OPPA 服侍你 棉花糖雪花冰甜入心

飲食

廣告

相信鍾意食韓燒嘅大家對於新麻蒲呢個名並唔陌生,喺上個月尾,佢哋終於喺旺角開咗分店,仲推出咗新甜品--棉花糖雪花冰。從來有棉花糖嘅甜品都唔會輸,今次有埋 Oppa ,就更加正喇!

Oppa 即場用火槍將棉花糖表面燒焦,食落外脆內軟,棉花糖下面係牛奶雪花冰,中間夾住啲煉奶同朱古力醬,仲有啲杏仁片,外熱內冷。不過因為份量十足,所以如果想食,就要留定肚喇。最重要嘅係,望住 Oppa 揸住枝火槍,溶化嘅唔止係棉花糖,仲有記者嘅少女心呀。記者仲偷睇到,呢度嘅老闆都係韓國人,一樣咁值得心心眼㗎! 至於點解要提大家留肚,大家再睇埋下一頁就知點解!

除咗甜品,當然唔少得主打--燒肉啦。嚟到新麻蒲,可以order不同嘅套餐,由$368-$888不等,豐儉由人,當然亦都可以散叫啦。今次呢個套餐包括牛霜降肉、護心肉、秘製排骨、火炙霜降牛肉壽司等等。女仔食韓燒就最怕啖啖肉㗎喇,所以呢度都有年糕、磨菇、大蝦呢啲食物中和返,而且佢嘅肉亦唔會太肥,Oppa話豬護心肉更加可以預防動脈硬化同貧血添!

 

新麻蒲BBQ

地址:旺角彌敦道636號銀行中心廣場1樓(顯示地圖
電話:27880933
營業時間:星期一至五: 12:00-15:00; 17:00-00:00
星期六至日: 12:00-01:00

 

廷伸閱讀

Candy Pills 西九有班補藥黨 唔係賣藥賣粒糖

女生至愛! 台灣 10大必試人氣甜品

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..