麻婆豆腐
麻婆豆腐

麻婆豆腐食譜@Pun’s 冰室

飲食

廣告

麻婆豆腐有段故

是咁的,話說清朝末期,住喺四川成都嘅陳生突然仙遊,攪到陳師奶一家幾口忽然無咗經濟之柱,生活變得艱苦。好彩佢哋有兩個鄰居,一家係賣羊肉,另一家係賣豆腐,將每日賣唔晒嘅蹄筋肉和壓爛咗嘅豆腐俾佢哋。(據聞陳師奶好鍾意煮飯俾囝囡食,會絞盡腦汁煮到最好~)但係蹄筋肉好硬,所以好細心用手將肉剁碎(留意,舊時係無攪拌機架吓@@),佢就用大菜刀喺咁剁…喺咁剁…around剁咗十分鐘左右,就變肉碎嘞。至於啲豆腐到手時都碎碎哋,佢就索性切到細細粒嘅四方形,咁就睇唔出原來係咩樣啦~兩個字’醒’呀!
跟住加啲自家醬,將啲肉碎同豆腐慢燉幾個鐘,等蹄筋肉變軟,啲筋仲會有黏性(齋諗都覺得養顏),但係會有啲腥,所以要加少少胡椒,而豆腐又吸咗肉汁,點會唔惹味~

而陳師奶就靠一味蹄筋肉豆腐開餐館,除咗味道吸引,最緊要係夠平,所以生意興隆咯。
講咁耐,前面都只不過係陳師奶奮鬥養家血淚史,都未講餸名係點嚟,原因好簡單,就係因為佢塊臉上有麻子(即係痘皮),啲人叫吓叫吓,就叫咗「麻婆豆腐」喇!無阿陳師奶都唔會有麻婆豆腐呀~
 

材料:
豆腐———-1盒
青蔥———-適量
薑———-適量
蒜———-適量
豬肉碎———-$20

調味料:
糖———-適量
酒———-少許
醬油———-適量
麻油———-半茶匙

花椒粉———-少許
辣豆瓣醬———-1茶匙
薯粉/豆粉———-少許

做法:
將豆腐切成小方塊;豆粉加少許水做芡;蒜、薑、蔥切末。

2 .燒紅隻鑊加少少油放入絞肉炒熟,加入薑、蒜、蔥末及辣豆瓣炒香。

3 .放入豆腐和糖、醬油、酒調味料及少許水,滾後轉細火,差不多收水為止。

4 .放入芡,淋上麻油,加入蔥花拌勻,加花椒粉即可。

btw,炒得夠學問係有竅門:

1.有隻鑊,煮乜都得啦^^

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..