10生蠔
10生蠔

糧尾食好西! 激平 $ 10生蠔 全日任叫冇限額 |樂富有咩好食|

飲食

廣告

每逢食海鮮,特別係食 生蠔 ,一埋單就覺得好貴好肉赤,所以每次想食生蠔都要左諗右諗,最後為咗慳得一蚊得一蚊,就打消呢個念頭。宜家唔駛愁喇,因為香港有餐廳推出 $ 10生蠔 優惠,任叫之餘,仲要係全日供應!呢個平民優惠引嚟網上熱烈討論,我哋記者MandySam都唔執輸去試食,估唔到竟然有驚喜!

任叫 $ 10生蠔 性價比極高!

Oyster Station Snack and Oyster Bar周不時都會推出優惠,而引起大家心動嘅優惠,就係$10 一隻生蠔任叫,雖然優惠全日供應,不過只限堂食。而每間分店每日供應嘅優惠蠔款唔同,所以質素都有所差別。

今次我哋去咗樂富分店,$10生蠔就係南非Rolex生蠔。生蠔洗得乾淨,大隻又冇沙,雖然$10/隻,但生蠔份量比想像中大,有半隻手拳咁大。味道方面,海水味好重,質感好Creamy,性價比極高,好有驚喜!不過平時食得淡味d嘅朋友仔就可能會覺得較鹹喇。

10生蠔
12隻生蠔都只係$120!
平民_生蠔_ROLEX 5
雖然$10/隻,但生蠔份量比想像中大,有半隻手拳咁大,唔算細隻。
平民_生蠔_ROLEX 1
生蠔洗得乾淨又冇沙,可以好放心食落肚。

$120半打 蘇格蘭+愛爾蘭生蠔

想食好少少,可以揀$120半打生蠔。同樣,每日生蠔品種都會有機會唔一樣,今次係愛爾蘭Premium同蘇格蘭Cumbrae Pearl生蠔。由於店主見其中一隻生蠔偏細隻,特登送多一隻畀我哋,真係好貼心!

因為有唔同品種生蠔,店主仲教我哋應該食咗愛爾蘭Premium生蠔先,再食蘇格蘭Cumbrae Pearl生蠔。愛爾蘭Premium生蠔夠脹卜卜,肉質爽口,海水味較淡,食落會有少許青草味。而蘇格蘭Cumbrae Pearl生蠔較簿身,蠔味淡但海水味突出,味道最鹹。

平民_生蠔_蘇格蘭愛爾蘭
左邊4隻係愛爾蘭Premium生蠔,而右邊3隻係蘇格蘭Cumbrae Pearl生蠔。

記者食後感!

試晒3款生蠔之後,Mandy比較鍾意食最平嘅南非Rolex生蠔,海水味重但唔會太鹹,而且夠Creamy。而Sam就鍾意愛爾蘭Premium生蠔,海水味比其他淡,帶少少草青味好特別,肉質爽口d。

平民_生蠔_Mandy
Mandy最鍾意食南非Rolex生蠔,海水味重又Creamy。
平民_生蠔_sam
Sam就鍾意食愛爾蘭Premium生蠔,有少少草青味,食落幾fresh。

 

睇足本片段介紹:

 

 

去之前最好Book定位!

由於宜家已經好多人去食,午市只限walk-in,12點開始就有得食,不過晚市就最好book定位喇,因為有網民表示,去過土瓜灣分店,唔止full booking,未來幾日都滿座,所以想食就要提早幾日打去訂位。要留意嘅係,一共有4間分店,聽講每間分店每日供應嘅蠔款同質素都唔同,味道可能就會有d偏差。

333
有網民曾留言指,上星期去土瓜灣分店諗住walk-in,點知full booking。

Oyster Station Snack and Oyster Bar

土瓜灣分店
地址:土瓜灣宋皇臺道38號傲雲峰地舖(顯示地圖
營業時間:12:30pm-11:30pm
電話:3514 3062

大角咀分店
地址:大角咀詩歌舞街83號亮賢居地下1號舖(顯示地圖
營業時間:星期一至日12nm-12am
電話:2457 1233

樂富分店
地址:樂富聯合道198號樂富廣場街市地下401-402號舖(顯示地圖
營業時間:星期一至日12nm-11:30pm
電話:2549 0132

O S Plus

將軍澳分店
地址:將軍澳唐德街9號將軍澳中心1樓163B舖(顯示地圖
營業時間:星期一至日12nm-10:30pm

電話:3743 1188

 

想知更多好玩生活資訊,留意Mandy facebook專頁

Travelling Mandy 漫.遊世界

想知更多吃喝玩樂、扮靚資訊,就快d like Sam拍胃 facebook page啦!
sampakwai

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..