和牛
和牛

【2月限定】九州風味 佐賀 和牛 盛宴 @Dining娜

飲食

廣告

Text : Dining娜 Photo : Kwan Yiu

每次見到產品上面標明日本製就好似印有「信心保證」4個字一樣,令人買得特別安心,呢套標準同樣適用於食物方面,所以即使喺香港食日本菜我都鍾意揀made in Japan嘅,尤其是 和牛 呢啲咁講求品質嘅美食。要知道牛肉係咪真正A5級別、肉質夠唔夠新鮮,其實一食便知龍與鳳,我Dining娜今日想分享嘅和牛燒肉‧純就係百分百嚟自日本嘅高級 和牛 燒肉店。

(Presented by 和牛燒肉‧純)

和牛燒肉‧純係日本JA全農,即是日本政府所屬農業組織旗下餐廳,所用嘅牛肉全部都係由日本農場直接供應,貨源穩定而且質素亦都有保證。和牛燒肉‧純嘅經營理念係希望推廣日本牛肉,所以餐廳每個月都會轉換不同產地嘅 和牛 ,留守香港一樣可以食勻全日本 和牛 ,今個月就輪到佐賀牛做主角。

100%佐賀出品和牛

九州佐賀縣黑毛 和牛 嘅特色在於油花分佈均勻,肉質柔軟,肉味濃郁,入口即溶,餐廳提供日式燒肉、火鍋或者壽喜燒幾種食法俾客人選擇。今次要推介嘅係佐賀牛特選牛肉眼及豪華燒肉套餐,聽個名都知大堆頭,主角燒肉拼盤一共有特選佐賀牛肉眼、牛排肉、 和牛 肩眼、 和牛 紅肉、牛舌同日本產厚切豚腩肉6個部位,建議由味淡至味濃嘅順序去品嘗就最滋味喇!

除咗燒肉,套餐仲包咗2人份嘅前菜、湯、沙律、刺身、炒飯同甜品。炒飯採用佐賀日和米,以佐賀牛嘅油脂取代食油炒製,仲加入咗鮮嫩 和牛 粒,味道非常濃郁。綠茶奶凍亦係用佐賀產牛奶同綠茶製作,真係啖啖都充滿佐賀縣嘅風味。

如果覺得套餐太大份都可以散叫燒肉拼盤,以下幾款都係和牛燒肉‧純嘅人氣之選。

卡位多 飯敘一

和牛燒肉‧純喺香港一共有2間分店,分別位於尖沙咀同銅鑼灣,其中尖沙咀分店會比較多廂房同卡位,卡位之間亦有木板隔住,同坐房一樣有個私人空間密密斟。

可以每個月都食到咁美味嘅限定套餐,真係要多謝主廚背後付出嘅努力。

3大識食Hashtag

大愛原因係餐廳由JA全農直屬經營,供應嘅 和牛 全部都有品質保證;每個月都會轉不同產地 和牛 嘅主題menu,唔使飛去日本都可以食勻全國靚牛;環境同氣氛都好relax,可以舒舒服服歎住 和牛 同朋友傾偈。

 

和牛燒肉‧
地址:尖沙咀東部加連威老道96號希爾頓大廈1樓3號舖
電話:2723 3868
地址:銅鑼灣恩平道42號亨利中心15樓
電話:2807 0103/ 5220 7007
facebook:Japanese Wagyu Yakiniku Pure

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..