$1雞煲
$1雞煲

$1雞煲 喪食之旅! 肥牛、甜蝦全部都係$1 |旺角有咩好食|

飲食

廣告

物價愈來愈高,但人工就從來無變,好彩最近發現坊間唔少食店都推出優惠,$1雞煲、肥牛、甜蝦全部都有,簡直係救咗長期糧尾嘅打工仔一命!不過常言道「一分錢一分貨」,想知$1食物質素如何?即刻睇我哋嘅試食報告啦!

 

$1雞煲 質素完全無走樣!

位於旺角嘅陸陸雞煲,最近推出4週年優惠,只要身份證號碼有「6」字,或名字包括「陸」字,就可以用$1食到一個雞煲!抵成咁,質素又如何先?

不過…

優惠條款寫明,要食$1雞煲,就要惠顧其他食物,但係不設最低消費,即係話叫罐汽水亦可以,最平$14就可以埋單!而記者最欣賞嘅係,埋單唔係直接收取雞煲嘅嗰$1,而係要求客人直接將$1捐到奧比斯籌款箱,食平嘢同時又可以做善事!

除咗雞煲,其他食物質素都唔錯,推介返幾款特色食品畀大家!

青檸梳打 $48

食雞煲點可以唔飲嘢呢?呢度嘅青檸梳打、柚子梳打同檸賓梳打都係超巨型,食完成餐飯都未飲完,$48都算抵飲。

咸牛肉芝士釀油條 $62

咸牛肉多士就食得多,今次用油炸鬼代替多士,食落更脆,而且無想像中咁油,抵讚!最神奇嘅係,即使放入湯內十幾秒後再食,油炸鬼依然非常脆口!

食完仲有糯米糍送,今次係抹茶紅豆味,都唔錯。

不過提提大家,優惠一推出就好受歡迎,記者當日7點左右去到,要等成70個檯號,雖然當中都有唔少人等等吓走咗,但係都等咗1個鐘有多。

陸陸雞煲

總店地址:旺角奶路臣街33號地下(顯示地圖
電話:2392 4966
分店地址:旺角白布街16號(顯示地圖
電話:2363 8466
優惠日期:即日起至5月31日
供應時間:6pm-2am

$1追加肥牛 火鍋新場: 吞POT

雞煲愈開愈多,最近又有新成員:吞POT,一聽個名已經覺得幾特別,望埋最近做緊嘅$1肥牛優惠,就覺得更加吸引!

講返雞煲,今次order呢個係辣酒花螺雞煲‬,份量十足,半隻雞已經夠2-3人食,而且仲有好多大大粒花螺,抵食!提提大家,BB辣都已經好辣,所以揀辣度之前記得考慮清楚。

食完雞煲就可以追加$1雪花肥牛,每2-3位可以order一碟,4-6位兩碟,如此類推。雖然只係$1,但係肥牛嘅質素都唔錯,脂肪分佈都幾靚,食落嫩滑又有牛味。

除咗肥牛,手打芝士牛丸都非常吸引,雖然無特價,但係芝士非常流心,而且牛丸十分彈牙!

‪吞POT‬

地址:旺角彌敦道726號23樓(顯示地圖
營業時間:1730-0000
電話:2508 0002

$1甜蝦 食幾多都得!

$1喪食之旅來到尾聲,介紹返一向都做緊優惠嘅日式料理,只要消費滿$120就可以用$1/隻價錢,無限次追加甜蝦。

甜蝦食落好有蝦味,又唔會霉,不過size就有d細隻,但係以呢個價錢,都收貨啦。

另外,消費滿$100就可以用$40追加半磅三文魚,食落都有魚味,不過略嫌唔夠肥美。

魚心日本料理

地址:旺角通菜街29號地下(顯示地圖
電話:2781-1932
營業時間:12pm-2am

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..