芝士年糕
芝士年糕

$99買一送一 韓式芝士年糕火鍋放題 @ Poortravellers窮遊

博客

廣告

荃灣果然係有好多抵野食,呢間有得食韓燒,但今次嚟食嘅係韓式炒芝士年糕!仲要係放題任食!

‎現炒韓式芝士年糕放題(原價$99,各位去幫店主facebook完成任務,就有買一送一優惠,加埋10%服務費每人$54.5!)限時1.5小時,有芝士爐邊蛋,中間年糕火鍋配料想點加就點加,淨係年糕種類都相當多:紫薯年糕、芝士年糕,唔同形狀嘅年糕⋯仲有任加芝士,年糕加芝士真係無得輸。(打電話去book位果時記得問清楚個優惠!)

除咗佢準備好嘅材料,可以自己出去夾配料追加,單單係年糕已經有相當多款式:一般年糕、番薯年糕、芝士年糕、模樣年糕(唔同樣嘅年糕)…

另外一邊有唔同款式嘅麵可以揀,唔係平時咁樣一盤盤麵,係一包包未拆可以自己揀想食嘅麵,仲有辛辣麵揀添!

行出去除咗配料吸引,更加吸引嘅就一定係呢個一碗碗芝士,自己拎,想拎幾多就幾多,咁就當然唔好太過份啦。

芝士隔離有紫菜同粟米,上面有一球球飯,一陣再講要嚟做咩!

鍋湯底可以係出面醬料區度加辣/加味,整番個啱自己口味嘅湯底,食完爐邊蛋,可以擺芝士上去等佢熱熔再拎年糕去翹芝士食。

食完個炒年糕就可以淨番少少湯底要嚟炒飯!炒飯嘅做法就係拎哂頭先提及嘅芝士、紫菜、粟米同一球球嘅飯,如果想有d配料可以拎埋午餐肉,今次兩個人嚟食拎咗兩球飯。

先落飯去湯底炒,炒到每粒飯都上哂色就可以加午餐肉,一路炒一路整到午餐肉變一粒粒,然後加紫菜同粟米,最後加埋大量芝士。

完成一個拉絲炒飯,呢個飯超好食!

Norayo The Tteokbokki

電話:2408 1068
地址:荃灣眾安街55號大鴻暉(荃灣)中心18樓(顯示地圖
營業時間:1800-0100
延伸閱讀:
葵廣新店大過手掌~蜜糖芥末手卷@ Poortravellers窮遊
本地設計!$68黃金芝士雞煲+倒插雪碧@ Poortravellers窮遊