋常不過的茄子 !魚香茄子,涼拌茄子也好,相信好多朋友,都想先學學,茄子煮出來不會變黑吧!

第1位.羊腩煲

第10位是雞煲,第1位卻是羊腩煲,香港人講到尾都最愛圍爐!冬天過了一半,必嘗一口暖肚羊腩煲,由老牌大菜館蔓延至大排檔、茶記、甚至快餐店,羊腩煲無處不在,不過又好又抵食的卻難找,最好當然自己買料自己做,保證足料又大煲,難怪登上榜首!

值得一提!美心月餅+美食博覽 2017都上榜!

香港人最愛購物,出乎意料,在Google 香港2017年度熱爆消費品價格搜尋排行榜中,美心月餅更勝IPhone 7 和IPhone 7Plus 。

而美食博覽 2017亦登上 香港2017年度熱爆本地活動搜尋排行榜第3位,美食車則在Google 香港2017年度熱爆本地頭條搜尋的第6位!

想了解更多可即到訪 Google 2017 年度全球搜尋趨勢(Year in Search)專頁(http://google.com.hk/trends/yis/2017/HK)。

延伸閱讀:【食是食非】飲茶一盅兩件 點食先唔肥? 點心卡路里逐件睇! |Food Wiki

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..